بی ایم ڈبلیو ایکٹِو ہائبرِڈ 5 مالک کی نظر سے: قیمت، خصوصیات اور تفصیلات


بی ایم ڈبلیو 5 سیریز مشہور لگژری سیڈان ہے جو اپنی کارکردگی اور نفاست کی وجہ سے دنیا بھر میں مقبول ہے۔ جس گاڑی کا یہاں جائزہ لیا جا رہا ہے وہ 2012ء بی ایم ڈبلیو ایکٹِو ہائبرِڈ ہے، جو 5 سیریز لائن اَپ کے مختلف ویرینٹس میں سے ایک ہے۔ موجودہ مالک نے یہ گاڑی 2017ء میں خریدی تھی اور وہ اس کے دوسرے مالک ہیں۔ انہوں نے یہ گاڑی تب خریدی جب یہ 15,000 کلومیٹرز چلی ہوئی تھی۔ مالک کے پاس پچھلی جنریشن کی 5 سیریز بھی تھی اور وہ اس کا زبردست تجربہ رکھتے تھے۔ اس کا بڑا انجن تھا کہ جس نے مالک کو آؤڈی A6 یا مرسڈیز E کلاس کے بجائے اسے خریدنے پر قائل کیا۔ 

انٹیریئر اور ایکسٹیریئر 

انٹیریئر فور-زون لگژری کلائمٹ کنٹرول کے ساتھ آتی ہے، جو آرام دہ سفر دیتا ہے خاص طور پر گرمیوں کے دنوں میں۔ پُش اسٹارٹ، کروز کنٹرول، متعدد ایئر بیگز، روشن انٹیریئر اور الیکٹرانک ہینڈ بریک انٹیریئر کی وہ چند خوبیاں ہیں جو اس کار میں موجود ہیں۔ یہ فرنٹ اور ریئر پارکنگ سینسرز کے ساتھ آتی ہے جو کم جگہ پر پارکنگ کرنے میں مدد دیتے ہیں۔ اس میں مختلف ڈرائیونگ موڈز ہیں جیسا کہ اسپورٹ، کمفرٹ اور اِیکو پرو۔ شہری علاقوں میں اس گاڑی کی گراؤنڈ کلیئرنس اتنا بڑا مسئلہ نہیں۔ پچھلے حصے میں فرش پر موجود اُبھار پیچھے بیٹھے مسافروں کے لیے پیروں کی جگہ کم کرتا ہے۔ نشستیں سیمی-الیکٹرک ہیں اور اگلے حصے میں ٹانگیں پھیلانے کے لیے کافی جگہ ہے۔ انفوٹینمنٹ سسٹم بلوٹوتھ اور ایپل کار پلے کنیکٹیوِٹی کے ساتھ آتا ہے۔ 

ایکسٹیریئر ڈیزائن سادہ لیکن دِلکش ہے جس کے کنارے اور ہیڈلیمپس بھی گول شکل کے ہیں، جو بی ایم ڈبلیو 5 سیریز کی اِس جنریشن کا نمایاں ڈیزائن عنصر ہیں۔ ہیڈ لیمپس اور ٹیل لیمپس دونوں مکمل LED ہیں اور رات کے وقت کافی روشن ہوتے ہیں۔ 

اس کار کا وڈیو ریویو یہاں دیکھیں:

انجن اور کارکردگی: 

بی ایم ڈبلیو ایکٹِو ہائبرڈ 5 ایک 3.0L کا 6-سلنڈر ٹوئن پاور ٹربو انجن رکھتی ہے جو زبردست طاقت اور کارکردگی دیتا ہے۔ یہ پٹرول انجن 302 bhp پیدا کرتا ہے، جس میں ہائبرڈ موٹرز سے پیدا ہونے والی طاقت شامل ہوتی ہے۔ ہائبرڈ بیٹری 55 bhp پیدا کرتی ہے۔ سسپنشن بہت رواں اور ہموار ہے اور گاڑی کو اوپر نیچے راستوں پر باآسانی سفر کرنے میں مدد دیتا ہے۔ یہ ایک پرسکون اور آرام دہ سفر فراہم کرتا ہے۔ 

مائلیج اور مُرمّت

یہ گاڑی شہر کے اندر 7 کلومیٹرز فی لیٹر دیتی ہے اور ہائی وے پر ایک لیٹر میں 15 کلومیٹرز تک جا سکتی ہے۔ ایکو پرو ڈرائیونگ موڈ میں فیول مائلیج بہتر ہو جاتی ہے اور شہر کے اندر 10 کلومیٹرز فی لیٹر تک جا سکتی ہے۔ ڈرائیونگ موڈ کے تحت گاڑی کم RPM پر گاڑی شفٹ کرتی ہے، جو گاڑی کی ایندھن مؤثریت بہتر ہو جاتی ہے۔ مالک کو عام آئل اور فلٹر چینج کے علاوہ گاڑی کی مرمت کے لیے بارہا ڈیلرشپ پر نہیں جانا پڑتا۔ یہ گاڑی پائیدار ہے اور اس کی مرمت پر کم لاگت آتی ہے ایک مرتبہ آئل اور فلٹر چینج کروایا جائے تو اس پر 15,000 سے 18,000 روپے لگتے ہیں۔ اس گاڑی کی ایک خامی یہ ہے کہ کوئی مسئلہ ہو جائے تو اسپیئر پارٹس یعنی فاضل پرزوں کے لیے انتظار کرنا پڑتا ہے۔ اگر آپ ڈیلرشپ کو پرزوں کا آرڈر دیتے ہیں تو آپ کو تقریباً 45 دن انتظار کرنا پڑے گا۔ 

نتیجہ 

بی ایم ڈبلیو ایکٹو ہائبرڈ 5 ایک غیر معمولی گاڑی ہے جو اچھی ری سَیل رکھتی ہے کیونکہ بی ایم ڈبلیو پاکستان میں مثبت برانڈ ساکھ رکھتی ہے۔ ہائبرڈ بیٹری پیک کی وجہ سے ڈِگی کی گنجائش کم ہے،  جو بڑے خاندانوں کے لیے ایک خامی ہو سکتی ہے۔ ایک اور مسئلہ جو مالکان کو پیش آ سکتا ہے وہ پاکستان میں رَن-فلیٹ ٹائروں کی دستیابی ہے۔ گو کہ ایک مہنگی گاڑی رکھنے کے کچھ مسائل بھی ہوتے ہیں لیکن بی ایم ڈبلیو ایکٹو ہائبرڈ 5 رکھنے کے لیے ایک متاثر کُن گاڑی ہے۔ 

اپنے خیالات نیچے تبصروں میں پیش کیجیے۔


Google App Store App Store

Top