پانچ ٹویوٹا کاریں جو آپ پاکستان میں 6 لاکھ روپے میں خرید سکتے ہیں


ٹویوٹا گاڑیاں مشہور ہیں اپنی مضبوطی اور پائیداری کے لیے۔ ان کی ری سَیل ویلیو بھی کم نہیں ہوتی اور آپ اپنی پرانی ٹویوٹا کار بھی فروخت کرکے اچھی قیمت حاصل کر سکتے ہیں۔ یہ بات تو آپ جانتے ہیں کہ پاکستانی کاروں کے معاملے میں پائیداری اور ری سَیل ویلیو کو کتنی اہمیت دیتے ہیں؟ یہی وجہ ہے کہ ٹویوٹا پاکستان میں اپنی گاڑیاں فروخت کرنے میں بہت کامیاب رہا ہے۔ چلیں، آج ہم آپ کو 5 ایسی ٹویوٹا کاروں کے بارے میں بتائیں گے کہ جو 6 لاکھ روپے سے بھی کم قیمت میں آپ کو مل سکتی ہیں۔ آئیے اور اپنی پسند کی گاڑی منتخب کر لیجیے۔ 

ٹویوٹا کرولا

ایسی کوئی بھی فہرست کرولا کا ذکر کیے بغیر مکمل نہیں ہوگی۔ یہ پاکستان ہی نہیں بلکہ دنیا بھر میں ٹویوٹا کی سب سے نمایاں اور پسندیدہ کار ہے۔ ساتھ ہی یہ دنیا میں سب سے زیادہ فروخت ہونے والی سیڈانز میں سے ایک ہے۔ اس کی مقبولیت کی بڑی وجہ ہے اس کی پائیداری، آرام اور زبردست فیچرز۔ اگر آپ کے پاس 6 لاکھ روپے کا بجٹ ہے تو آپ 1990ء کی دہائی کے اواخر یا اس سے پہلے کے کرولا ماڈل بہت اچھی کنڈیشن میں خرید سکتے ہیں۔ اس جنریشن کی کرولا تین انجن ویرینٹس میں آئی تھی: 1300cc، 1600cc اور 2000cc۔ ان میں سے 2000cc ویرینٹ ڈیزل سے چلتا تھا جبکہ 1300cc اور 1600cc ویرینٹس پٹرول سے۔ اس جنریشن کی کرولا میں ایئر کنڈیشننگ، کیسٹ پلیئر، پاور اسٹیئرنگ، پاور وِنڈوز اور پاور مررز جیسے فیچرز موجود ہیں۔ 

ٹویوٹا کرونا 

ٹویوٹا کرونا پاکستان میں بہت زیادہ کامیاب نہ ہو سکی جس کی وجہ تھی اس کا مہنگا ہونا۔ یہ 1600cc انجن کے ساتھ مینوئل یا آٹومیٹک ٹرانسمیشن میں آئی۔ کرونا کے فیچرز میں ایئر کنڈیشننگ، پاور اسٹیئرنگ، پاور ونڈوز اور ایک کیسٹ پلیئر شامل ہیں۔ 

سامان رکھنے کے لیے اس کار میں کافی بڑی ڈِگی ہے اور اس کا انٹیریئر بھی پانچ لوگوں کو بٹھانے کے لیے کافی ہے۔ آپ 6 لاکھ روپے کے بجٹ میں 1980ء کی دہائی کے اواخر کی یا اس سے پہلے کے ماڈل کی ٹویوٹا کرونا حاصل کر سکتے ہیں۔ اسپیئر پارٹس مہنگے ہونے کی وجہ سے اس گاڑی کی مرمت اور دیکھ بھال مہنگی پڑ سکتی ہے۔ 

ٹویوٹاکراؤن 

ٹویوٹا کراؤن ایک لگژری کار ہے، جو BMW اور مرسڈیز جیسے جرمن آٹوموٹو برانڈز کو ٹویوٹا کا جواب تھا۔ یہ تمام ضروری فیچرز سے لیس ہے اور اعلیٰ اور لگژری برانڈز کی مصنوعات کا مقابلہ کرنے کے لیے بڑا سائز رکھتی ہے۔ آپ 6 لاکھ روپے میں 1980ء کی دہائی کے اواخر کا یا اس سے پہلے کا ٹویوٹا کراؤن ماڈل حاصل کر سکتے ہیں۔ 

ٹویوٹاکراؤن بڑے انٹیریئر اور ڈِگی کی حامل گاڑی ہے جو پانچ افراد اور ان کے سامان کو باآسانی رکھ سکتی ہے۔ پھر سیٹوں کی گدیاں بھی زبردست ہیں، جو بہت آرام دہ سفر دیتی ہے۔ یہ بہترین فیچرز رکھتی ہیں کہ جن میں ایئر بیگز، پاور ونڈوز، پاور اسٹیئرنگ، پاور مررز، الائے رِمز، پاور لاکس، سی ڈی پلیئر اور ایئر کنڈیشننگ شامل ہیں۔ اس گاڑی کو روزانہ کی بنیاد پر چلانا اور اس کی دیکھ بھال و مرمت مہنگی پڑ سکتی ہے۔ 

ٹویوٹا اسٹارلیٹ

ٹویوٹا اسٹارلیٹ ٹویوٹا کی چار دروازوں والی ہیچ بیک ہے۔ یہ 1000cc انجن کے ساتھ مینوئل ٹرانسمیشن میں آئی۔ آپ 4 سے 5 لاکھ روپے کے بجٹ میں اچھی کنڈیشن کی اسٹارلیٹ باآسانی خرید سکتے ہیں۔ 

یہ ایک سادہ گاڑی ہے جس میں پاور ونڈوز، پاور اسٹیئرنگ اور پاور مررز جیسے فیچرز نہیں ہیں۔ اپنی سادگی اور چھوٹے انجن کی وجہ سے اس کی دیکھ بھال کی لاگت بھی کم ہے۔ لیکن اِس گاڑی کی ری سَیل ویلیو بہت زیادہ نہیں ہے۔ اگر آپ کو ایک چھوٹی اور سستی گاڑی چاہیے تو ٹویوٹا اسٹارلیٹ آپ کی پسند ہو سکتی ہے۔

ٹویوٹا ڈوئٹ

ٹویوٹا ڈوئٹ ٹویوٹا برانڈ کی ایک اور ہیچ بیک ہے۔ یہ گاڑی کبھی مقامی طور پر اسمبل نہیں کی گئی تھی بلکہ بڑی تعداد میں باہر سے درآمد کی گئی۔ یہ کچھ غیر روایتی شکل رکھتی ہے اور کسی حد تک دوسری ہیچ بیکس سے مختلف ہے۔ یہ آٹومیٹک ٹرانسمیشن رکھنے والے 1000cc پٹرول انجن کے ساتھ آئی۔ اس کار کے فیچرز میں پاور ونڈوز، پاور مررز، پاور اسٹیئرنگ، اموبیلائزر، کی لیس انٹری اور ایئر بیگز شامل ہیں۔ 6 لاکھ روپے کے بجٹ میں آپ باآسانی ایک اچھی کنڈیشن رکھنے والی ڈوئٹ خرید سکتے ہیں۔ 

اپنے خیالات نیچے تبصروں میں پیش کیجیے اور مزید معلوماتی خبروں کے لیے پاک ویلز پر آتے رہیے۔


Google App Store App Store

Top