بریکنگ! ہیونڈائی ایلانٹرا جلد پاکستان آ رہی ہے!

0 17 491

ایک دلچسپ خبر یہ ہے کہ ذرائع کے مطابق پاکستان میں جلد ہی ہیونڈائی ایلانٹرا آ رہی ہے۔ ہمارے ذرائع کے مطابق ہیونڈائی نشاط نے ایلانٹرا سیڈان کی اسمبلی شروع کر دی ہے، جس سے اس کی آمد کی تصدیق ہوتی ہے۔ نئی گاڑیاں اس وقت داخل ہو رہی ہیں جب جون 2021ء میں موجودہ آٹو پالیسی کے اختتام سے پہلے مختلف ادارے نئی گاڑیاں جلد از جلد لانچ کر رہے ہیں۔

کمپنی 2021ء کی پہلی سہ ماہی میں یہ سیڈان لانچ کرنے کا منصوبہ بنا رہی ہے، جس کی متوقع قیمت ذرائع کے مطابق 36 سے 40 لاکھ روپے ہوگی۔

یہ بات قابلِ ذکر ہے کہ ایلانٹرا بین الاقوامی طور پر ہونڈاِ سوک اور ٹویوٹا کرولا کی بڑی مقابل ہے۔ اس کا مطلب ہے کہ یارِس اور سٹی کے بعد ٹویوٹا اور ہونڈا کی دوسری گاڑیوں کو بھی پاکستان میں سخت مقابلے کا سامنا کرنا پڑ رہا ہے۔

ذرائع نے یہ بھی دعویٰ کیا کہ ہیونڈائی لوکل مارکیٹ کے لیے چند اسمبل شدہ یونٹس رکھتا ہے۔ ہیونڈائی نشاط نے یہ گاڑی 2020ء کے PAPS آٹو شو میں نمائش کے لیے بھی پیش کی تھی۔ کمپنی نے اسے 2020ء کے اختتام سے پہلے لانچ کرنے کا عزم دکھایا تھا۔ لیکن کووِڈ-19 کی وجہ سے ایسا ممکن نہیں ہوا۔

ایلانٹرا انجن اور پاور ٹرینز:

انٹرنیشنل مارکیٹوں میں ہیونڈائی نے ہر مارکیٹ کے لحاظ سے ایلانٹرا لانچ کی ہے۔ اس کار کے سب سے عام انجن اور پاور ٹرین 1.6L نیچرلی ایسپائریٹڈ 4-سلنڈر پٹرول انجن ہے۔ انجن 122hp اور 156Nm ٹارک پیدا کرتا ہے، جو 6-اسپیڈ مینوئل یا 6-اسپیڈ آٹومیٹک ٹرانسمیشن رکھتا ہے۔

ہیونڈائی ایلانٹرا کے نمایاں فیچرز:

یہ گاڑی عالمی مارکیٹ میں یہ فیچرز رکھتی ہے۔

سیفٹی:

ایلانٹرا 6 ایئربیگز، الیکٹرک اسٹیبلٹی کنٹرول اور ہل اسٹارٹ اسِسٹ کے ساتھ آتی ہے جو اس کار کو عام سڑکوں کے ساتھ ساتھ پہاڑی علاقوں میں بھی سفر کے لیے ایک محفوظ گاڑی بناتے ہیں۔ اس کے علاوہ گاڑی میں ایمرجنسی اسٹاپ سگنلز ہیں جو سیفٹی کے لیے زبردست آپشن ہے۔

ہیونڈائی ایلانٹرا میں چور الارم، تمام چاروں ٹائروں پر ڈسک بریکس اور امپیکٹ/اسپیڈ سینسنگ آٹو ڈور لاکس بھی پیش کرتا ہے۔

ہیونڈائی ایلانٹرا میں سینسرز:

گاڑی پارکنگ سینسرز اور ریئر کیمرے کے ساتھ آتی ہے، جو ڈرائیور کے لیے چھوٹی سی جگہ پر بھی گاڑی کو پارک کرنا بہت آسان بناتے ہیں۔

کروز کنٹرول/ٹائر پریشرنگ:

ایلانٹرا ہائی ویز اور موٹرویوز پر ہموار سفر کے لیے کروز کنٹرول فیچر بھی رکھتی ہے۔ اس کے علاوہ ہیونڈائی نے ٹائر پریشر مانیٹرنگ بھی انسٹال کیا ہے، جو مالک کی سہولت اور سکیورٹی کے لیے ہر وقت ٹائر پریشر کے بارے میں بتاتا ہے۔

انٹیریئر:

یہ گاڑی اسمارٹ ٹچ اسکرین انفوٹینمنٹ سسٹم رکھتی ہے جو ہیونڈائی بلو لنک کنیکٹیوٹی کے ساتھ آتا ہے۔ اس کے علاوہ کمپنی نے آرام دہ سفر کے لیے اس میں وینٹی لیٹڈ فرنٹ سیٹس لگا رکھی ہیں۔

ہمیں امید ہے ہیونڈائی پاکستان میں یہ فیچرز پیش کرے گا کیونکہ لوکل مینوفیکچررز اپنی گاڑیوں میں سیفٹی آپشن پر توجہ نہیں دیتے۔ اگر گاڑی ان فیچرز اور تفصیلات کے ساتھ آتی ہے تو پھر یہ واقعی ہونڈا سوِک اور ٹویوٹا کرولا کا سخت مقابلہ کرے گی۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.