اسلام آباد: اسٹریٹ کرائمز کو روکنے کے لیے شاہین اسکواڈ نے کام شروع کر دیا


اسلام آباد میں اسٹریٹ کرائمز بڑھتے ہی جا رہے ہیں۔ شہریوں کو اِن سے محفوظ رکھنے کے لیے اب وفاقی پولیس کے شاہین اسکواڈ یونٹ نے کام شروع کر دیا ہے۔ محمد عامر ذوالفقار، انسپکٹر جنرل پولیس اسلام آباد، نے بھی شاہین اسکواڈ کے افسران سے ملاقاتیں کیں۔ ایڈیشنل سپرنٹنڈنٹ آف پولیس اس اسکواڈ کے آپریشنز کی نگرانی کریں گے۔ 

پریس کانفرنس میں فیڈرل پولیس کے سینئر افسران جیسا کہ SSP ہیڈ کوارٹر، DIG ہیڈ کوارٹرز اور AIG آپریشنز موجود تھے۔ یہ نیا بائیک اسکواڈ بڑھتے ہوئے اسٹریٹ کرائمز پر قابو پانے میں مدد دے گا۔ کسی پٹرولنگ فورس کے بغیر اسٹریٹ کرائمز سے نمٹنا مشکل ہوتا ہے کیونکہ اسٹریٹ کرائمز عموماً تیزی سے ہوتے ہیں، اس لیے ان جرائم پر قابو پانے کے لیے ایک تیز رفتار اور مستعد فورس کی ضرورت ہوتی ہے جو ہمہ وقت سڑکوں پر موجود رہے۔ اس سے پولیس کو دیگر سنگین جرائم پر اپنی توجہ مرکوز رکھنے میں مدد ملے گی کیونکہ اسٹریٹ کرائمز پر شاہین اسکواڈ نظریں رکھے گا۔ 

شاہین اسکواڈ اسٹریٹ کرائمز سے نمٹنے کے لیے اپنے جدید اسلحے اور وائرلیس کمیونی کیشن ڈیوائسز کے ساتھ سڑکوں پر گشت کرے گا۔ جدید آلات اسکواڈ کے اراکین کے درمیان اور پولیس سے رابطے میں مدد دیں گے۔ یہ اسکواڈ جوڑیوں کی صورت میں سڑکوں پر گشت کرے گا اور مخصوص ذمہ داریاں نبھانے اور گشت کے لیے اپنے علاقے طے کر چکا ہے۔ انسپکٹر جنرل پولیس نے شاہین اسکواڈ کو منظم اور مستعد رہتے ہوئے سڑکوں پر گشت کرنے اور اسٹریٹ کرائمز کو روکنے کی ہدایت دی۔ IGP نے اسکواڈ کو اپنی اور اسلام آباد پولیس کی اچھی ساکھ بنانے کا بھی حکم دیا۔ انہوں نے شاہین اسکواڈ کے اراکین پر زور دیا کہ وہ دستیاب وسائل کا بہترین استعمال کریں۔ 

اسکواڈ میں عمدہ کارکردگی دِکھانے والے اراکین کو اعزازات دیے جائیں گے۔ اسکواڈ کو یہ بھی ہدایت دی گئی ہے کہ پولیس کو اسکواڈ کے پٹرولنگ والے علاقوں سے جرائم کی کم شکایات ملنی چاہئیں۔ اسکواڈ کی پٹرولنگ کرنے والی جوڑیاں جرائم کی شکایت پر فوری کارروائی کریں گی۔ شاہین اسکواڈ لاہور میں کام کرنے والے ڈولفن اسکواڈ جیسا ہی ہے۔ 

قبل ازیں اسلام آباد پولیس نے شہریوں کو ٹریفک قوانین کی خلاف ورزیوں سے روکنے کے لیے ای-چالان سسٹم بھی شروع کیا تھا۔ اسٹریٹ کرائمز کا خاتمہ اسلام آباد سے بیرونِ ملک سے مزید سیاحوں کی آمد کے لیے بھی ضروری ہے۔ غیر ملکی وفود دارالحکومت کا دورہ کرتے رہتے ہیں اور شاہین اسکواڈ پاکستان کا اچھا تاثر دے گا۔ 

مزید خبروں اور معلوماتی مواد کے لیے پاک ویلز پر آتے رہیے اور اپنی رائے نیچے تبصروں میں پیش کیجیے۔ 

تصویر: ایکسپریس ٹریبیون


Google App Store App Store

Top