ٹویوٹا انڈس موٹر کمپنی پاکستان میں کرولا کی نقاب کشائی کے اپنے منصوبے پر تیزی سے عمل پیرا

toyota

پاکستان کی آٹو انڈسٹری ایک بہت بڑی تبدیلی سے گزر رہی ہے، ملک میں عالمی برانڈز کی دلچسپی کے علاوہ مقامی کار ساز بھی اپنی مارکیٹ برقرار رکھنے کے لیے اقدامات کر رہے ہیں۔ ان کمپنیوں میں نمایاں طور پر انڈس موٹر کمپنی نظر آتی ہے جو ٹویوٹا فارچیونر اور ٹویوٹا ریوو کی کامیاب لانچ کے بعد اب پاکستان میں نئی ٹویوٹا کرولا متعارف کروانے جارہی ہے۔

پہلے ایک پوسٹ میں پاک وہیلز نے پاکستان میں ایک نئی گاڑی کی نقاب کشائی کے امکان پر روشنی ڈالی تھی۔ اسی خبر کے حوالے سے ایک اہم بات انڈس موٹر کمپنی کے ساتھ منسلک زرائع سے ہمیں پتہ چلی کہ انڈس موٹر کمپنی اگست 2017 میں اس گاڑی کی لانچ کے لیے اپنے اس منصوبے پر تیزی سے عمل پیرا ہے۔ اس سب سے کرولا لائن اپ میں بڑے پیمانے پر تبدیلی آئے گی جس میں اس کے بیرونی حصہ کو بہت زیادہ تبدیل کیا جائے گا اور اس میں 2 ایئر بیگز، پچھلے امپریشن لیمپ، فورس لیمیٹر، پریٹینشن (ڈرائیور اور سامنے کے مسافر کے لیے) اور ایل ای ڈی کلیرنس لیمپ شامل کیے جائیں گے۔ کرولا گرانڈی اور کرولا الٹس کے متعلق بہت کم تفصیلات دستیاب ہیں لیکن ماہرین یہ پیشن گوئی کر رہے ہیں کہ ان دونوں گاڑیوں میں بڑے پیمانے پر تبدیلی آئے گی۔

Top