زبردست خبر – ایم جی ایچ ایس کی بکنگ دوبارہ شروع ہو گئی!

0 11 825

SUVs پسند کرنے والوں کے لیے ایک زبردست خبر یہ ہے کہ MG HS کی بکنگ ایک مرتبہ پھر شروع ہو چکی ہے۔ اس سے پہلے ہم نے 10 دسمبر کو بتایا تھا کہ MG موٹرز نے اپنی اس گاڑی کی بکنگ بند کر دی ہے۔ گو کہ چند ذرائع کا کہنا ہے کہ اس کو غیر علانیہ عرصے کے لیے بند کیا گیا ہے، لیکن دیگر ذرائع کا کہنا تھا کہ MG ‏15 دسمبر 2020ء تک مزید بکنگز نہیں لے گا۔

اب ذرائع نے تصدیق کی ہے کہ گاڑی کی بکنگز دوبارہ کھول دی گئی ہیں اور یہ دسمبر میں ایک ہفتے کے لیے بند رہیں۔ ذرائع نے مزید کہا کہ کمپنی گزشتہ ماہ سے اپنے کسٹمرز کو گاڑیاں ڈلیور بھی کر رہا ہے۔ ذرائع نے مزید کہا کہ «اگر آپ نے آج HS بک کی ہے تو آپ کو یہ SUV اپریل/مئی 2021 میں ملے گی۔»

لوکل مینوفیکچرنگ؟

ذرائع کے مطابق MG اس سال کے وسط میں لوکل مینوفیکچرنگ شروع کرے گا۔ کمپنی لاہور میں مینوفیکچرنگ پلانٹ رکھتی ہے، جہاں وہ CKD یونٹس کی تیاری شروع کرے گی۔

‏MG HS کے فیچرز:

‏MG HS SUV کے نمایاں فیچرز یہ ہیں:

انجن اور ٹرانسمیشن:

‏MG HS 1500cc کے ٹربوچارجڈ انجن کے ساتھ آتی ہے کہ جو 160hp اور 250Nm ٹارک رکھتا ہے۔ جبکہ MG نے اس میں 7-اسپیڈ آٹو ڈوئل کلچ ٹرانسمیشن (DCT) لگا رکھی ہے۔

کروز کنٹرول اور کیمرے:

‏MG کی یہ گاڑی ایڈاپٹِو کروز کنٹرول رکھتی ہے، جو سڑک پر ٹریفک کے مطابق رفتار کو کنٹرول کرتا ہے۔ اس کے علاوہ یہ 360 ڈگری کیمروں کے ساتھ آتی ہے جو ڈرائیور کو ہر طرف کا نظارہ دیتے ہیں۔

‏MG HS میں سیفٹی:

‏MG نے اپنی گاڑیوں میں 6 ایئر بیگز انساٹل کیے ہیں جو اسے ڈرائیور اور مسافروں دونوں کے لیے بہت محفوظ گاڑی بنا رہے ہیں۔ اس کے علاوہ MG نے جدید اینٹی-کولیژن سسٹم بھی اس گاڑی میں لگا رکھا ہے، جو کوئی بھی چیز اچانک سامنے آ جانے کی صورت میں بریکس لگا دیتا ہے۔

لَین اسسٹ سسٹم اور پیڈل شفٹرز:

اس کے علاوہ MG لَین-اسسٹ سسٹم اور پیڈل شفٹرز رکھتی ہے۔ پہلا فیچر گاڑی کو بہت محفوظ بناتا ہے اور اگر ڈرائیور لَین تبدیل کرنے کی کوشش کرے اور اس میں پیچھے سے کوئی اور گاڑی آ رہی ہو تو ڈرائیور کو وارننگ جاری کرتا ہے۔ جبکہ دوسرا فیچر ڈرائیونگ کو بہت آسان بناتا ہے، جس میں ڈرائیور محض اپنی انگلی سے گیئرز تبدیل کر سکتا ہے۔

‏MG HS کی قیمت:

‏MG HS کی موجودہ قیمت 55 لاکھ روپے ہے۔

مزید نیوز، ویوز اور ریویوز کے لیے پاک ویلز بلاگ پر آتے رہیں۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.