ایم جی زیڈ ایس کے انٹیریئر اور ایکسٹیریئر کی خصوصی تصویریں یہ رہی

0 19 896

پچھلے ہفتے ہم نے بتایا تھا کہ پاکستان میں MG ZS کو دیکھا گیا ہے۔ اب ہم آپ کے لیے اِس آنے والی کراس اوور SUV کی خصوصی تصویریں لائے ہیں۔ یہ تصویریں گاڑی کا فرنٹ، ریئر، سائیڈ اور انٹیریئر دکھاتی ہیں۔

تو یہ رہیں تصویریں:

متوقع قیمت اور بکنگ:

ہماری خبروں کے مطابق کمپنی دو ہفتے بعد MG ZS کی بکنگ شروع کر دے گی، یعنی فروری 2021ء کے آغاز سے۔ خبریں مزید کہتی ہیں کہ کمپنی اس گاڑی کی قیمت بھی اسی وقت سامنے لائے گی۔ جبکہ دیگر ذرائع نے ہمیں بتایا ہے کہ ZS کی قیمت 41 لاکھ روپے ہوگی۔

اگر یہ واقعی اس قیمت پر آئی تو یہ ہونڈا سوِک اور آنے والی ٹویوٹا کرولا آلٹس X کی فروخت کو متاثر کرے گی۔

‏MG موٹرز بلاشبہ پاکستانی مارکیٹ میں دھماکے دار انداز میں آیا ہے۔ جب سے کمپنی نے MG HS متعارف کروائی ہے اس نے مقامی صارفین کی خوب توجہ حاصل کی ہے۔ پچھلے ہفتے کمپنی نے دعویٰ کیا تھا کہ وہ صرف فیصل آباد میں ہی MG HS ایس یو وی کے 1,000 یونٹس فروخت کر چکی ہے۔

‏MG ZS (انٹرنیشنل) کے فیچرز:

یہ چینی آٹومیکرز SAIC کی جانب سے MG مارک کے تحت بنائی جانے والی ایک سب کومپیکٹ کراس اوور SUV ہے۔ یہ گاڑی تین ویرینٹس میں آتی ہے: 5-اسپیڈ مینوئل،6-اسپیڈ مینوئل اور 6-اسپیڈ آٹومیٹک۔ پاکستان آنے والی گاڑی 5-اسپیڈ مینوئل ہے 1.5 لیٹر VTi-ٹیک نان-ٹربو انجن کے ساتھ جو 106hp اور 141Nm ٹارک پیدا کرتا ہے۔

انٹرنیشنل 1.5L ویرینٹ کے دیگر نمایاں فیچرز میں شامل ہیں:

  • فوگ لائٹس
  • ریئر پارکنگ سینسرز
  • فرنٹ اور ریئر ایرو وائپر
  • کروز کنٹرول اسپیڈ لمِٹر کے ساتھ
  • ٹائر پریشر مانیٹرنگ سسٹم (TPMS)
  • 8 انچ انفوٹینمنٹ سسٹم
  • 17 انچ ڈائمنڈ کٹ الائے ویلز

‏MG ZS بظاہر MG HS جیسی ہی لگتی ہے۔ دونوں کومپیکٹ SUVs شہر میں چلانے کے لیے تیار کی گئی ہیں۔ لیکن ان میں بڑا فرق ہے۔ HS ایک پریمیم SUV ہے جبکہ ZS ذرا جیب پر ہلکی ہے۔ MG HS کے مقابلے میں کم فیچرز کے ذریعے اس کی قیمت کم رکھی گئی ہے۔

کیا آپ لوکل مارکیٹ میں اس نئے اضافے پر خزش ہیں؟ کیا آپ لانچ کے بعد یہ کراس اوور خریدیں گے؟ اپنے خیالات نیچے کمنٹس میں پیش کیجیے۔

مزید ویوز، نیوز اور ریویوز کے لیے پاک ویلز بلاگ پر آتے رہیں۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.