بریکنگ – چنگان ایلسوِن کی قیمت کا اعلان کر دیا گیا

0 40 752

بالآخر وہ دن آ ہی گیا، چنگان نے اپنی اس گاڑی کی قیمت کا اعلان کر ہی دیا کہ جس کا 2021ء میں سب سے زیادہ شدت سے انتظار کیا جا رہا ہے، یعنی «ایلسوِن»۔ قیمت کی باضابطہ رونمائی چنگان کے آفیشل فیس بک پیج پر رات 12 بجے کی گئی تھی۔ گو کہ اس وقت رات کافی ہو گئی تھی اور زیادہ تر لوگ پہلے ہی سو چکے تھے لیکن جو سونے کی تیاری کر رہے تھے، ان کی تو قیمت سن کر نیند ہی اڑ گئی ہوگی اور ہم نے سوشل میڈیا کے ساتھ ساتھ پاک ویلز فورم پر بھی اس حوالے سے کافی گفتگو دیکھی۔

چنگان کے سوشل میڈیا پیج نے 40 سیکنڈز کی ایک مختصر وڈیو پیش کی ہے جس میں ایلسوِن کی قیمت کے ساتھ مختلف ویرینٹس پر بھی بات کی گئی ہے۔

ایلسوِن کی ظاہر کردہ قیمت:

چنگان پاکستان نے گاڑی کی باضابطہ تفصیلات تقریباً ایک مہینے پہلے ظاہر کی تھیں، اور واحد چیز جو رہ گئی تھی وہ قیمت ہی تھی۔ جیسا کہ ہمیں پہلے ہی معلوم ہے کہ ایلسون تین ویرینٹس میں پیش کی جائے گی، جن کی قیمتیں کچھ یوں ہیں:

  • 37L بَیس ماڈل 5 اسپیڈ مینوئل ٹرانسمیشن کے ساتھ 21,99,000 روپے
  • 5L کمفرٹ 5 اسپیڈ ڈوئل کلچ ٹرانسمیشن کے ساتھ 23,99,000 روپے
  • 5L لیومیئر ‏5 اسپیڈ ڈوئل کلچ ٹرانسمیشن کے ساتھ 25,49,000 روپے

یہ تمام ایکس-ڈیلرشپ قیمتیں ہیں۔ گاڑیوں کی عام بکنگ 14 جنوری 2021ء سے شروع ہوگی جس میں 7,50,000 روپے ایڈوانس ادائیگی کرنا ہوگی۔ ایلسوِن 3 سال/1,00,000 کلومیٹرز کی وارنٹی کے ساتھ آتی ہے، جو بھی پہلے مکمل ہو جائے۔

رنگوں کے آپشنز اسٹیلر وائٹ، لیونر سلوَر، گلیکسی بلیک، کاسمک ریڈ، نیبولا بلو اور اسپیس گرے ہیں۔ تفصیلات یہاں نیچے دیکھی جا سکتی ہیں (بڑی تصویر کے لیے کلک کیجیے)

ایلسوِن لوکل مارکیٹ میں ایک زبردست اضافہ ہے۔ ہمیشہ کی طرح کسٹمرز قیمت ادا کرنے سے پہلے نئے برانڈز، ری سَیل ویلیو اور برانڈ شناخت کے حوالے سے شک و شبہ میں ہیں، چاہے گاڑی کتنی ہی اچھی کیوں نہ ہو۔ سوزوکی سیاز اس کی ایک مثال ہے۔ انحصار اس بات پر کہ چنگان/ماسٹر موٹرز اس موقع کا کیسے فائدہ اٹھاتا ہے۔ جہاں تک قیمت کا تعلق ہے تو ایلسوِن ہیچ بیکس اور سٹی اور یارِس سیڈان کے درمیان موجود خلاء کو پُر کر سکتی ہے۔

مارکیٹ میں مقابلہ:

ایلسوِن نئی ریلیز ہونے والی گاڑی ٹویوٹا یارِ‎س کو آسانی سے پچھاڑ نہیں پائے گی (مسئلہ: برانڈ شناخت) لیکن بلاشبہ نئے خریداروں کو انتخاب کے نئے مواقع ضرور دے گی۔ جہاں تک ایک دہائی پرانی ہونڈا سٹی کا تعلق ہے تو ایلسوِن اس کے لیے ایک حقیقی خطرہ بننے جا رہی ہے۔ اس کے علاوہ ایلسوِن کی قیمت بھی صارفین کو پکانٹو اور کلٹس سے دُور کر سکتی ہے اور 2 جنریشنز پرانی سوئفٹ سے بھی اور اس کی وجہ ہوگی «ڈِگی والی گاڑی۔» یہ دیکھنا دلچسپ ہوگا کہ ایلسوِن کی قیمت سامنے آنے کے بعد پروٹون اپنی آنے والی سیڈان ساگا کس قیمت پر پیش کرتا ہے۔

آفٹر سیلز سروس، سپورٹ، کسٹمرز کا اطمینان اور دوستانہ اور خیر مقدم کرنے والا ڈیلر نیٹ ورک، سیلز اور مارکیٹنگ کی اسٹریٹجی ہی چنگان کو کامیابی میں مدد دے سکتی ہے۔ اب تک چنگان کی تقریباً 17 ڈیلرشپس موجود ہیں، 11 پنجاب میں، 4 سندھ میں، 1 خیبر پختونخوا اور 1 بلوچستان میں۔ کیونکہ ایلسوِن کا ہدف بجٹ گاڑیاں خریدنے والے ہیں، اس لیے ماسٹر موٹرز کو زیادہ سے زیادہ رسائی اور کامیابی کے لیے اپنے ڈیلرشپس کو بڑھانا پڑ سکتا ہے۔

اس کے علاوہ زیادہ فیچرز کے ساتھ ساتھ اس کی فِٹ اور فنش پر سودے بازی نہیں ہونی چاہیے۔ جی ہاں، مقابلہ اچھا ہے لیکن کوالٹی اہمیت رکھتی ہے، مقدار نہیں۔ ایک خریدار کی حیثیت سے آپ کو بھی صرف مخصوص فیچرز کی طرف نہیں جانا چاہیے اور یہ بات مارکیٹ میں کسی بھی کمپنی اور ماڈل پر لاگو ہوتی ہے۔ موجودہ ادارے اس کھیل کو اب سنجیدہ لے رہے ہیں، کیونکہ مارکیٹ پر اجارہ داریاں ختم ہو رہی ہیں۔

چنگان ایلسوِن کو مقابلے میں موجود دیگر گاڑیوں، بلکہ JDMs (جاپان ڈومیسٹک ماڈلز) سے بھی بہتر قرار دے رہا ہے۔ ہمیشہ کی طرح ایلسوِن کی لمبے عرصے تک بھروسہ مندی، قبولیت اور کامیابی کا بھی وقت ہی بتائے گا۔

ایلسوِن اور اس کے تمام ممکنہ خریداروں کے لیے نیک تمنائیں اور تفصیلی ریویو کے لیے پاک ویلز پر آتے رہیے۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.