پاکستان میں گاڑیوں اور موٹر سائیکل کی آن لائن خرید و فروخت میں پاک ویلز کو نمایاں مقام حاصل ہے۔ ہزاروں نہیں لاکھوں کی تعداد میں لوگ اس ویب سائٹ پر روزانہ حاضری دیتے ہیں۔ ان میں گاڑیوں سے دلچسپی رکھنے والوں کی بڑی تعداد بھی شامل ہے جو قومی اور بین الاقوامی سطح پر گاڑیوں کے شعبے میں ہونے والی تبدیلیوں اور دیگر متعلقہ امور پر تبادلہ خیال کرتے ہیں۔ ایک اندازے کے مطابق پاک ویلز پر 43 ہزار سے زائد گاڑیاں اور 2 ہزار سے زائد موٹر سائیکلیں برائے فروخت دستیاب ہیں۔ پاک ویلز کے اراکین بھی اپنے ہم مشغلہ قارئین کے لیے خبریں اور ان پر تجزیے پیش کرنے میں بھی پیش پیش رہتے ہیں۔
اس بات میں یہ کوئی شک نہیں کہ پاک ویلز فورم اور پاک ویلز بلاگ پر دستیاب معلومات گاڑی یا موٹر سائیکل میں دلچسپی رکھنے والے شخص کے لیے انتہائی مفید ثابت ہوتی ہیں۔خاص کر ان لوگوں کے لیے جو نئی سواری کی تلاش میں کسی معتبر دوست سے مدد اور مشورہ کرنا چاہتے ہوں۔ ہماری تکنیکی ٹیم نے ان گاڑیوں کی فہرست مرتب کی جنہیں رواں سال 2016 کی پہلی سہہ ماہی کے دوران سب سے زیادہ تلاش کیا گیا۔
حاصل ہونے والے اعداد و شمار سے ظاہر ہوتا ہے کہ ہونڈا سِٹی (Honda City) تین ماہ سے اپنی برتری قائم رکھے ہوئے۔ فروری اور مارچ کے درمیان اسے تلاش کرنے والوں کی تعداد میں تقریباً 1 ہزار کا اضافہ ہوا۔ البتہ ٹویوٹا کرولا (Corolla) کی تلاش بھی روز بروز بڑھتی جارہی ہے یہی وجہ ہے کہ جنوری میں چھٹے نمبر پر ہونے کے باوجود فروری میں پانچویں اور پھر مارچ میں تیسرے درجے تک پہنچ چکی ہے۔ آئندہ ماہ اس کا مقابلہ ہونڈا سِوک (Honda Civic) سے ہوگا جو مارچ میں سب سے زیادہ تلاش کی جانے والی گاڑیوں میں دوسرے نمبر پر موجود ہے۔ حیرت انگیز طور پر اس فہرست میں ٹویوٹا پراڈو (Toyota Prado) بھی شامل ہوچکی ہے جبکہ دیگر میں سوزوکی گاڑیاں ، ڈائی ہاٹسو اور جیپ شامل ہیں۔ ذیل میں آپ ان گاڑیوں کے تفصیلی اعداد و شمار دیکھ سکتے ہیں جس سے لوگوں کے تبدیل ہوتے رجحانات اور پسندیدگی کا بخوبی اندازہ لگایا جاسکتا ہے۔
