قیمت منظرِ عام پر– پاکستان کی سب سے افورڈیبل ایس یو وی ایم جی زیڈ ایس آ گئی!

0 34 000

مورس گیراجز (MG) موٹرز نے بالآخر اپنی نئی کراس اوور ایس یو وی MG ZS کی قیمت ظاہر کر دی ہے۔ کمپنی کے مطابق اس کراس اوور کومپیکٹ SUV کی قیمت 41 لاکھ روپے ہے۔ یہ قیمت اسے پاکستان میں اِس وقت سب سے سستی SUV بناتی ہے۔

یہ بات قابلِ ذکر ہے کہ یہ ایکس-ڈیلرشپ قیمت ہے۔

سوشل میڈیا پر سامنے آنے والے بکنگ آرڈر کے مطابق کمپنی کا کہنا ہے کہ پے آرڈر لازماً کمپیوٹرائزڈ ہونا چاہیے، اور کمپنی ہاتھ سے لکھے ہوئے پے آرڈر قبول نہیں کرے گی۔ اس کے علاوہ CNIC ایک شخص کے نام پر گاڑی بک کروانے کے لیے ضروری ہے۔ اس کے علاوہ کارپوریٹ بکنگ کے لیے یہ دستاویزات ضروری ہیں:

  • لیٹر ہیڈ پر پرچَیز آرڈر
  • ‏NTN سرٹیفکیٹ کی نقل
  • کمپنی اسٹیمپ ضروری اصل دستخط کے ساتھ

اس کے علاوہ بکنگ کے لیے 20 لاکھ روپے کی جزوی پیمنٹ بھی ضروری ہے۔ جبکہ گاڑی کی ڈلیوری کا متوقع وقت اپریل 2021 ہوگا۔

گزشتہ روز پاک ویلز نے اپنے قارئین کے لیے نئی MG ZS کی خصوصی تصویریں پیش کی ہیں۔ یہ بات قابلِ ذکر ہے کہ MG ZS الیکٹرک صورت میں بھی لا رہا ہے۔ البتہ یہ ZS کا پٹرول ویرینٹ ہے۔

‏MG موٹرز بلاشبہ پاکستان کی مارکیٹ میں ایک دھماکے کے ساتھ آیا ہے۔ جب سے کمپنی نے MG HS متعارف کروائی ہے، اس نے مقامی صارفین کی بھرپور توجہ حاصل کی ہے۔ گزشتہ ہفتے کمپنی نے دعویٰ کیا تھا کہ وہ صرف فیصل آباد میں ہی MG HS کے 1,000 یونٹس فروخت کر چکا ہے۔

‏MG ZS (انٹرنیشنل) کے فیچرز:

یہ ایک سب کومپیکٹ کراس اوور SUV ہے جسے چینی آٹومیکر SAIC نے MG مارک کے تحت مینوفیکچر کیا ہے۔ یہ گاڑی تین ویرینٹ میں آتی ہے: 5-اسپیڈ مینوئل، 6-اسپیڈ مینوئل اور 6-اسپیڈ آٹومیٹک۔ پاکستان میں آنے والی گاڑی 5-اسپیڈ مینوئل ہے 1.5-لیٹر VTi-ٹیک نان-ٹربو انجن کے ساتھ جو 106hp اور 141Nm ٹارک پیدا کرنے کی صلاحیت رکھتا ہے۔

انٹرنیشنل 1.5L ویرینٹ کی دیگر خصوصیات میں شامل ہے:

  • بائی-فنکنشن LED ہیڈلائٹس
  • فوگ لائٹس
  • ریئر پارکنگ سینسرز
  • فرنٹ اور ریئر ایرو وائپر
  • کروز کنٹرول اسپیڈ لمِٹر کے ساتھ
  • پینورامک سن رُوف
  • ٹائر پریشر مانیٹرنگ سسٹم (TPMS)
  • 1 انچ انفوٹینمنٹ سسٹم
  • 17 انچ ڈائمنڈ کٹ الائے ویلز

‏MG ZS کافی حد تک MG HS سے ملتی جلتی ہے۔ دونوں کومپیکٹ SUVs شہر میں ڈرائیونگ کے لیے ہیں۔ لیکن ان میں بڑا فرق ہے: HS ایک پریمیم SUV ہے جبکہ ZS نسبتاً افورڈیبل گاڑی ہے۔ اس کی قیمت کم ہے کیونکہ یہ MG HS کے مقابلے میں ذرا کم فیچرز رکھتی ہے۔

کیا آپ لوکل مارکیٹ میں اس نئے اضافے پر خوش ہیں؟ کیا آپ لانچ کے بعد یہ کراس اوور خریدیں گے؟ اپنے خیالات نیچے کمنٹس سیکشن میں پیش کریں۔

مزید ویوز، نیوز اور ریویوز کے لیے پاک ویلز بلاگ پر آتے رہیں۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.