ماؤنٹین ڈیو پاک ویلز سنو کراس ریلی 2019ء کی جھلکیاں


ماؤنٹین ڈیو پاک ویلز سنوا کراس ریلی 2019ء فرنٹیئر 4×4 کلب کے تعاون سے 28 اور 29 دسمبر 2019ء کو سوات کالام میں منعقد ہوئی۔ 

یہ واقعی ایک پرجوش  اور زبردست ایونٹ تھا جس میں شکیل برکی نے ایک گھنٹہ 42 منٹ اور 03 سیکنڈز میں فاصلہ طے کرکے کیٹیگری ‘اے’ میں پہلی پوزیشن حاصل کی۔ مکمل نتائج یہ ہیں: 

بعد ازاں فاتحین میں انعامات تقسیم کیے گئے۔ تصاویر نیچے دیکھیں:

پاکستان بلاشبہ ایک خوبصورت ملک ہے۔ یہ ہر قسم کے فطری حسن سے مالا مال ہے۔ گھنے جنگلات سے صحرا، دریاؤں سے برف پوش پہاڑوں تک، اس حیرت انگیز سرزمین پر سب کچھ ہے۔ 

پاکستان کے شمالی علاقوں میں پچھلے سالوں کے مقابلے میں سیاحوں کی تعداد میں اضافے دیکھنے کو مل رہا ہے، جو امن و امان کی بہتر ہوتی صورت حال، روڈ نیٹ ورک اور ڈرائیونگ اور روڈ کے حالات سے عوام کی آگہی بڑھنے کی بدولت ہوا ہے۔ ان علاقوں کو مزید نمایاں کرے کے لیے 2019ء سالانہ سنو کراس ریلی 28 اور 29 دسمبر کو منعقد ہوئی۔ اس مرتبہ ایونٹ میں 60 گاڑیوں نے حصہ لیا۔ 

پچھلے سال فرنٹیئر 4×4 کلب نے ماؤنٹین ڈیو کے تعاون سے سالانہ سنو کراس ریلی کا انعقاد ناران میں کیا تھا۔ تب ریلی میں ناصر خان نے اپنی ریپٹر کے ساتھ پہلی پوزیشن حاصل کی تھی۔ ماؤنٹین ڈیو اور پاک ویلز ہمیشہ ملک میں موٹر اسپورٹس ایونٹس کے انعقاد میں پیش پیش رہے ہیں۔ وہ دنیا کے دیگر ممالک میں پاکستان کی ساکھ کو بہتر بنانے کے لیے بھی ہمیشہ کوشش کرتے رہتے ہیں۔ اور یہ ملک میں اپنی نوعیت کے منفرد ایونٹس میں شامل ہے کہ جہاں ریس میں حصہ لینے والے خطرناک راستوں سے گزرتے ہوئے فائنل پوائنٹ تک پہنچنے کی جدوجہد کرتے ہیں۔ تمام مشکلات کا سامنا کرتے ہوئے گاڑیوں کو برف اور پہاڑی راستوں سے گزرتے ہوئے دیکھنا ایک زبردست منظر ہوتا ہے۔ 

ہمارا ملک بہت مشکل مراحل سے گزرا ہے اور پچھلے چند سال خاص طور پر بہت مشکل رہے ہیں۔ ایسے ایونٹس کا انعقاد نہ صرف لوگوں کو صحت مندانہ اور مثبت سرگرمی دیتے ہیں بلکہ ملک کے مستقبل کو بھی روشن کرتے ہیں۔ 

ہمیں امید ہے کہ پاکستان کے شمالی علاقوں میں ایسے مزید ایونٹس ہوں گے۔


Google App Store App Store

My name is M. Ali Laghari and I love to read and write about Cars.

Top