امریکا میں یارِس کا خاتمہ ہو گیا

4 053

ٹویوٹا نے امریکا میں اپنی یارِس کار کو ختم کر دیا ہے۔ کمپنی نے سیڈان اور ہیچ بیک دونوں ویرینٹس کا سلسلہ ختم کرنے کا فیصلہ کیا ہے جو 2006 سے لائن اَپ تھے۔ لِیک ہونے والے ایک میمو کے مطابق کمپنی نے جنوب مشرق میں تمام ٹویوٹا ڈیلرز اور کار مینیجرز کو کہا ہے کہ یارِس سیڈان اور ہیچ بیک کی مینوفیکچرنگ ختم کرنے کا فیصلہ کیا گیا ہے۔ مختصر یہ کہ امریکا میں یارِس کا سفر ختم ہو گیا ہے۔

مندرجہ بالا دونوں ویرینٹس ماڈل سال 2021 کے لیے دستیاب نہیں ہوں گے۔ 2020 یارِس کے لیے آخری ماڈل سال ہوگا۔ اس کے علاوہ جون 2020 امریکا میں یارِس سیڈان اور یارِس ہیچ بیک کی پروڈکشن کا آخری مہینہ ہوگا۔

میڈیا سے بات کرتے ہوئے ٹویوٹا کے نمائندے نے تصدیق کی کہ اگلے سال یارِس کا نیا ماڈل پیش نہیں کیا جائے گا۔

فروخت میں کمی:

2015 سے یارِس کی فروخت امریکا میں بہت زیادہ نہیں تھی۔ کمپنی نے 2019 میں صرف 21,916 گاڑیاں فروخت کیں، جبکہ اس کے مقابلے میں امریکا میں ٹویوٹا کرولا کے 3,04,850 یونٹس فروخت ہوئے۔ یارِس کے دونوں ویرینٹس بہت مناسب قیمت کے تھے، جن کی قیمتیں سیڈان اور ہیچ بیک کے لیے بالترتیب 15,650 ڈالرز اور 17,750 ڈالرز سے شروع ہوتی تھیں۔ اس کے علاوہ کرولا کی سیڈان اور ہیچ بیک کی قیمتیں ملک میں 19,600 ڈالرز اور 20,290 ڈالرز سے شروع ہوتی ہیں۔

اب امریکی صارفین GR ہاٹ ہیچ بیک کا انتظار کر رہے ہیں، جس کے مارکیٹ میں تہلکہ مچانے کی امید ہے۔

پاکستان میں لانچ:

ٹویوٹا نے اس سال مارچ میں پاکستان میں یارِس لانچ کی تھی۔ یہ 1300cc کی سب-کومپیکٹ کار ملک میں ہونڈا سٹی کا مقابلہ کر رہی ہے۔ اس کے علاوہ صارفین یارِس کا مقابلہ کرولا کے 1.3L ویرینٹ سے بھی کر رہے ہیں کہ جس کا خاتمہ کر دیا گیا ہے لیکن اسے پاکستان میں زبردست مقبولیت حاصل رہی ہے۔

البتہ نئی لانچ کی گئی کار کو زبردست دھچکے کا سامنا کرنا پڑا کیونکہ حکومت نے اس کے لانچ کے ساتھ ہی ملک بھر میں لاک ڈاؤن کر دیا۔ اس کی وجہ سے اپریل میں کوئی فروخت نہیں ہوئی، جبکہ مئی میں صرف 167 یونٹس فروخت ہو سکے۔

کار کے لیے ایک اور بڑا دھچکا یہ ہے کہ کمپنی نے پاکستان میں یارِس کی قیمتیں بڑھا دیں۔ گاڑی کے مختلف ویرینٹس کے لیے کمپنی نے 1,20,000 روپے سے لے کر 1,50,000 روپے تک کا اضافہ کیا۔ ٹویوٹا جون میں کار کی فروخت میں اضافے کی امید رکھتا ہے کیونکہ حکومت نے ملک میں لاک ڈاؤن میں نرمی کر دی ہے۔

 

Recommended For You: Toyota Offers Discount On Yaris In India, Hikes Price In Pakistan 

Google App Store App Store
تبصرے