پاکستان اسٹیٹ آئل (PSO) نے کراچی میں ملک کا پہلا یورو5 فیول اسٹیشن بنا دیا ہے۔ ایک بیان میں سرکاری ادارے نے کہا ہے کہ وہ پاکستان میں یورو5 فیول کی دستیابی کے لیے پہلی آئل مارکیٹنگ کمپنی (OMC) بن چکی ہے۔
کمپنی شہر میں ہائی-اوکٹین 97 یورو5 فیول فروخت کر رہی ہے۔
یورو5 کی آمد:
اس سے پہلے کمپنی نے اعلان کیا تھا کہ یورو5 کی پہلی شپمنٹ پاکستان پہنچ چکی ہے۔ ایک بیان میں کمپنی نے کہا ہے کہ “اپنا وعدہ پورا کرتے ہوئے PSO نے ایک اور روایت قائم کر دی ہےاور ملک میں یورو5 اسٹینڈرڈ کے ہائی اوکٹین فیول کی پہلی شپمنٹ لے آیا ہے۔”
کمپنی کا یہ بھی کہنا ہے کہ PSO پاکستان میں ہائی-گریڈ فیول متعارف کروا کر فیولز میں انقلاب لانا جاری رکھے گا، جو:
- انجن پرفارمنس کو بہتر بنائے گا
- گاڑیوں سے دھوئیں کے اخراج کو کم کرے گا
- آنے والی نسلوں کے لیے صاف ماحول بنائے گا
اس سے پہلے جون کے مہینے میں حکومتِ پاکستان نے پٹرول اور ڈیزل کے معیار کو بہتر بنانے کا فیصلہ کیا تھا۔ وفاقی وزیر ماحولیاتی تبدیلی ملک امین اسلم کے مطابق فیول کی کوالٹی یورو2 سے یورو5 پر منتقل کی جائے گی۔
یورو5 اور ایک نیا دور:
وزیر نے کہا کہ “پاکستان صاف فیول کے ایک نئے دور میں داخل ہوگا۔ اس سے اسموگ کے خلاف جنگ میں بھی مدد ملے گی۔” امین نے مزید کہا کہ یہ نئی پالیسی یکم اگست 2020 سے تمام امپورٹس پر لاگو ہوگی۔ البتہ ان کا کہنا تھا کہ پٹرول یکم اگست سے اپگریڈڈ فیول پر منتقل کیا جائے گا، جبکہ ڈیزل کا اسٹینڈرڈ یکم جنوری 2021 سے منتقل ہوگا۔
حکومت نے یہ فیصلہ وفاقی کابینہ کے اجلاس کے دوران کیا تھا جس کی قیادت وزیر اعظم عمران خان نے کی۔
آٹو سیکٹر کی جانب سے اعتراض:
لوکل انڈسٹری نے پاکستان میں یورو2 سے یورو5 پٹرول کوالٹی پر منتقلی کے لیے دو سال مانگے ہیں۔
میڈیا رپورٹس کے مطابق ایک لوکل کار مینوفیکچرنگ کمپنی نے حکومت کو لکھا ہے کہ 16 مئی 2009 کے SRO 72(KE) کے تحت پاکستان کی ریگولیٹری emission شرائط یورو2 کے برابر ہیں۔ کمپنی نے کہا کہ “اس قانون نے آٹو انڈسٹری کو یورو زیرو سے یورو2 پر منتقلی کے لیے دو سال دیے تھے۔”
Recommended For You:
