نئی سوزوکی سوئفٹ کی ڈلیوری کا آغاز

0 11,726

نئی سوزوکی سوئفٹ کے مالکان کے لیے ہمارے پاس ایک بڑی خبر ہے۔ ہمارے ذرائع نے تصدیق کی ہے کہ گاڑی کی ڈلیوری شروع ہو گئی ہے۔ لہذا، نئی سوئفٹ خریدنے والوں کیلئے اچھا وقت آ چکا ہےاور ایسا لگتا ہے کہ کمپنی کو مبینہ طور پر جن مسائل کا سامنا تھا وہ حل ہو گئے ہیں۔ سوال یہ ہے کہ ہم آپ کو خاص طور پر نئی سوئفٹ کی ڈیلیوری کے بارے میں کیوں بتا رہے ہیں کیونکہ گاڑیوں کا ڈلیور کیا جانا ایک معمول کی بات ہے۔

نئی سوزوکی سوئفٹ کی ڈیلیوری میں مسائل

چند روز قبل شناخت ظاہر نہ کرنے کی شرط پر پاک سوزوکی کے ایک عہدیدار نے ہمیں بتایا کہ کمپنی کو نئی سوئفٹ کی ڈیلیوری میں کچھ مسائل کا سامنا ہے۔ “جاپان سے اجازت کے کچھ مسائل ہیں، اور ہم اس کا انتظار کر رہے ہیں،” ذرائع کے مطابق یہاں تک کہ ڈیلرز کو بھی اس ہیچ بیک کی ٹیسٹ ڈرائیو دینے کی اجازت نہیں ہے۔ ذرائع نے مزید بتایا کہ دو ماہ قبل گاڑی کی لانچنگ سے لے کر اب تک ایک بھی یونٹ نہیں پہنچایا گیا تھا۔

ڈیلیوری سے قبل قیمت میں اضافہ

سوئفٹ مالکان کے لیے بری کی خبر یہ تھی کہ ڈیلیوری سے قبل ہی اس کی قیمت بڑھا دی گئی ہے۔ لہذا، جن لوگوں نے جزوی ادائیگی پر کار بک کروائی ہے، انہیں اضافی قیمت ادا کرنا پڑے گی۔ نئے متعارف کرائے گئے سوئفٹ ویریئنٹس کی نظر ثانی شدہ قیمتیں یہ ہیں:

  • بیس ویرینٹ سوئفٹ GL مینوئل کی نئی قیمت 2694000 روپے ہے جبکہ پرانی قیمت 2499000 روپے تھی۔ یعنی گاڑی کی قیمت میں 195000 روپے کا اضافہ ہوا ہے۔
  • مِڈ ویرینٹ سوئف GL CVT کی قیمت میں 209000 روپے کا اضافہ ہوا ہے۔ جس کے بعد گاڑی کی قیمت 2699000 روپے سے بڑھ کر 2908000 روپے ہو چکی ہے۔
  • ٹاپ آف دی لائن ویرینٹ سوئفٹ GLX CVT کی قیمت میں 270000 روپے کا اضافہ دیکھا گیا ہے۔ جس کے بعد گاڑی کی نئی قیمت 3169000 روپے ہو چکی ہے جبکہ پرانی قیمت 2899000 روپے تھی۔

بہر حال، ہم امید کرتے ہیں کہ مستقبل قریب میں ڈلیوری کا نظام آسانی سے چلے گا اور مالکان کو وقت پر گاڑی مل جائے گی۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.