بی ایم ڈبلیو آئی3 الیکٹرک کار – ایک نظر


اپنے قارئین کے لیے نئی اور خصوصی تحاریر پیش کرنے کی روایت کو برقرار رکھتے ہوئے PakWheels.com ایک مرتبہ پھر ایک کار کا جائزہ لا رہا ہے۔

تعارف

جس کار کا آج ہم جائزہ لے رہے ہیں وہ بی ایم ڈبلیو i3 ہے، جو بی ایم ڈبلیو کی پہلی الیکٹرک کار ہے۔ الیکٹرک کا مطلب ہے کہ اس کار میں کوئی انجن نہیں ہے۔ i3 کے دو ورژن ہیں: سادہ i3 اور i3s۔ بی ایم ڈبلیو i3s عام i3 کا اسپورٹی ورژن ہے۔ اس کے علاوہ بظاہر بھی یہ اسپورٹی کشش رکھتی ہے۔ جس کار کا یہاں جائزہ لیا جا رہا ہے وہ عام i3 ہے۔ عام بی ایم ڈبلیو میں آپ i3 Rexکا انتخاب بھی کر سکتے ہیں۔ Rex کا مطلب ہے کہ یہ گاڑی range extender کے ساتھ آتی ہے۔ بی ایم ڈبلیو i3 Rex دنیا بھر میں i3 کا زیادہ مقبول ماڈل ہے۔ 

بی ایم ڈبلیو گاڑیوں کی تین اقسام ہیں: بی ایم ڈبلیو ریگولر، بی ایم ڈبلیو M اور بی ایم ڈبلیو i۔ بی ایم ڈبلیو i کا تصور خالص الیکٹرک یا “پیدائشی الیکٹرک” سے لیا گیا ہے جیسا کہ بی ایم ڈبلیو کہتا ہے۔ جب بھی آپ کوئی بی ایم ڈبلیو “i” کے نشان کے ساتھ دیکھیں تو یا تو وہ الیکٹرک ہائبرڈ ہے یا پھر پلگ-اِن الیکٹرک ہائبرڈ۔ بی ایم ڈبلیو i3 دنیا کی ہر بی ایم ڈبلیو کار کی طرح ایک ریئر-وِیل ڈرائیو کار ہے۔ ہر بی ایم ڈبلیو i3 ماڈل میں ایک وال-ماؤنٹڈ چارجر شامل ہے۔ 

ایکسٹیریئر

بی ایم ڈبلیو i3 کا اگلا حصہ کڈنی گرِل جیسے بی ایم ڈبلیو کے عام اسٹائلنگ فیچرز رکھتا ہے۔ بی ایم ڈبلیو ایڈاپٹِو LED ہیڈلائٹس کی حامل ہے جو کار کو اسپورٹی شکل دینے کے لیے ذرا جھکی ہوئی سی بنائی گئی ہیں۔ ایڈاپٹِو LED ہیڈلائٹس اسٹیئرنگ پوزیشن کے مطابق ہو جاتی ہیں تاکہ آپ کو واضح نظر آئے۔ ڈے ٹائم رننگ لائٹس (DRLs) بھی ہیڈلائٹس کے اندر لگائی گئی ہیں۔ فرنٹ بمپر میں ہیلوجن فوگ لیمپس اور چار پارکنگ سینسرز بھی موجود ہیں۔ یہ پارکنگ سینسرز آپ کو نہ صرف آگے کا بلکہ سائیڈ ویو بھی دیتے ہیں تاکہ آپ کار کو باآسانی پارک کر سکیں۔

یہ کار 19-انچ الائے رِمز کے ساتھ آتی ہے کہ جنہیں 20-انچ پر اپ گریڈ کیا جا سکتا ہے۔ ایکسٹیریئر ergonomics اور کار کا ڈیزائن اسے بہت compact look دیتا ہے۔ البتہ اصل میں یہ کار ویل بیس کے سائز کے حساب سے بڑی ہے۔ اس کار کی باڈی کاربن فائبر سے بنی ہوئی ہے۔ اس کار میں دیے گئے دروازے suicide doors یعنی الٹی طرف کھلتے ہیں جیسا کہ رولس رائس فینٹم میں ہیں۔ یہ گاڑی ری سائیکل شدہ مٹیریلز سے بنی ہوئی ہے جو اسے بہت ہلکا بناتے ہیں۔ 

