ہر کار کو بہترین کنڈیشن میں رکھنے کے لیے اس کی ریگولر maintenance کی ضرورت ہوتی ہے، سب چاہتے ہیں کہ ان کی کاریں لمبے عرصے تک چلتی رہیں۔ اپنی کار کو باقاعدگی کے ساتھ maintain رکھنے کے بہت سے فائدے ہیں جیسا کہ انجن اور مکینیکل پارٹس لمبے عرصےتک چلتے ہیں اور ان کے خراب ہونے یا ٹوٹ پھوٹ جانے کا خطرہ کم ہوتا ہے۔
بنیادی انسپکشن:
اس کے لیے آپ کے روزمرہ کے روٹین میں سے صرف چند منٹ درکار ہوں گے، لیکن یہ سب سے بہتر احتیاطی maintenance ہے جو آپ کر سکتے ہیں۔
اپنے روزمرہ روٹین میں سےتھوڑا سا وقت نکالیں اور کار میں ایسی چیزوں کو تلاش کریں کہ جن کو مستقبل میں آپ کی توجہ کی ضرورت پڑ سکتی ہے۔
ٹائر پریشر روزانہ دیکھیں۔ مناسب ٹائر inflation کا مطلب ہے کہ آپ کو بہترین فیول ایوریج اور اسٹاپنگ پاور ملے گی۔ اس کے علاوہ آپ کی کاروں کے ٹائر بھی زیادہ چلیں گے۔ اپنی کار کے وائپر بلیڈز کی جانچ بھی لازماً کریں۔
وائپر بلیڈز کے حوالے سے عام طور پر لاپرواہی کی جاتی ہے، لیکن جب بارش ہوتی ہے تو آپ کو ان کی اہمیت کا صحیح اندازہ ہوتا ہے۔ ہیڈلائٹس اور بریک لائٹس بھی چیک کریں۔
ریگولر مینٹی نینس کرتے رہنا ہمیشہ مفید ہوتا ہے ورنہ کار میں جب مسائل پیدا ہونے لگتے ہیں تو وہ بڑے مسئلے ہی ہوتے ہیں جن کو حل کرنا عام مینٹی نینس کے مقابلے میں مہنگا پڑتا ہے۔
Also read: 12 Tips To Improve the Fuel Efficiency of Your Car
ریگولر مینٹی نینس کرتے رہنا ہمیشہ مفید ہوتا ہے ورنہ کار میں جب مسائل پیدا ہونے لگتے ہیں تو وہ بڑے مسئلے ہی ہوتے ہیں جن کو حل کرنا عام مینٹی نینس کے مقابلے میں مہنگا پڑتا ہے۔
انجن آئل:
کسی بھی کار کی سب سے اہم مینٹی نینس اس کے انجن آئل کو باقاعدگی سے تبدیل کرنا ہے۔ انجن آئل انجن بلاک کے اندر موجود تمام مکینیکل پارٹس کی لیوبریکیشن میں مدد دیتا ہے۔
ہر 4 سے 6 ہزار کلومیٹرز کے بعد انجن آئل کو لازماً تبدیل کریں اور انجن ایئر فلٹر کو صاف کریں تاکہ انجن ہموار انداز میں چلتا رہے۔ صرف مینوفیکچرر کی جانب سے تجویز کردہ مخصوص آئل ہی استعمال کریں۔
Also read: Mineral vs. Synthetic Engine Oil
کولینٹس:
زیادہ تر لوگ اپنی گاڑی کے ریڈی ایٹر میں پانی بھرتے ہیں۔ یہ ایک عام غلطی ہے جس سے آپ کو پرہیز کرنا چاہیے۔
پانی ریڈی ایٹر کے پائپوں کو زنگ آلود کر دیتا ہے، جلد ہی بھاپ میں بدل جاتا ہے، اسے بار بار بھرنے کی ضرورت بھی پڑتی ہے اور یہ کولینٹ جیسی مؤثر کولنگ بھی نہیں دیتا۔
کولینٹ ہو سکتا ہے تھوڑا سا مہنگا ہو، لیکن آپ کو کم ازکم 70 سے 90 ہزار کلومیٹرز تک اسے دوبارہ چینج کروانے کی ضرورت نہیں پڑے گی۔
بریکس:
سب سے اہم ٹپ اپنے بریک پیڈز کی مناسب سروس کروانا اور ضرورت پڑنے تو انہیں تبدیل کروانا ہے۔ بریک پیڈز ڈرائیونگ کے اسٹائل کے حساب سے گِھس جاتے ہیں۔
اگر آپ زیادہ جارحانہ انداز میں ڈرائیو کرتے ہیں تو آپ کے بریکس جلد ہی گھس جائیں گے۔ اگر گھسے ہوئے بریک پیڈز کی زیادہ عرصے تک سروس نہ کروائی جائے تو یہ روٹرز کو بھی نقصان پہنچاتے ہیں، اس لیے یاد رکھیں کہ صرف بریکس ہی آپ کی گاڑی کو روکتے ہیں، اس لیے انہیں باقاعدگی سے مینٹین رکھیں۔
ٹرانسمیشن فلوڈ:
اپنا آٹومیٹک ٹرانسمیشن فلوڈ تبدیل کریں۔ یہ وقت کے ساتھ ساتھ گندا ہو جاتا ہے، اور اگر آپ اسے تبدیل نہیں کریں گے تو گیئر ذرا جھٹکے سے تبدیل ہوگا۔ یقینی بنائیں کہ ہر 40,000 کلومیٹرز کے بعد اسے تبدیل کروائیں۔
