ہم سب جاوید آفریدی کیجانب سے آئے روز جاری کیے جانیوالے نئی گاڑیوں کے ٹیزرز سے واقف ہیں جو کسی تفریح یا صرف ٹیزر سیریز سے کچھ زیادہ نہیں ہوتا۔ صارفین ان ٹویٹس میں نئی گاڑیوں کی جھلکیاں دیکھ کر خوش ہوجاتے ہیں اور ان کی یہ خوشی صرف ٹویٹس تک ہی محدود رہتی ہے کیوں کہ یہ گاڑیاں پاکستان حدود پار نہیں کرتیں۔ لیکن اس بار MGپاکستان نے کچھ بہتر کیا ہے۔ کمپنی نے ٹیسٹنگ کیلئے 5 MG گاڑیوں کے CBU یونٹس در آمد کیے ہیں جو کہ یہ ہیں:
- MG5 Sedan
- MG6 Sedan
- MG RX8 SUV
- MG E-HS EV
- MG Marvel R EV
ہم نے جاوید آفریدی کی جانب سے کی جانے والی ٹویٹس میں MG5, MG6 اور MG RX8 کے ٹیزرز دیکھے ہیں۔ درآمد کی گئی گاڑیوں میں یہ تین گاڑیاں شامل ہیں لیکن اس کے علاوہ مزید دو گاڑیاں MG E-HS اور MG Marvel بھی ان میں شامل ہیں۔ یہ دونوں گاڑیاں بھی الیکٹرک ہیں۔ MG E-HS ایک الیکٹرک کراس اوور ہے جبکہ ایم جی مارول ایک الیکٹرک SUV ہے۔ ہم یہ جاننے میں دلچسپی رکھتے ہیں کہ ان گاڑیوں کی ٹیسٹنگ کے کیا نتائج نکلتے ہیں اور کون سی گاڑی پاکستانی مارکیٹ میں متعارف کروائی جائے گی۔
درآمد کی گئی پانچ گاڑیاں یہ ہیں:
پاکستان میں MG گاڑیاں:
عالمی سطح پر MG کی جانب سے ہر طرح کی گاڑی متعارف کروائی گئی ہے جس میں ہیچ بیک، سیڈان، SUV اور الیکڑک وہیکلز شامل ہیں۔ MG گزشتہ سال کے آخر میں باضابطہ طور پر پاکستانی آٹو انڈسٹری کا حصہ بنا۔ تب سے یہ کمپنی پاکستان میں اپنی تین گاڑیاں MG HS, MG ZS اور MG ZS EV متعارف کروا چکی ہے اور اب تک کمپنی ان تین گاڑیوں کے CBU یونٹس ہی متعارف کروائے ہیں اور اب جبکہ پاکستان میں MG کا اسمبلی پلانٹ مکمل تیار ہو چکا ہے تو اب MG گاڑیوں کے CBU یونٹس بھی جلد دیکھنے کو ملیں گے۔
MG کے پاکستان میں قدم رکھنے کے بعد صارفین سستی MG گاڑیوں کا انتظار کر رہے ہیں کیوں کہ کمپنی کی طرف سے متعارف کروائی جانے والی تینوں گاڑیاں پریمیم کلاس سے تعلق رکھتی ہیں جو کہ عام صارف کی پہنچ سے کافی دور ہیں۔ رواں سال فروری میں MGپاکستان نے MG3 hatchback کا ایک ٹیزر جاری کیا تھا اور بتایا تھا کہ اس کی قیمت 20 لاکھ سے بھی کم ہو گی۔ ایک لمحے کیلئے صارفین یہ سن کر کاٖفی خوش ہوئے لیکن اب تک اس گاڑی کا کوئی نام و نشان نہیں ہے کہ یہ کب پاکستان میں آئے گی۔ حتی کہ یہ گاڑی درآمد کی گئی اِن 5 گاڑیوں میں بھی شامل نہیں ہے۔
