ہیونڈائی سینٹر کی وقتاً فوقتاً مینٹی نینس – پاک ویلز ٹپس

آج ہم اپنی وقتاً فوقتاً مینٹی نینس کی سیریز میں آپ کو ہیونڈائی سینٹر کی مینٹی نینس کے بارے میں بتانے جا رہے ہیں۔ یہ بات قابلِ ذکر ہے کہ ہیونڈائی ڈیلرشپس اب اس گاڑی کے پارٹس فروخت یا اس کی سروس نہیں کرتیں، اس لیے آپ کو کہ یہ کام مارکیٹ سے کروانا پڑے گا۔

اگر آپ اپنی گاڑی کا معائنہ کروانا چاہتے ہیں تو 210 سے زیادہ پوائنٹس پر مبنی تفصیلی رپورٹ حاصل کرنے کے لیے پاک ویلز کار انسپکشن سروس کا استعمال کریں۔

اس پورے پروسس پر بات کرنے سے پہلے آپ کو بتاتے چلیں کہ اگر آپ کی گاڑی میں کوئی ایسا پارٹ نہیں ہے جس کا اس وڈیو میں ذکر کیا گیا ہے، مثلاً تمام گاڑیوں میں ہائیڈرولک پاور اسٹیئرنگ نہیں ہے تو آپ اس فیچر کی قیمت ہٹا سکتے ہیں۔

ہیونڈائی سینٹرو کی وقتاً فوقتاً مینٹی نینس:

پہلا سال:

جیسا کہ ہم آپ کو پہلے بتا چکے ہیں کہ پاکستان میں ہر گاڑی کا مینٹی نینس وقفہ 5,000 کلومیٹرز یا 3 مہینے ہے۔ اس لیے 5,000، 15,000، 25,000 اور 35,000 کلومیٹرز کے بعد ہیونڈائی سینٹرو کی وقتاً فوقتاً مینٹی نینس بھی ایسی ہی ہے۔

‏5,000 کلومیٹرز مینٹی نینس میں انجن آئل، آئل فلٹر اور جنرل چیک اپ شامل ہیں اور اس کی لاگت تقریباً 4,650 روپے ہے۔

اس کے علاوہ 10,000 کلومیٹرز کے بعد سال میں ایک مرتبہ سروس کروائی جاتی ہے۔ اس سروس میں انجن آئل، آئل فلٹر، ایئر فلٹر، جنرل چیک اپ، انجن ٹیوننگ، تھروٹل باڈی سروس اور ٹائر روٹیشن شامل ہیں 8,450 روپے کی لاگت پر۔

پہلے سال کی بڑی سروس 20,000 کلومیٹرز کے بعد آتی ہے، جس میں انجن آئل، آئل فلٹر، ایئر فلٹر، اسپارک پلگ، جنرل چیک اپ، انجن ٹیوننگ، تھروٹل باڈی سروس اور ٹائر روٹیشن شامل ہیں۔ اس پر تقریباً 11,250 روپے کی لاگت آئے گی۔

اس کے بعد آپ کی پہلے سال کی سروس 29,000 روپے کی کل لاگت کے ساتھ مکمل ہو جائے گی، جس کا مطلب ہے 2,417 روپے ماہانہ۔

دوسرا سال:

دوسرے سال میں آپ کی گاڑی 20,000 سے 40,000 کلومیٹرز کا دورانیہ مکمل کرتی ہے۔ 25,000 اور 35,000 کلومیٹرز کے بعد سروس میں 4,650 روپے کی لاگت سے آئل فلٹر، انجن آئل اور جنرل چیک اپ شامل ہے ۔

30,000 کلومیٹرز کی سروس بھی ویسی ہی 10,000 کلومیٹر سروس جیسی ہے۔ اس سروس میں مکینک گاڑی کا انجن آئل، آئل فلٹر، ایئر فلٹر، جنرل چیک اپ، انجن ٹیوننگ، تھروٹل باڈی سروس اور ٹائر روٹیشن چیک کرتا ہے اور اس کی لاگت 8,450 روپے ہے۔

سب سے بڑی مینٹی نینس سروس:

یہ 40,000 کلومیٹرز کے بعد آتی ہے اور دو سال میں ایک بار ہوتی ہے۔ یہ بات قابلِ ذکر ہے کہ 40,000، 80,000 اور 1,20,000 کلومیٹرز کے بعد کی سروس ایسی ہی ہیں۔ اس میں انجن آئل، آئل فلٹر، ایئر فلٹر، اسپارک پلگ، گیئر آئل، فیول فلٹر، فین بیلٹ، بریک فلوڈ، جنرل چیک اپ، انجن ٹیوننگ، تھروٹل باڈی سروس، ٹائر روٹیشن، کیمیکل تبدیلی، ٹرانسمیشن آئل تبدیلی، بیلٹس کی تبدیلی اور بریک سروس شامل ہوتی ہیں۔ یہ سروس 19,825 روپے کی پڑے گی۔

مجموعی طور پر دوسرے سال کی سروس آپ کو تقریباً 37,575 روپے کی پڑے گی، یعنی 3,131 روپے ماہانہ۔ دو سال میں سینٹرو پر آپ کی ماہانہ مینٹی نینس لاگت 2,774 روپے ہوتی ہے۔

ہم نے اعلیٰ معیار کے پارٹس کی قیمتیں لگائی ہیں۔ تو اگر آپ سستے یا بہت مہنگے پارٹس حاصل کرتے ہیں تو قیمت میں فرق پڑے گا۔

وڈیو دیکھیں: