نئے ہنڈا CG 125 میں کی گئی بڑی تبدیلیاں
اگست 2021 میں اٹلس ہنڈا نے 101 تبدیلیوں کے ساتھ ہنڈا CD 70 کا نیا ماڈل لانچ کیا اور اب کمپنی ہنڈا CG 125 کا نیا ماڈل لانچ کر رہی ہے۔ پاک ویلز پر موجود تصاویر کے مطابق بائیک کی پوری باڈی بشمول فرنٹ ٹائر، پیٹرول ٹینک، سیٹ، رئیر سیٹ، سائلنسر، بریک اور گئیر باکس میں تبدیلیاں کی گئی ہیں۔
ہنڈا CG 125 میں کی جانیوالی بڑی تبدیلیاں
تصاویر کے مطابق بیرنگ، ریڈیل بال اور ڈرم گئیر شفٹ میں دو بڑی تبدیلیاں کی گئی ہیں۔ کمپنی کے مطابق نئے بیرنگ کے ڈیزائن میں بہتری لاتے ہوئے نہ صرف اس کی لوڈ بیرنگ کپیسٹی کو بڑھایا گیا ہے بلکہ آپریشن کو مزید مستحکم بھی کیا گیا ہے۔ اس کے علاوہ بہترین گئیر شفٹنگ کے لیے ڈرم گئیر شفٹ کے ڈیزائن میں بھی تبدیلی کیا گئی ہے۔
واضح رہے کہ گئیر شفٹ کا پرانا ڈیزائن انجن پر لوڈ بڑھانے کے علاوہ فرکشن بھی بڑھاتا تھا اور گئیر بدلنے میں بھی زیادہ وقت لیتا تھا جبکہ نیا گئیر شفٹ کے ذریعے کم فرکشن کے ساتھ آسانی سے گئیر کو تبدیل کیا جا سکتا ہے۔ اس سے بائیک کی کارکردگی مزید بہتر ہوگی۔
نیا ماڈل کب دستیاب ہوگا؟
ذرائع کے مطابق، یہ نیا ماڈل آئندہ ہفتے سے ڈیلرشپس پر پہنچنا شروع ہو جائے گا۔ تاہم یہ حتمی نہیں ہے۔
ہنڈا CG 125 کی قیمت
ہمارے ذرائع کا کہنا ہے کہ کمپنی اس نئے ماڈل کی قیمت میں اضافہ ننہیں کرے گی۔ یعنی نئی بائیک کی قیمت 147500 روپے ہوگی۔ تاہم، رواں سال کے آغاز کے بعد سے بائک کی قیمتیں بار بار بڑھ رہی ہیں۔ لہذا ہم نہیں جانتے کہ اگلی بار قیمت میں اضافہ کب ہوگا۔
ہم امید کرتے ہیں کہ جلد ہی نئی قیمتوں میں کوئی اضافہ نہیں کیا جائے گا کیونکہ اس سے مقامی مارکیٹ میں مزید غیر یقینی صورتحال پیدا ہوگی۔
ہنڈا CG 125 میں کی گئی 55 تبدیلیوں کے بارے میں آپ کیا سوچتے ہیں؟ کیا آپ ان تبدیلیوں سے مطمئن ہیں؟ نیچے دئیے گئے کمنٹ سیکشن میں اپنی رائے کا اظہار کریں۔