یہ کار وزن کی 50/50 تقسیم پر بنی ہوئی ہے۔ اس سے ڈرائیونگ کا لطف بہتر ہو جاتا ہے حالانکہ یہ بہت ہلکی ہے۔ کار کے پچھلے حصے میں L کی شکل کی LED ٹیل لائٹس ہیں۔ ایسی ہی لائٹس بی ایم ڈبلیو i8 میں بھی دیکھی جا سکتی ہیں۔ درمیان میں BMW کا نشان اور ریئر-وِیو کیمرا ہے۔ پچھلا بمپر چار پارکنگ سینسرز رکھتا ہے جو پیانو بلیک رنگ کے ٹرِم میں چھپے ہوئے ہیں۔ 

انٹیریئر 

بی ایم ڈبلیو i3 کا انٹیریئر ری سائیکل شدہ اور ماحول دوست چیزوں سے بنا ہے۔ اپنے بڑے ویل بیس کی وجہ سے کار میں لیگ رُوم کافی ہے۔ پیچھے کے حصے میں ایک اوسط قد و قامت کے شخص کے آرام دہ سفر کے لیے کافی ہیڈ رُوم ہے۔ پچھلی سیٹوں میں بچوں کی سیٹ کے لیے ISOFIX ماؤنٹنگ موجود ہے اور ایڈجسٹ ایبل ہیڈ ریسٹس بھی ہیں۔ یہ کار ہارمن کارڈن ساؤنڈ سسٹم کا آپشن بھی رکھتی ہے جس میں کار کے تمام چاروں دروازوں میں اسپیکرز آتے ہیں۔ کار کی ڈِگی آپ کے سامان کے لیے کافی بڑی ہے اور گھر بھر کے لیے فیملی کار کی حیثیت سے استعمال کی جا سکتی ہے۔ اس کار کی ڈگی میں ایک بڑا فل سائز کا سوٹ کیس رکھا جا سکتا ہے۔ 

آپ ڈگی کے اندر مزید جگہ بنانے کے لیے اس کا شیلف کوَر بھی ہٹا سکتے ہیں۔ ڈِگی کو روشن کرنے کے لیے اس میں ایک چھوٹی سی لائٹ بھی موجود ہے۔ ڈرائیور اور آگے بیٹھے مسافر کے لیے ایک آرم ریسٹ بھی نصب ہے۔ یہ کار گلاس رُوف کے ساتھ بھی آتی ہے۔ آرم ریسٹ کے نیچے سینٹر کونسول میں ایک کپ ہولڈر بھی ہے۔ سیٹیں manually کنٹرولڈ ہیں اور ہائٹ ایڈجسٹمنٹ فیچر رکھتی ہیں۔ سینٹرل کونسول، ڈور پاکٹس میں کافی اسٹوریج گنجائش ہے اور ڈیش بورڈ میں ایک بڑا کمپارٹمنٹ بھی موجود ہے۔ 

بی ایم ڈبلیو i3 کی انٹیریئر ergonomics اسے ایک کشادہ اور آرام دہ احساس دیتی ہیں۔ گاڑی کے اندر لکڑی کا کام موجود ہے جو اسے ایک پریمیم احساس دیتا ہے۔ ڈیش بورڈ کے دائیں نچلے حصے میں ڈرائیور کی سائیڈ پر کلائمٹ کنٹرول وینٹ کے نیچے ایک لائٹ ٹوگل سوئچ دیا گیا ہے۔ ڈرائیور کی طرف کے دروازے پر دروازوں اور کھڑکیوں کو لاک اور اَن لاک کرنے کے بٹن موجود ہیں ۔ 

