جنرل ٹائرز پاکستان میں کونٹی نینٹل ٹائرز کا واحد ڈسٹری بیوٹر بن گیا

0 1 717

پاکستان میں ٹائرز بنانے والے سب سے بڑے ادارے جنرل ٹائرز کو ملک میں کونٹی نینٹل (Continental) ٹائرز کا واحد ڈسٹری بیوٹر مقرر کر دیا گیا ہے۔ کونٹی نینٹل دنیا میں ٹائرز بنانے والے معروف اداروں میں سے ایک ہے اور دنیا کے مشہور ترین کار مینوفیکچررز، مثلاً BMW، مرسڈیز، آؤڈی اور فوکس ویگن، کا سب سے بڑا سپلائیر ہے۔

کونٹی نینٹل مینوفیکچرنگ، ٹائر ڈیزائنز کے انتخاب اور ان کی خصوصیات میں بھی جنرل ٹائر کو تکنیکی مدد فراہم کرتا ہے۔

یہ اسٹریٹجک قدم جنرل ٹائرز کو اپنے ملک گیر ڈیلرز کے ذریعے پاکستان میں کونٹی نینٹل برانڈ کے ٹائروں کو مارکیٹ کرنے کے قابل بنائے گا۔ ٹائرز مختلف جدید یورپی پیٹرنز میں دستیاب ہیں، زیادہ تر 17 انچ اور اس سے زیادہ کے رِم سائز ٹائرز جو کاروں/SUVs کے لیے خصوصی طور پر ڈیزائن کیے گئے ہیں، ہائی اینڈ کسٹمرز کے لیے مارکیٹ کیے جا رہے ہیں۔

ہمارا ماننا ہے کہ اس ہائی-اینڈ سیگمنٹ کے لیے خاص مارکیٹ موجود ہے۔ یہ مچلن، پریلی اور گُڈ ایئر جیسے موجودہ اداروں کو جلد ہی زبردست ٹکر دے گی۔

جنرل ٹائرز میں ٹائرز کیسے بنائے جاتے ہیں:

ٹائر گاڑی کا واحد پارٹ ہے جو کہ سڑک کے ساتھ ملا ہوا ہوتا ہے، جس کی وجہ سے نہ صرف اسے air friction کا سامنا کرنا پڑتا ہے بلکہ وہ سڑک کا بھی مقابلہ کرتا ہے۔ یہی وجہ ہے کہ سخت کنڈیشنز میں بھی بہتر کارکردگی کے لیے ٹائروں کو خاص طور پر احتیاط کے ساتھ بنانا پڑتا ہے۔

ٹائر مینوفیکچرنگ کا عمل مختلف مراحل سے گزرتا ہے، جس میں مختلف چیزیں استعمال کی جاتی ہیں۔ ٹائروں کی مینوفیکچرنگ ایک مکمل آٹومیٹک مکسنگ کے عمل سے شروع ہوتی ہے جس میں اعلیٰ معیار کے مٹیریلز کو متوازن مقدار میں مکس کیا جاتا ہے تاکہ ایک بیس کمپاؤنڈ بنایا جا سکے، جسے بعد میں مختلف ٹائر پارٹس بنانے میں استعمال کیا جاتا ہے۔

مکسنگ کے بعد اس بیس کمپاؤنڈ کو شیٹس میں ڈھالا جاتا ہے۔ اس کمپاؤنڈ کی نائلون اور پولسٹر مٹیریل پر کوٹنگ کی جاتی ہے، جسے calendaring کہا جاتا ہے۔

Extrusion کے عمل میں جدید ٹیکنالوجی کا استعمال کرتے ہوئے مختلف قسم کے کمپاؤنڈز اور مٹیریلز کو مکس کیا جاتا ہے۔ انہیں ایک خاص ڈائی کے ذریعے پروسس کیا جاتا ہے تاکہ ٹائرز کی tread اور sidewalls بنانے میں استعمال ہونے والا بیس کمپاؤنڈ تیار ہو سکے۔

اسٹیل بیلٹ بنانے کے لیے اسٹیل وائرز کا استعمال کیا جاتا ہے؛ یہ عمل اسٹیل بیلٹ کیلنڈرنگ کہلاتا ہے۔ یہ ٹائر کو مضبوطی دیتا ہے اور اسے پنکچر ہونے سے بچاتا ہے۔

Recommended For You:

General Tyre Becomes Popular in Pakistan

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.