بی اے آئی سی سینووا ایکس 25 لاہور میں


بی اے آئی سی (BAIC) کی کومپیکٹ کراس اوور ایس یُو وِی سینووا X25 کو حال ہی میں لاہور میں دیکھا گیا ہے جو MTMIS ویریفکیشن کے مطابق ستمبر 2019ء میں کمپنی کے نام سازگار انجینئرنگ ورکس لمیٹڈ کے نام پر رجسٹرڈ ہے۔ 

تفصیلات کے مطابق آن لائن وہیکل ویریفکیشن کا ڈیٹا ظاہر کرتا ہے کہ لاہور میں جو X25 کراس اوور دیکھی گئی ہے وہ چینی آٹومینوفیکچرر کا بنایا گیا 2018ء ماڈل ہے۔ BAIC، چین کا سرکاری کار مینوفیکچرر ادارہ ہے، جس نے پاکستان میں BAIC کاریں بنانے کے لیے کیٹیگری A گرین فیلڈ اسٹیٹس حاصل کیا ہے۔

آٹو ڈیولپمنٹ پالیسی (ADP) ‏2016-21ء‎کے تحت گرین فیلڈ اسٹیٹس وزارت صنعت و پیداوار کی جانب سے دیا جاتا ہے جو پاکستان کی آٹو انڈسٹری میں نئے اداروں کو ٹیکس پر رعایتیں دیتا ہے۔ سازگار انجینئرنگ ملک می 4-اسٹروک CNG آٹو رکشے بنا رہا تھا۔ کمپنی کے بارے میں پہلے کہا جا رہا تھا کہ وہ BAIC کے نام سے لوکل سیکٹر میں تین گاڑیاں متعارف کروانے کا منصوبہ رکھتی ہے، جن میں یہ شامل ہیں: 

BAIC BJ40 پلس (آف روڈ گاڑی) 

BAIC سینووا X25 (کومپیکٹ کراس اوورز)

BAIC سینووا D20 (5-ڈور ہیچ بیک) 

BAIC سینووا X25، جسے لاہور میں دیکھا گیا ہے، 2015ء میں متعارف کروائی گئی تھی۔ یہ گاڑی مینوئل اور آٹومیٹک دونوں ٹرانسمیشنز میں 1.5 لیٹر گیسولین انجن میں آتی ہے۔ کیونکہ گاڑی کمپنی کے نام سے رجسٹرڈ ہے، اس لیے کافی امکان ہے کہ آٹومیکر ملک میں اِس کراس اوور کو ٹیسٹ مراحل سے گزار رہا ہے تاکہ اسے مقامی مارکیٹ میں متعارف کروائے۔ البتہ اب بھی کوئی کنفرم نہیں ہے کہ سازگار انجینئرنگ پاکستان میں سینووا X25 لانچ کرے گا۔ اس کے بجائے ہمیں انتظار کرنا ہوگا کہ کمپنی پاکستان کے آٹو سیکٹر میں اسے کس قیمت پر متعارف کرواتی ہے۔ 

حال ہی میں BAIC کی 5-دروازوں کی ہیچ بیک سینووا D20 بھی لاہور میں دیکھی گئی تھی کہ جو ستمبر 2019ء میں رجسٹرڈ ہے۔ 1.5 لیٹر سے لیس یہ گاڑی مینوئل اور آٹومیٹک دونوں ٹرانسمیشنز میں آتی ہے۔ اس کا مطلب ہے کہ آٹومیکر لانچ کرنے سے پہلے ان گاڑیوں کی ٹیسٹنگ کر رہا ہے۔

سازگار انجینئرنگ رائیونڈ روڈ پر ایک پروڈکشن پلانٹ رکھتا ہے جو 5 ایکڑ سے زیادہ کے رقبے پر پھیلا ہوا ہے اور مینوفیکچرنگ پلانٹ کے لیے 27 ایکڑ کا اضافی توسیعی منصوبہ رکھتا ہے۔ بلاشبہ BAIC کی آمد پاکستان کے آٹو سیکٹر میں مقابلے کی فضاء بڑھانے کے ساتھ ساتھ اس شعبے کو بھی بہتر بنائے گی۔ دیکھتے ہیں کہ کمپنی ان گاڑیوں کو متعارف کروانے ے لیے باضابطہ طور پر کیا اعلان کرتی ہے۔ مقامی مارکیٹ میں کامیابی کے لیے اِن گاڑیوں کی قیمتیں بہت اہم کردار ادا کریں گی۔ 

اپنے قیمتی خیالات نیچے تبصروں میں پیش کیجیے اور پاکستان کی آٹوموبائل انڈسٹری کی مزید خبروں کے لیے پاک ویلز کے ساتھ رہیے۔


Google App Store App Store

Apart from being an Electrical Engineer by profession, he is an automotive content writer at PakWheels, a web designer and a photographer.

Top