ٹریفک حادثے میں تین رینجرز اہلکاروں کی ہلاکت

PC: Raees Khan

گزشتہ روز موٹروے پر ہونے والے ایک افسوسناک حادثے میں تین رینجرز اہلکار جاں بحق جبکہ گیارہ زخمی ہوگئے۔ یہ واقعہ اس وقت پیش آیا کہ جب فتح جنگ سے تین کلومیٹر دور ایک موڑ کاٹتے ہوئے رینجرز اہلکاروں کا ڈبل کیبن ٹرک الٹ گیا۔ ذرائع کے مطابق رینجرز کی گاڑی اسلام آباد سے تربیلا جارہی تھی۔

موٹروے پولیس نے حادثے کی تفصیلات بتاتے ہوئے کہا کہ رینجرز اہلکاروں کا ٹرک الٹ جانے سے حولدار عاصم مجید اور لانس نائیک عاشق علی موقع پر ہی دم توڑ گئے جبکہ مزید ایک سپاہی غلام شبی اسپتال میں زخموں کی تاب نہ لاتے ہوئے چل بسا۔ جائے وقوعہ پر امدادی ٹیمیں اور ایمبولینس پہنچنے پر زخمیوں کو ٹرک کے ملبے تلے نکالا گیا۔ بعد ازاں انہیں جڑواں شہروں کے مختلف اسپتالوں کی طرف روانہ کردیا گیا۔

انگریزی روزنامہ ڈان کے مطابق واقعے میں زخمی ہونے والے مزید ایک اہلکار کی حالت نازک ہے جسے فوجی اسپتال میں طبی امداد فراہم کی جارہی ہے۔ اس کے علاوہ زخمی ہونے والے دیگر گیارہ اہلکاروں کی حالت خطرے سے باہر ہے۔ پولیس نے حادثے کی رپورٹ درج کرلی ہے۔ ہلاک ہونے والے رینجرز اہلکاروں کی نماز جنازہ اسلام آباد میں ادا کی گئی۔

Janaza Prayer

  • Grewal

    Its Very Sad! We can find this news in Newspapers or Media Channels but not details.
    Its better if you guys provide the casual factors of such incidents and their control measures for public awareness. Might be they did not took enough preventive maintenance measures, might be they used the vehicle for off road drive but bring at paved road with speedy drive or might be any other factor.
    A little investigation information can help others to prevent fatal incidents at roads.

    Thank You.

Top