نئی آنے والی کار ہنڈا سوِک 2022 کے بارے میں ہر روز ایک نئی افواہ آتی ہے۔ اب جبکہ نئی ہنڈا سوِک 2022 کی لانچ قریب ہے تو صارفین گاڑی کی بکنگ کیلئے بے تاب نظر آتے ہیں۔ حتی کہ کئی صارفین نے بکنگ کیلئے رقم بھی ادا کردی ہے اور ان کیلئے بُری خبر یہ ہے کہ ہنڈا سوِک کی بکنگ شروع نہیں کی گئی۔
جعلی بکنگ سے متعلق ہنڈا کا نوٹس
ہنڈا نے اپنے آفیشل فیس بک پیج پر ایک نوٹس پوسٹ کیا ہے جس میں صارفین کو جعلی بکنگ سے خبردار کیا گیا ہے۔ نوٹس میں کہا گیا ہے کہ ”ہنڈا نے نئی ہنڈا سوک 2022 کی بکنگ یا اس کی قیمتوں کے حوالے سے کوئی اعلان نہیں کیا ہے۔ کمپنی ایسی جعلی خبریں پھیلانے والوں کے خلاف قانونی کارروائی کرنے کا حق محفوظ رکھتی ہے۔
کیا چل رہا ہے؟
ہمارے ذرائع کے مطابق بہت سے صارفین نے ڈیلز شپس کو بکنگ کیلئے 13 سے 15 لاکھ روپے بھی ادا کر دئیے ہیں۔ اس کے علاوہ کچھ رسیدوں میں پرانی جنریشن کی سوک کی معلومات بھی دیکھی گئی ہیں۔ یعنی واقعی ہی کمپنی اِن جعلی پری بکنگز کا حصہ نہیں ہے اور اگر ایسا ہی ہے تو ڈیلرشپس صارفین کو نئی سوک کی ڈیلیوری کا وعدہ کر کے لوٹ رہی ہیں، نئی سِوک کے لیے پیسے لے رہے ہیں لیکن پرانا ماڈل فراہم کریں گے۔
دوسری جانب ممکن تھا کہ ہنڈا نے گزشتہ سال نئی جنریشن ہونڈا سٹی کی قبل از وقت بکنگز کے آغاز کی طرح ہنڈا سِوک 2022 کی بکنگ شروع کر دی ہے لیکن کمپنی نے خود ان تمام افواہوں کی تردید کر رہی ہے۔ لہذا، سچ یہی ہے کہ بکنگ کا آغاز نہیں کیا گیا۔
بہرحال، ہم تمام صارفین کو آگاہ کرتے ہیں کہ صبر کا مظاہرہ کریں اور اپنی محنت سے کمائی گئی رقم کسی کو دینے سے پہلے بکنگ کے آفیشل اعلان کا انتظار کریں۔
ہمارے ذرائع کا کہنا ہے کہ ہنڈا سوِک 2022 کے باضابطہ لانچ میں صرف ایک ماہ باقی ہے۔ کمپنی مارچ میں نئے ماڈل کو ڈسپلے یا لانچ کرے گی اور ڈیلیوری اپریل یا مئی سے شروع ہوگی۔ لہذا، اپنی صبر کا مظاہرہ کریں اور اپنے پیسے کو محفوظ رکھیں۔