ڈیش بورڈ کے ڈیزائن میں سفیدے کی لکڑی استعمال کی گئی ہے۔ تمام ملٹی میڈیا کنٹرولز اسٹیئرنگ ویل پر دیے گئے ہیں۔ وائپر کنٹرولز اسٹیئرنگ ویل کے دائیں جانب ہیں اور لائٹ کنٹرولز بائیں جانب۔ ایک ای-ڈرائیو ماڈیول اسٹیئرنگ ویل کے عین اوپر اور ڈرائیور کے سامنے موجود ہے۔ یہ ایک چھوٹی اسکرین ہے جو آپ کو رفتار اور کار کے بارے میں دیگر اہم معلومات بتاتی ہے۔ یہ اسکرین آپ کو الیکٹرک رینج اور فیول اور الیکٹرک کی مشترکہ رینج بتاتی ہے۔ درمیان میں ایک آئی-ڈرائیو کنٹرول سسٹم اسکرین ہے۔ ٹچ اسکرین اسٹینڈرڈ کے طور پر تو دستیاب نہیں اس لیے آپ کو اسے خریدنا پڑے گا۔ یہ ایک بڑے سائز کی ٹچ اسکرین ہے۔ ایپل کار پلے اور اینڈرائیڈ آٹو دونوں آپشنل فیچرز ہیں۔

کارکردگی

تمام بیٹریاں کار کی ڈِگی میں ہیں۔ یہ لیتھیم آیون بیٹریاں ہیں اور Rex BMW i3 میں ان بیٹریوں کے علاوہ ایک 660cc کا 2-سلنڈر انجن بھی موجود ہے۔ یہ جنریٹر انجن کار میں موجود بیٹریوں کو چارج کرنے کے لیے ہے۔ اس کار کی رینج خالص الیکٹرک چارج پر 185 کلومیٹرز ہے۔ اس کار کی کوئی حدِ رفتار نہیں ہے اور آپ اسے اپنی پسندیدہ رفتار پر دوڑا سکتے ہیں۔ 

البتہ بہترین رفتار 90 کلومیٹرز فی گھنٹہ ہے۔ جب بیٹریوں میں چارجنگ 6 فیصدتک گر جائے تو اس کی پاور ختم ہو جاتی ہے۔ اب جنریٹر انجن کام شروع کرتا ہے اور بیٹریوں کو چارج کر تا ہے۔ جنریٹر انجن کے اگلے حصے میں ایک چھوٹا سا فیول کا ڈھکن ہے۔ فیول ٹینک کی گنجائش صرف 9 لیٹرز ہے۔ گاڑی کے ہُڈ میں ایک انجن کی ظاہراً کوئی جگہ موجود نہیں ہے۔ اس کے بجائے ایک چھوٹی سی اسٹوریج گنجائش ہے۔ 0 سے 100 کلومیٹر فی گھنٹے کی رفتار پانے میں کار کو 7.2 سیکنڈز لگتے ہیں۔ لیتھیم آیون بیٹریاں 170bhp اور 250Nm ٹارک پیدا کر سکتی ہیں۔ 

کار کے اندر صرف ایک گیئر ہے اور گیئر لیور اسٹیئرنگ کے دائیں جانب لگا ہوا ہے۔ اسے وَن-اسپیڈ الیکٹرک گیئر بھی کہتے ہیں۔ کار میں ایک پورٹیبل چارجر ہے جسے کار چارج کرنے کے لیے الیکٹرک پاور آؤٹ لیٹ میں لگایا جا سکتا ہے۔ اس میں تین ڈرائیونگ کنٹرولز موجود ہیں: کمفرٹ، ایکو پرو اور ایکو پرو+۔ شہر میں ڈرائیونگ کے لیے ایکو پرو + آپ کو 90 کلومیٹر فی گھنٹے کی رفتار تک محدود کرتا ہے اور آپ کو بہترین فیول اکانمی دیتا ہے۔ یہ کار ری-جنریٹِو بریکنگ کے ساتھ آتی ہے کہ جس میں بریکنگ سسٹم بھی بیٹریاں چارج کرتا ہے۔ 

اس کار کا وڈیو جائزہ نیچے دیکھیں:

آرام اور ہینڈلنگ: 

بی ایم ڈبلیو i3 اور دیگر بی ایم ڈبلیو الیکٹرک گاڑیوں کے لیےچارجنگ اسٹیشنزکئی علاقوں میں موجود ہیں۔ مثال کے طور پر ایک چارجنگ اسٹیشن پیکیجز مال، لاہور میں موجود ہے۔ آپ کو صرف اپنی گاڑی جا کر چارجنگ کورڈ میں لگانی ہے۔ کار 3 سے 4 گھنٹے میں مکمل چارج ہو جاتی ہے۔ 

