موسم سرما میں گاڑی دیکھ بھال کے لیے اہم تجاویز

PAKISTAN-WEATHER-SNOW

گرمیوں کا موسم اپنے اختتام کی جانب بڑھ رہا ہے اور نصف شب چلنے والی خنک ہوائیں سردیوں کی آمد کا پتہ دے رہی ہیں۔ موسم سرما کے ساتھ ہی پاکستان کے مختلف شہروں میں تیز ہواؤں، بارشوں اور برفباری کا سلسلہ شروع ہوجاتا ہے۔ ایسے موسم میں جن لوگوں کو سب سے زیادہ پریشانی کا سامنا کرنا پڑتا ہے ان میں گاڑیوں کے مالکان اور ڈرائیور صاحبان بھی شامل ہیں۔ آج کے مضمون میں ہم ایسے ہی لوگوں کے لیے چند اہم تجاویز پیش کر رہے ہیں کہ جو کم درجہ حرارت والے علاقوں میں رہتے یا وہاں سفر کرتے ہیں۔

بیٹری لازمی چیک کریں

کسی بھی سفر پر نکلنے سے پہلے اپنی گاڑی کی بیٹری ضروری چیک کریں۔ اگر بیٹری کمزور ہوئی تو آپ کو گاڑی اسٹارٹ کرنے میں دشواری کا سامنا کرنا پڑسکتا ہے۔ ممکن ہے آپ کو دھکا لگا کر گاڑی اسٹارٹ کرنے کی کوشش کرنا پڑے۔ لیکن دھکا لگا کر اسٹارٹ کرنے کا طریقہ بھی صرف مینوئل گیئر رکھنے والی گاڑیوں ہی کے لیے کارگر ہے۔بیٹری میں پانی کی مقدار بھی لازمی دیکھ لیں جو کہ نہ بہت زیادہ ہونا چاہیے اور نہ ہی بہت کم۔ بہتر یہی ہے کہ موسم سرما کی آمد سے قبل ہی بیٹری کو کسی اچھے مکینک سے چیک کروالیں تاکہ مستقبل میں کسی بڑے نقصان کا سامنا نہ کرنا پڑے۔

old-car-part1

ٹائرز کی جانچ کریں

معیاری ٹائرز کی موجودگی اچھے سفر کی ضامن ہے لہٰذا لمبے سفر پر نکلتے ہوئے بالخصوص برفانی علاقوں کی طرف جانے سے قبل اس بات کی تسلی کرلیں کہ گاڑی کے ٹائر اچھی حالت میں ہوں۔ ٹائر کی حالت جانچنے کے مختلف طریقے ہیں جن میں سے ایک ٹائر ٹریڈ کو پرکھنا بھی ہے۔ اس کے علاوہ ٹائر پر کسی قسم کی گلنے یا سڑنے کے نشانات بھی اس کی خراب حالت بیان کرتے ہیں۔ اس کے علاوہ ٹائر میں بھری جانے والی ہوا کا تناسب بھی اہمیت کا حامل ہے۔ ٹائر ٹریڈ اور ہوا کا تناسب دونوں ہی گاڑی کی بہتر گرفت اور محفوظ سفر کے لیے انتہائی اہم ہیں۔

general-tyres-pakistan

گاڑی کو پیٹرول پر منتقل کریں

جن گاڑیوں میں CNG کٹ موجود ہوتی ہے انہیں طویل وقت کے لیے کھڑا رکھنے سے قبل پیٹرول پر منتقل کردینا مناسب ہے۔ سرد موسم کی گیس کا درجہ حرارت بھی کم ہوجاتا ہے اور یوں گاڑی اسٹارٹ کرنے میں دشواری کاسامنا کرنا پڑسکتا ہے۔ انجن پر غیر ضروری دباؤ ڈالنے اور اس کی کارکردگی بہتر رکھنے کے لیے یہی تجویز کیا جاتا ہے کہ گاڑی کو ہمیشہ پیٹرول پر منتقل کر کے ہی کھڑا کریں۔

conversion_switch_CTE_PakWheels(com)

گاڑی کا ہیٹر چیک کریں

شدید سردی میں سفر پر نکلنے سے قبل گاڑی میں موجود ہیٹر کی کارکردگی ضرور چیک کریں۔ سرد موسم میں گاڑی چلانا کٹھن ثابت ہوسکتا ہے ایسے میں صرف ہیٹر ہی آپ کی مدد کے لیے دستیاب ہوگا۔ لہٰذا ہیٹر کی کارکردگی پر کوئی سمجھوتا نہ کریں۔

انجن آئل تبدیل کریں

موسم کے اعتبار سے انجن آئل کی تبدیلی میں ہی سمجھداری ہے۔ بیرونی درجہ حرارت میں کمی سے انجن آئل گاڑھا ہوجاتا ہے اور اسے اپنا کام انجام دینے میں مشکل پیش آسکتی ہے۔ لہٰذا بہتر ہے کہ انجن آئل کی باریکیت اور گاڑھے پن کو مدنظر رکھتے ہوئے مثلاً 5W-30 استعمال کیا جائے۔ موسم سرما کے دوران 10W-30 انجن آئل 20W-50 سے بہتر ثابت ہوسکتا ہے۔

یہ بھی پڑھیں: مختلف انجن آئل کے فرق کو سمجھیں اور درست آئل کا انتخاب کریں!

تیز روشنیوں کا استعمال

موسم سرما کے دوران شدید دھند کا سامنا بھی کرنا پڑسکتا ہے اس لیے گاڑی میں فوگ لائٹس اور اسٹاپ لائٹس کی درستگی لازماً دیکھیں۔ پاکستان کے شمالی علاقہ جات میں سفر کرنے والوں کو اس بارے میں زیادہ توجہ کی ضرورت ہے۔

اسٹارٹر کی سروس کروالیں

تبدیل ہوتے ہوئے موسم کے ساتھ ہی گاڑی کے اسٹارٹر کی سروس بھی لازمی کروائیں۔ اگر سروس کے دوران اسٹارٹر کمزور محسوس کو تو اسے تبدیل کروائیں کیوں کہ کمزور اسٹارٹر کی موجودگی میں گاڑی اسٹارٹ کرنے کے لیے انجن پر دباؤ بڑھتا ہے اور بیٹری کی کارکردگی بھی متاثر ہوتی ہے۔

ford-starter

یہ چند تجاویز تھیں کہ جن پر عمل کر کے آپ موسم سرما میں اطمینان کے ساتھ سفر کرسکتے ہیں۔

Samiullah Sharief

Samiullah Sharief is a car enthusiat. He is passionate about writing blogs and reviews about cars. His hobbies are driving,watching TV Shows like Top Gear, Mega Factories and he follows Popular car magazines. You can reach out to him by tweeting @sami649

Top