جیانگ نان TT: سوزوکی مہران کی ہم شکل اور چین کی سستی ترین گاڑی!

jiangnan-tt-china-1

چینی کار ساز کمپنی زوتیے آٹو موبائل کے ذیلی ادارے جیانگ نان (Jiangnan) نے ایک ایسی گاڑی تیار کی ہے جس کی شکل و صورت سے آپ بخوبی واقف ہوں گے۔ اس گاڑی کا نام جیانگ نان TT رکھا گیا ہے اور یہ سوزوکی مہران سے بہت زیادہ ملتی جلتی ہے۔ اسے آپ سوزوکی مہران کا نیا انداز یعنی facelift بھی قرار دے سکتے ہیں۔ جیانگ نان TT کو چین میں دستیاب سستی ترین گاڑی ہونے کا بھی اعزاز حاصل ہے۔ اس کی قیمت صرف 15,800 یوآن ہے جو ڈھائی لاکھ پاکستانی روپے کے مساوی رقم بنتی ہے۔

ظاہری طور پر جیانگ نان TT بڑی حد تک سوزوکی مہران (Suzuki Mehran) جیسی ہی نظر آتی ہے تاہم اس کے اندر نظر ڈالیں تو اس میں Kei کارز کی وہ تمام خصوصیات موجود ہیں جو یہاں سوزوکی مہران میں دستیاب نہیں ہیں۔ یاد رہے کہ سوزوکی مہران کا اکثر حصہ آج بھی 1980 کی دہائی میں پیش کی جانے والی مہران جیسا ہی ہے۔ جیانگ نان TT میں 3-سلینڈر 800cc انجن لگایا گیا ہے جو 36 ہارس پاور فراہم کرتا ہے۔ یہ 4-اسپیڈ مینوئل گیئر باکس کی حامل مہران سے صرف 3 ہارس پاور کم ہے۔ اس کے علاوہ جیانگ آن TT میں ایئرکنڈیشنر، اے بی ایس اور پاور ونڈوز بھی موجود ہیں جو دگنی، تگنی قیمت پر فروخت ہونے والی مہران میں ناپید ہیں۔

یہ بھی پڑھیں: چینی کار ساز ادارے ترقی کی راہ پر گامزن؛ پاکستانی ادارے کب سیکھیں گے؟

جیانگ آن TT اور سوزوکی مہران کی قیمتوں کا تقابل کرنے سے پہلے ہمیں چند ایک چیزوں کا خیال رکھنا چاہیے۔ چین اور پاکستان میں گاڑیوں کی مارکیٹ میں زمین و آسمان کا فرق ہے۔ وہاں بہت سی Kei کارز دستیاب ہیں جس کی وجہ سے جیانگ آن کے لیے TT کی قیمت کم رکھنا ضروری ہے جبکہ یہاں اس زمرے میں گنتی کی گاڑیوں دستیاب ہیں اور یوں مسابقت نہ ہونے کی وجہ سے سوزوکی مہران من مانی قیمت پر فروخت کی جارہی ہے۔ اس کے علاوہ جیانگ آن TT کے لیے 5 ہزار یوآن رعایت دیئے جانے کا اعلان بھی یہ ظاہر کرتا ہے کہ وہاں اس کی مقبولیت کچھ خاص نہیں باوجودیکہ یہ چین کی سستی ترین گاڑی ہے۔

یہ ضرور پڑھیں: کیا مہران کی ہم شکل چینی گاڑی پاکستان آیا چاہتی ہے؟

جیانگ نان TT کو دیکھ کر ایک بات تو ثابت ہوتی ہے کہ آلٹو کی دوسری جنریشن اتنی آسانی سے رخصت ہونے والی نہیں ہے۔ چاہے آپ اس کا مقابلہ آلٹو کی آٹھویں جنریشن ہی سے کیوں نہ کرلیں، یہ دنیا کے کسی نہ کسی حصے میں کسی نہ کسی طرح زندہ رہنے کی سبیل نکال ہی لے گی۔ اب جبکہ پاکستان میں سوزوکی مہران کی جگہ نئی آلٹو پیش کیے جانے کے امکانات نظر آنا شروع ہوئے ہیں تو پڑوسی ملک چین میں یہ جیانگ آن TT کے نام سے دوبارہ منظر عام پر آگئی ہے۔اب دیکھنا یہ ہے کہ چین میں اس کا دور کتنا طویل رہتا ہے۔

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

  • Mian Asif

    can this available in Pakistant

  • alimechs

    Likha to aap aisay hay jaisay abhi tyaar kee hay jab kay yeh car kafi pehlay say china main baan rahi hay lagta hay aap ko ab maloom hoahay

  • wasib

    i m very excited about this car.i want to buy this car.its very cheap and beautiful.when this car will be available in pakistan?

  • Arslan

    After 200 % Of Duty to Import in Pakistan.. Price Will Raise to 750,000 Aprox.

  • Messi

    when will be this car introduce in Pakistan.

  • Abrar sher

    How to buy this car… please anyone tell me any pakistani dealer.???

  • faizan

    i want to buy this car any one knows that how to buy this car

  • zafar iqbal

    i want to buy this car whose dealer in Lahore Pakistan

Top