صرف 10 روز میں 5000 ہونڈا سِوک بُک ہوگئیں!


گزشتہ ہفتے ہونڈا ایٹلس کی جانب سے نئی سِوک 2016 کی باقاعدہ بُکنگ کا آغاز کیا تھا۔ ہونڈا سِٹی سیلز نامی ڈیلرشپ کے ایک ذمہ دار نے ہمیں بتایا کہ انہیں پہلے ہی روز نئی سِوک بُک کرنے کی 200 درخواستیں موصول ہوئیں جبکہ ملک بھر میں مجموعی طور پر 2300 سِوک بُک کی گئیں۔ اور اب 10 روز گزرجانے کے بعدہونڈا ڈیلرشپ کے اہم عہدیدار نے ہمیں بتایا ہے کہ نئی سِوک 2016 کی بُکنگ 5 ہزار کا سنگ میل عبور کرچکی ہے۔

یہ بھی پڑھیں: پاکستان میں ہونڈا سِوک 2016 بُک کروانے کا طریقہ

civic-booked-in-10-days

یاد رہے کہ ہونڈا (Honda) کی جانب سے 10 لاکھ روپے کے عوض نئی سِوک بُک کی جارہی ہے جس کا مطلب یہ ہوا کہ صرف 10 روز میں 5000 ہونڈا سِوک بُک کیے جانے سے ہونڈا ایٹلس کو 5 ارب روپے حاصل ہوئے ہیں۔ یہاں یہ بات بھی قابل ذکر ہے کہ 10 لاکھ روپے کی پیشگی ادائیگی ناقابل واپسی ہے اور صارفین ایک ایسی گاڑی کے لیے اتنی بڑی قیمت ادا کر رہے ہیں جو انہوں نے اب تک اپنی آنکھوں سے دیکھی تک نہیں ہے۔

مزید پڑھیں: پاکستان میں پیش کردہ ہونڈا سِوک 2016 سے متعلق تمام معلومات

ہونڈا ایٹلس اور ان کے مجاز ڈیلرشپس دونوں ہی پاکستان میں متعارف کردہ نئی سِوک کی خصوصیات و سہولیات بتانے سے گریز کر رہے ہیں۔ البتہ ہونڈا سِٹی سیلز نامی ڈیلرشپ نے اس بات کی تصدیق کی ہے کہ نئی سِوک کو مینوئل ٹرانسمیشن کے ساتھ پیش نہیں کیا جائے گا۔ علاوہ ازیں دستیاب رنگوں کے حوالے سے بھی کوئی تفصیلات فراہم نہیں کی جارہی اور صارفین کو باقی پیسوں کی ادائیگی سے قبل تمام تفصیلات فراہم کرنے کی یقین دہانی کروائی جارہی ہے۔


Google App Store App Store
Adan Ali

Adan is a Rising Journalism Sophomore at Northwestern University, with an inclination towards non-political investigative journalism and advertising. He is currently serving as a Research Assistant for the Arab World’s first media museum, The Media Majlis and an Admissions Diplomat at NU-Q. Adan comes with an experience of almost three years in the field of media creation, alongside Dawn, Parhlo, PakWheels, and The Daily Q occupying the roles of an Intern, Guest Writer, and Staff Reporter. Formerly, Adan has served as a Founder and CEO of The Nixor Times, a media and advertising company, besides which, he has offered his services as a Member of Board at Nixor Corporate. He tweets @adanali12 and runs a channel on YouTube.

Top