حکومت نے جنوری 2020ء کے لیے پٹرول کی قیمت میں 2.61 روپے فی لیٹر اضافہ کر دیا


اپڈیٹ: 

حکومت نے جنوری 2020ء کے لیے پٹرولیم مصنوعات کی قیمتوں میں اضافہ کر دیا ہے۔ تفصیلات کے مطابق پٹرول کی قیمت 113.99 روپے سے بڑھا کر 116.60 روپے کر دی گئی ہے جو فی لیٹر 2.61 روپے کا اضافہ ہے۔ اسی طرح ہائی-اسپیڈ ڈیزل اور لائٹ اسپیڈ ڈیزل کی قیمتوں میں بھی بالترتیب2.25 اور 2.08 روپے فی لیٹر کا اضافہ کیا گیا ہے۔ ہائی-اسپیڈ ڈیزل اور لائٹ-اسپیڈ ڈیزل کی قیمت اب بالترتیب 127.26 اور 84.51 روپے فی لیٹر ہو گئی ہے۔ 

آخر میں مٹی کے تیل کی قیمت 96.26 روپے سے بڑھا کر 99.45 روپے کر دی گئی ہے – یعنی 3.10 روپے فی لیٹر کا اضافہ کیا گیا ہے۔ 

قبل ازیں: 

آئل اینڈ گیس ریگولیٹری اتھارٹی (OGRA) نے جنوری 2020ء کے لیے حکومت کو پٹرولیم مصنوعات کی قیمت میں 3.10 روپے فی لیٹر تک کااضافہ کرنے کی تجویز ارسال کی ہے۔ 

تفصیلات کے مطابق ریگولیٹری اتھارٹی نے نئے سال 2020ء کے خیر مقدم کے لیے ایک مرتبہ پھر قیمت میں اضافہ تجویز کیا ہے۔ حکومت کو بھیجی گئی سمری کے مطابق پٹرول کی قیمت میں 2.61 روپے کا اضافہ تجویز کیا گیا ہے۔ اسی طرح ہائی-اسپیڈ ڈیزل کی قیمت 2.25 روپے فی لیٹر بڑھانے کی تجویز دی گئی ہے۔ دیگر پٹرولیم مصنوعات میں لائٹ ڈیزل آئل اور ہائی-اسپیڈ ڈیزل کی قیمتوں میں بالترتیب 2.08 اور 3.10 روپے فی لیٹر کا اضافہ تجویز کیا  گیا ہے۔ اگر حکومت ان سفارشات کی منظوری دیتی ہے تو یکم جنوری 2020ء سے پٹرولیم مصنوعات کی نئی قیمت کچھ یوں ہوگی: 

پٹرول: 116.60 روپے فی لیٹر 

ہائی-اسپیڈ ڈیزل: 127.26 روپے فی لیٹر

لائٹ ڈیزل آئل: 84.51 روپے فی لیٹر

مٹی کا تیل: 99.45 روپے فی لیٹر 

پچھلے مہینے حکومت نے پٹرول کی قیمت میں 0.25 روپے فی لیٹر اور ہائی اسپیڈ ڈیزل کی قیمت میں 2.40 روپے فی لیٹر کی کمی کی تھی۔ یہ دو مصنوعات خاص طور پر بہت زیادہ استعمال ہوتی ہیں کیونکہ ملک میں ان کی طلب ہمیشہ اوپر رہتی ہے۔ یہ امر قابلِ ذکر ہے کہ پچھلے 12 مہینوں میں پٹرولیم مصنوعات کی قیمتوں میں 25.3 فیصد تک کا اضافہ ہوا ہے۔ پٹرول کی قیمت اگست 2019ء میں اپنے عروج پر پہنچی تھی کہ جب یہ 117.83 روپے فی لیٹر کا تھا۔ اس وقت بین الاقوامی مارکیٹ میں خام تیل کی قیمت 62.08 روپے فی بیرل ہے۔ پٹرولیم مصنوعات کی موجودہ قیمتیں کچھ یوں ہیں: 

پٹرول: 113.99 روپے فی لیٹر

ہائی-اسپیڈ ڈیزل: 125.01 روپے فی لیٹر 

لائٹ ڈیزل آئل: 82.43 روپے فی لیٹر

مٹی کا تیل: 96.35 روپے فی لیٹر

دیکھتے ہیں حکومت پٹرولیم مصنوعات کی قیمتوں پر اوگرا کی سفارشات کو تسلیم کرتی ہے یا نہیں۔ بلاشبہ یہ فیصلہ عوام کی مشکلات میں اضافہ ہی کرے گا۔ اس حوالے سے مزید خبروں کے لیے پاک ویلز کے ساتھ رہیے۔ اپنے خیالات نیچے تبصروں میں پیش کیجیے۔


Google App Store App Store

My name is M. Ali Laghari and I love to read and write about Cars.

Top