اب ہو جائیں تیار پاک ویلز لاہور آٹو شو کے لیے


آٹو شوز PakWheels.com کے وہ ایونٹس ہیں کہ جن کا مقصد پاکستان بھر میں گاڑیوں کا شوق رکھنے والے افراد کو ایک پلیٹ فارم مہیا کرنا ہے۔ 

2011ء میں شروع ہونے والے یہ آٹو شوز اب ملک بھر ایک رحجان بن چکے ہیں۔ ایگزوٹک سے لے کر ٹیونرز، 4×4 سے لے کر کلاسک تک، ان میں ہر قسم کی گاڑیاں آتی ہیں۔ اس مرتبہ PakWheels.com اگلے آٹو شو کے لاہور میں انعقاد کی تیاریاں کر رہا ہے۔ 

یہ لاہور آٹو شو شہر میں ہونے والا نواں آٹو شو ہے جو24 نومبر 2019ء کو صبح 11 بجے سے لبرٹی مارکیٹ میں شروع ہوگا۔ ہر سال کی طرح اِس مرتبہ بھی شو میں گاڑیوں کی چھ اہم کیٹیگریز ہوں گی کہ جن میں وِنٹیج، ایگزوٹک، لگژری، موڈیفائیڈ، 4×4 اور بائیکس شامل ہیں۔ 

امید ہے کہ اِس شو میں ہزاروں مہمان شرکت کریں گے کہ جن میں سے کچھ اپنی کاروں کی نمائش کے لیے آئیں جبکہ دیگر اپنے گھر والوں اور دوستوں کے ساتھ ایک بھرپور دن کا لطف اٹھائیں گے۔ جی ہاں، آپ نے بالکل ٹھیک پڑھا ہے کہ یہ ایونٹ کاروں، موٹر سائیکلوں کے ساتھ ساتھ کھانے پینے کی چیزوں اور میوزک سے بھی بھرپور ہوگا۔ 

اس ایونٹ کے لیے ہمارے اسپانسرز ماؤنٹین ڈیو، AGS، گوبی پینٹ، ڈائیوو بیٹری، فینکس بیٹری،اور سائیڈیک ہوں گے۔ ایونٹ کے لیے میڈیا پارٹنرز روزنامہ K2، اردو پوائنٹ، آج ٹی وی، سنو ایف ایم 89.4، بزنس ریکارڈر ہیں اور ہمارے زبردست ایونٹ کے لیے ٹریول پارٹنر کریم ہے۔ 

اس کے علاوہ اپنی سماجی ذمہ داریوں کو سمجھتے ہوئے PakWheels.com کینسر کے مریضوں کے لیے فنڈز اکٹھے کرنے کی خاطر شوکت خانم میموریل کینسر ہسپتال کی مدد کرے گا۔

Register Your Ride Now: https://www.pakwheels.com/rides/new?type=autoshow


Google App Store App Store

My name is M. Ali Laghari and I love to read and write about Cars.

Top