پہاڑی علاقوں میں محفوظ ڈرائیونگ کیسے کریں؟


کسی بھی خطرناک حادثے یا ناگہانی سے بچنے کے لیے ضروری ہے کہ آپ کو پہاڑی علاقوں میں محفوظ ڈرائیونگ کے بارے میں معلوم ہو۔ کسی بھی پہاڑی علاقے کا سفر کرنے سے پہلے ضروری ہے کہ کچھ اقدامات اٹھانا ضروری ہے اور یہ یقینی بنانا بھی کہ آپ کی گاڑی بہترین کنڈیشن میں ہو۔ پہاڑوں میں ڈرائیونگ کے دوران یقینی بنائیں کہ آپ نے خوب آرام کر رکھا ہے اور نیند کا غلبہ نہیں ہے۔ کیونکہ پہاڑی علاقوں میں ڈرائیونگ کے دوران غلطی کی گنجائش بہت کم ہوتی ہے، اس لیے ضروری ہے کہ آپ کی پوری توجہ سڑک پر ہو۔ پھر اندھے موڑوں پر گاڑیوں کو اوور ٹریک کرنے سے بھی گریز کریں۔ 

پہاڑی سڑکوں پر گاڑی چلاتے ہوئے ہمہ وقت توجہ کی ضرورت ہوتی ہے اس لیے موبائل فون کے استعمال کی حوصلہ شکنی کرنی چاہیے۔ موبائل فون خود استعمال کرنے کے بجائے کسی ساتھی مسافر سے کہیں کہ وہ آپ کی طرف سے بات کرلے۔ غیر ضروری طور پر تیز ڈرائیونگ اور اچانک بریک لگانے سے بھی بچنا چاہیے کیونکہ ایسا کرنے سے گاڑی پر دباؤ میں اضافہ ہوگا۔

اہم ڈرائیونگ ٹپس: 

ایک بات یاد رکھیں کہ جس رفتار سے آپ نے پہاڑی علاقے میں گاڑی چڑھائی ہے، آپ کو اترتے ہوئے بھی اتنی ہی رفتار رکھنی چاہیے۔ اس سے آپ نیچے کی جانب سفر کرتے ہوئے حد سے زیادہ رفتار سے بچیں گے اور بریکوں پر دباؤ بھی کم پڑے گا۔ 

پہاڑ سے اترتے ہوئے گاڑی کی رفتار بڑھانے سے گریز کریں اور اسے خود نیچے جانے دیں۔ یوں اگر گاڑی کنٹرول سے باہر ہو بھی جائے تو بریکنگ میں مدد ملتی ہے۔ 

ایک اور بات ذہن میں رکھیں کہ جہاں بھی پٹرول پمپ ملے، ایندھن ضرور بھروا لیں، خاص طور پر اگر آپ دور دراز پہاڑی علاقوں میں ہوں تو۔ 

بریک پیڈز گرم ہوں تو ان پر کبھی پانی نہ ڈالیں کیونکہ اس سے گاڑ ی کی بریکنگ صلاحیت متاثر ہوگی۔ 

گاڑی کی رفتار کم کرنے کے لیے گیئرز کا استعمال کریں کیونکہ بریکس کے مقابلے میں اس سے کم دباؤ پیدا ہوگا۔ آپ جس رفتار پر جا رہے ہیں، گیئر کا استعمال ہمیشہ اس حساب سے کریں۔ 

گاڑی کو چھوٹے گیئر میں رکھنے سے وہ حد سے زیادہ رفتار نہیں پکڑ سکتی، یوں گاڑی کو روکنے میں مدد ملتی ہے۔ 

اس امر کو بھی یقینی بنائیں کہ گاڑی کو چڑھائی یا اترائی پر نہ روکیں بلکہ کسی سیدھی جگہ پر پارک کریں۔ ویسے پہاڑی علاقوں میں سفر کے دوران وقفے وقفے سے گاڑی کو روکنے سے اسے ٹھنڈا رہنے میں مدد ملتی ہے اور آپ کو بھی کچھ آرام کرنے اور تھکن مٹانے کا موقع ملتا ہے۔ 

جب گاڑی پارک کی جائے تو ہینڈ بریک/پارکنگ بریک کا استعمال ضرور کریں اور اسے ہمیشہ گیئر میں رکھیں۔ 

اپنی گاڑی اور آگے چلنے والی گاڑی کے درمیان مناسب فاصلہ رکھیں۔ یہ اصول یاد رکھیں کہ ہر 20 کلومیٹر فی گھنٹے کی رفتار پر آپ کی اور اگلی گاڑی کے درمیان ایک کار جتنا فاصلہ ہونا چاہیے۔ اگر آپ اور آگے جانے والی گاڑی کے درمیان فاصلہ کم ہے تو خدشہ ہوتا ہے کہ درست بریک نہ لگنے کی صورت میں حادثہ ہو جائے گا۔ 

سفر سے پہلے انہیں لازمی چیک کریں: 

آپ کی کار کا بریکنگ سسٹم خاص طور پر بریک پیڈز کیونکہ وہ کسی بھی ہنگامی صورت حال میں آپ کی گاڑی کو روکتے ہیں۔ انہیں لازماً بہترین حالت میں ہونا چاہیے تاکہ آپ کی گاڑی کم سے کم فاصلے پر بھی رک جائے۔ وِنڈ اسکرین وائپرز لازماً چیک کریں تاکہ بارش کی صورت میں آپ کو آگے نظر آنے میں دشواری کا سامنا نہ کرنا پڑے۔ گاڑی کے فلوڈز لازمی دیکھیں کیونکہ اس طرح راستے میں گاڑی کے خراب ہونے کے امکانات کم ہو جائیں گے۔ آپ کے وِنڈ اسکرین واشر میں بھی پانی ہونا چاہیے۔ 

نیچے وڈیو دیکھیں: 

اپنے خیالات نیچے تبصروں میں پیش کیجیے اور مزید معلومات مواد اور ایسی ہی تحاریر کے لیے آتے رہیے۔ 


Google App Store App Store

Top