یہ کار آرام دہ ہے اور شہر کے اندر چلانے کے قابل ہے اور آپ کو بہترین کارکردگی دیتی ہے۔ اس کار کی سیٹیں کپڑے کی بنی ہوئی ہیں جو پاکستان کی گرمی کے لحاظ سےاچھی ہیں۔ یہ بدستور ٹھنڈی اور آرام دہ رہتی ہیں یہاں تک کہ گرمیوں میں بھی۔ سیٹ کشن بھی گہرا ہے اس لیے آپ کو طویل سفر پر ڈرائیونگ میں تھکن کا احساس نہیں ہوتا۔ 

یہ کار دیگر عام انجنوں والی گاڑیوں کی طرح شور نہیں کرتی۔ یہ مسافروں کو ایک خاموش اور ہموار سفر دیتی ہے۔ پھر ساؤنڈ انسولیشن بھی اچھی ہے، تاکہ باہر کا شور کار کے اندر نہ آئے۔

سیفٹی

اسٹینڈرڈ کے طور پر بی ایم ڈبلیو i3 آٹھ ایئر بیگز کے ساتھ آتی ہے۔ جب آپ اس کار سے دُور ہو جاتے ہیں تو بی ایم ڈبلیو i3 خودکار طور پر لاک ہو جاتی ہے۔ اس کار میں پارک اسسٹنس پیکیج بھی موجود ہے تاکہ آپ بغیر کسی بیرونی نقصان کے اپنی گاڑی کو پارک کر سکیں۔ ایک اور فیچر جو گاڑی کی سیفٹی کو بہتر بناتا ہے وہ پارک ڈسٹنس کنٹرول (PDC) ہے۔ اس میں رین سینسرز بھی ہیں جو بارش ہوتے ہی فرنٹ ونڈ اسکرین کو صاف کرنا شروع کر دیتے ہیں تاکہ آپ کو باآسانی نظر آ سکے۔ یہ بارش میں کار چلاتے ہوئے اس کی سیفٹی کو بھی بہتر بناتا ہے۔ یہ کار ایک ٹائر رپیئر کِٹ کے ساتھ آتی ہے کہ تاکہ آپ پنکچر کی صورت میں کہیں پریشان نہ ہوں۔ 

نتیجہ

بی ایم ڈبلیو آئی 3 جیسی الیکٹرک کار کی دیکھ بھال بہت آسان اور سستی ہے۔ کیونکہ اس میں کوئی انجن نہیں ہے اور آپ کو آئل وغیرہ بدلنے اور انہیں چیک کرتے رہنے کی ضرورت بھی نہیں ہوتی۔ بی ایم ڈبلیو آئی 3 چلانے میں بہت سستی اور چارج کرنے میں بہت آسان ہے۔ 

پھر اس گاڑی سے کوئی دھواں بھی نہیں نکلتا کیونکہ اس میں کوئی ایسا انجن ہے ہی نہیں۔ صرف Rex ماڈل میں ایک چھوٹا جنریٹر انجن ہے کہ جو بارہا ایکٹیویٹ ہو جاتا ہے۔ ساتھ ہی آپ کو بی ایم ڈبلیو آئی3 کے ساتھ چھ سال کا بیٹری وارنٹی سرٹیفکیٹ ملتا ہے۔ بی ایم ڈبلیو دِیوان کی جانب سے کیریئر سروس بھی پیش کی جاتی ہے جو خراب ہو جانے کی صورت میں آپ کی مدد کے لیے آئے گا۔ کیریئر آپ کی گاڑی کی لوکیشن کا پتہ چلائے گا۔ یہ پاکستان میں یہ گاڑی رکھنے کا ایک بڑا فائدہ ہے۔ 

اس کار کا ہدف وہ لوگ ہیں جو روزانہ سفر کرتے ہیں۔ الیکٹرک وہیکل پالیسی کی منظوری کے بعد اس قیمت بھی مناسب ہوگی تقریباً ایک کروڑ روپے۔ آخر میں الیکٹرک پاور دنیا بھر میں بہت تیزی سے مقبول ہو رہی ہے اور پاکستان میں بھی جلد ہی جگہ پائے گی۔ 

اپنے خیالات نیچے تبصروں میں پیش کیجیے۔ 


Google App Store App Store

Top