پاک وِیلز لاہور میں چوتھا کار میلہ منعقد کرے گا


پاک وِیلز کار میلہ ایک مرتبہ پھر لاہور آ رہا ہے۔ تو اپنے کلینڈر پر اتوار یکم دسمبر 2019ء کی تاریخ پر نشان لگا لیں کہ جس روز ایک مرتبہ پھر لبرٹی مارکیٹ پارکنگ میں پاک ویلز کار میلے کا انعقاد ہوگا۔ یہ ایونٹ صبح 9 بجے سے شام 5 بجے تک جاری رہے گا۔ 

یہ لاہور میں منعقد ہونے والا چوتھا کار میلہ ہے جو ابھی سے شہر بھر میں موضوعِ گفتگو بن چکا ہے۔ یہ میلہ کاروں کی خرید و فروخت کا تجربہ بدل دیتا ہے جو عام پاکستانیوں کے لیے اِس عمل کو بالکل آسان بنا دیتا ہے۔ 

پاکستان استعمال شدہ کاروں کی بڑی مارکیٹ ہے لیکن اس کے باوجود استعمال شدہ جینوئن کار فروخت کرنا یا خریدنا یہاں مشکل کام لگتا ہے۔ اِس لیے صارفین کی ضروریات کو پورا کرنے کے لیے PakWheels.com کار میلوں کا انعقاد کرتا ہے تاکہ ہر شعبہ زندگی سے تعلق رکھنے والے افراد آئیں اور اپنی پسندیدہ کار حاصل کر سکیں یا اپنی گاڑی فروخت کے لیے باآسانی گاہک حاصل کر پائیں۔ 

اس کار میلے میں ہر کیٹیگری میں سینکڑوں کاریں خرید و فروخت کے لیے پیش کی جائیں گی کہ جن میں سیڈان، ہیچ بیک، ہائبرڈ، کِی، مقامی/درآمد شدہ گاڑیاں شامل ہوں گی۔ خریداروں کے سامنے انتخاب کے لیے بہت سی گاڑیاں ہوں گی جبکہ فروخت کرنے والوں کو بھی اپنی کار کے لیے حقیقی خریدار حاصل کرنے میں دشواری کا سامنا نہیں کرنا پڑے گا۔ 

پاک ویلز کار میلہ کے فوائد 

خریداروں کے لیے: 

  • فروخت کے لیے سینکڑوں سرٹیفائیڈ اور معائنہ شدہ کاروں کی موجودگی 
  • پاک ویلز سرٹیفائیڈ کاروں پر 30 دن/1000 کلومیٹرز کی وارنٹی 
  • صرف اچھی کنڈیشن کی کاروں کو ہی سرٹیفائی کیا جاتا ہے 
  • پاک ویلز سرٹیفائیڈ کاروں کی تصدیق شدہ دستاویزات
  • پرائیوٹ فروخت کرنے والوں سے کاریں خریدیں 

فروخت کرنے والوں کے لیے: 

  • اپنی کار فروخت کرنے کا زبردست موقع 
  • ہزاروں جینوئن خریداروں کی موجودگی 
  • پاک ویلز کی ٹیم کاروں کی آکشن شیٹ کی تصدیق کر سکتی ہے 
  • پاک ویلز کی ٹیم اسی جگہ پر کاروں کا معائنہ کر سکتی ہے

ہمارا ٹریول پارٹنر کریم ہے اور ہمارے اسپانسرز ایم آئی بی اور کامران انٹرپرائز ہیں۔ ہمارے میڈیا پارٹنرز ڈیلی کے ٹو، اردو پوائنٹ، سونی آف ایم 89.4، اور اب تک چینل ہیں۔

تو یکم دسمبر 2019ء کو ضرور آئیے گا۔


Google App Store App Store

My name is M. Ali Laghari and I love to read and write about Cars.

Top