ڈی ایف ایس کے نے اپنی گلوری 580ٹی ایس یو وی کی قیمت بڑھا دی


ڈی ایف ایس کے نے اپنی ایس یو وی گلوری 580T کی قیمت بڑھا دی ہے اور جس کی نئی قیمت (ایکس-فیکٹری) اب 37,50,000 روپے پر کھڑی ہے۔ 

واضح رہے کہ SUV کی نئی قیمت 15 نومبر 2019ء سے لاگو ہوگی۔ قیمت میں 1,00,000 روپے کا اضافہ کیا گیا ہے جو پہلے 36,50,000 روپے تھی۔ نیچے سرکلر دیکھیں: 

جو آرڈرز پہلے لیے گئے تھے ان سے 36,50,000 روپے کی  پرانی قیمت لی جائے گی۔ 20 نومبر 2019ء سے پہلے موصول ہونے والی بینکوں کے پرچیز آرڈرز کی قیمت بھی 36,50,000 روپے ہوگی۔ قیمت میں ٹرانسپورٹیشن اور ٹرانزٹ انشورنس کی لاگت شامل نہیں ہے کہ جو ریٹیل قیمت پر صارف کو ادا کرنا ہوتی ہے۔ 

DFSK نے مالیاتی پالیسیوں، درآمدی پالیسیوں، ٹیرف اسٹرکچرز، سرکاری ٹیکس اور شرحِ تبادلہ میں کسی بھی تبدیلی کی وجہ سے قیمت میں ہونے والے اضافہ صارف برداشت کرے گا۔ مزید برآں، یہ قیمتیں عارضی ہیں اور ڈیلر کے کمیشن بدستور وہی رہیں گے۔ 

DFSK نے فرنٹ ویل ڈرائیو گلوری 580T ایس یو وی پیش کرکے SUV مارکیٹ میں قدم رکھا تھا۔ یہ ایس یو وی CVT گیئربکس کے ساتھ 1.5L کا انجن رکھتی ہے اور صرف ایک ویرینٹ میں پیش کی گئی ہے۔ 

گلوری 580T ایک موزوں گاڑی ہے جو کشادہ انٹیریئر گنجائش اور اسٹائلش ایکسٹیریئر ڈیزائن رکھتی ہے۔ یہ LED ہیڈلائٹس اور فوگ لیمپس کے ساتھ آتی ہے جو نہ صرف رات کو نظر آنے کی صلاحیت کو بڑھاتے ہیں بلکہ اسے خوبصورت بھی بناتے ہیں۔ انٹیریئر میں دیکھیں تو گلوری 580T میں سیاہ رنگ کے کئی ٹرِم پیس موجود ہیں۔ یہ پش بٹن اسٹارٹ، 12V پاور آؤٹ لیٹ، پاور اسٹیئرنگ، پاور وِنڈوز، پاور مررز، ڈوئل زون ایئر کنڈیشننگ، ٹائر پریشر مانیٹرنگ سسٹم، اموبیلائزر، چائلڈ لاک اور GPS نیوی گیشن جیسی کئی سہولیات کے ساتھ آتی ہے۔ یہ ایک 7 نشستوں کی گاڑی ہے اور اسے مسافروں اور/یا سامان کی نقل و حمل کے لیے استعمال کیا جا سکتا ہے۔ 

اپنے خیالات نیچے تبصروں میں پیش کیجیے اور ایسے ہی معلومات مواد کے لیے آتے رہیے۔ 


Google App Store App Store

Top