ٹرانسمیشن کار کا ایک نازک پارٹ ہے، اس لیے یقینی بنائیں کون سا فلوڈ مناسب ہے جیسا کہ ATF، CVT وغیرہ۔
آپ کو لازماً سیکھنا چاہیے کہ کار کا بونٹ اٹھانے کے بعد کیا چیک کرنا ہے اور کس طرح چیک کرنا ہے۔ کولینٹ سے لے کر انجن آئل سے گیئر آئل سے بریک فلوڈ تک ان فلوڈز کی کوانٹٹی یعنی مقدار کو باقاعدگی سے چیک کریں۔
4 Tips To Help You Get Rid Of Bad Smell From Car’s Air Conditioner
کئی ماڈرن کاریں EPS کےساتھ آتی ہے، اس لیے کوئی پاور اسٹیئرنگ فلوڈ نہیں ہوتا۔ لیکن اگر آپ کی گاڑی مکینیکل پاور اسٹیئرنگ کے ساتھ آتی ہے تو اس کا فلوڈ بھی چیک کریں۔ اور صرف اسے چیک ہی نہ کریں، بلکہ وقت پر فلوڈز کو تبدیل بھی کریں۔
محفوظ رہنے کے لیے ہمیشہ آٹومیکر کی جانب سے تجویز کیے گئے فلوڈز استعمال کریں۔
بیٹری چیک کریں:
بیٹری آپ کی کار کی لائف لائن ہے۔ بیٹری نہ ہونے کا مطلب ہے کہ آپ کی گاڑی کہیں نہیں جا سکتی۔
سب سے پہلے آپ کی کار میں ڈرائی بیٹری ہے یا wet بیٹری ہے۔ ڈرائی بیٹری سِیلڈ یونٹس ہوتی ہیں اور انہیں مینٹی نینس کی ضرورت نہیں ہوتی۔ جب یہ کام کرنا چھوڑ دیں تو نئی بیٹری لینا پڑے گی۔
Wet یا ایسڈ بیٹریوں کے اندر بیٹری سیلز کے درمیان فلوڈ ہوتا ہے جو پلیٹوں کو چارج کرتا ہے۔ ایسی بیٹریوں کو باقاعدگی کے ساتھ انسپکشن کی ضرورت ہوتی ہے اور آپ کو وقتاً فوقتاً بیٹری ایسڈ کو بھرنے کی ضرورت پڑتی ہے۔
آپ بیٹری ایسڈ کی بوتل مارکیٹ سے باآسانی خرید سکتے ہیں اور خود یہ کام کر سکتے ہیں۔ بیٹری کے بیرونی حصے میں ایک نشان ہوتا ہے جو اس کی زیادہ سے زیادہ سطح کو ظاہر کرتا ہے۔ یاد رکھیں کہ اس سے زیادہ نہیں بھرنا۔
ویکسنگ:
اگر آپ اپنی کار کو ہمیشہ چمکتا دمکتا رکھنا چاہتے ہیں تو اپنی کار کو wax کرتے رہیں۔ ہر 2 سے 3 مہینے بعد کار کو ویکس کرنا بہتر ہے۔
آپ کی کار کے پینٹ کو مناسب حالت میں رکھنے کی ضرورت ہوتی ہے۔ کار کی ویکسنگ نہ کروانے سے یہ پینٹ وقت کے ساتھ ساتھ خشک ہوجاتا ہے اور بالآخر ٹوٹنے پھوٹنے لگتا ہے اور پھیکا پڑ جاتا ہے۔ تو وقتاً فوقتاً ذرا چمکاتے دمکاتے رہیں اور تاکہ آپ کی اکر کا رنگ پھیکا نہ پڑ جائے۔
ایئر فلٹر چیک اور تبدیل کریں:
کار کے انجن سے جو ہوا اندر جاتی ہے وہ فیول جتنی ہی اہم ہے۔ اور ایک چیز جو گرد، ریت اور مٹی کو combustion چیمبر میں جانے سے روکتی ہے وہ آپ کی کار کا ایئر فلٹر ہے۔
ایئر فلٹرز عام طور پر کاغذ کے بنے ہوتے ہیں اور اتنے پتلے ہوتے ہیں کہ ہوا ان سے آسانی سے گزر جاتی ہے، اور اتنے موٹے بھی کہ کوئی بھی گند روک سکیں۔ زیادہ تر کاغذ سے بنے ڈسپوزیبل فلٹرز رکاوٹ کا کام کرتے ہیں۔ یہ چیز رکاوٹ کا کام کرتی ہے اور گرد مٹی کو ہوا سے اس میں داخل ہونے سے روکتی ہے۔
لیکن وقت کے ساتھ ساتھ ہوا کا بہاؤ کم ہوتا جاتا ہے کیونکہ اس کے ننھے سوراخ گرد اور مٹی کے ذرات کی وجہ سے بند ہو جاتے ہیں۔ پھر کپڑے سے بنے ہوئے اور دوبارہ استعمال کے قابل فلٹرز آتے ہیں جو گرد کے ذرات کو جذب کر لیتے ہیں۔ ایسے فلٹرز مارکیٹ میں عام دستیاب ہیں۔
آپ کوتجویز دی جاتی ہے کہ علاقے کے موسمی حالات کو دیکھتے ہوئے اپنی کار کے ایئر فلٹر کو ہر 5,000 کلومیٹرز کے بعد اور element کو ہر 15,000 سے 20,000 کلومیٹرز کے بعد تبدیل کروا لیں۔
Tips To Extend The Life Of Your Car’s Parts
