ٹیسلا کو چین میں کار مینوفیکچرنگ شروع کرنے کی اجازت مل گئی


کیلیفورنیا میں قائم امریکی آٹو کمپنی ٹیسلا انکارپوریٹڈ الیکٹرک کاریں بنانےمیں مہارت رکھتی ہے اوربہت کم وقت میں اس نے ملک بھر میں گاڑیوں کی بہت بڑی تعداد فروخت کی ہے۔ چینی وزارت صنعت و انفارمیشن ٹیکنالوجی نے 17 اکتوبر کو ملک میں منظور شدہ آٹوموٹو مینوفیکچررز کی فہرست شائع کی اور اس میں یہ امریکی آٹومیکر بھی ایک سرٹیفائیڈ کمپنی کی حیثیت سے شامل ہے جو اپنی پیداوار شروع کر سکتا ہے۔ یہ بلاشبہ ٹیسلا کے لیے ایک بڑی کامیابی ہے، کیونکہ چینی آٹو مارکیٹ بلاشبہ دنیا کی سب سے بڑی مارکیٹ ہے۔ یہ ٹیسلا کی پہلی بیرونِ ملک مینوفیکچرنگ سائٹ ہوگی اور کمپنی چین میں کا کام آغاز بھی کر چکی ہے۔ وہ مشرقی چینی شہر شنگھائی میں 2 ارب ڈالرز کی فیکٹری بنا رہی ہے کہ جہاں سے وہ بعد ازاں مقامی طور پر ٹیسلا گاڑیاں بنائے گی۔ 

دوسری جانب یہ چین میں پہلا مکمل طور پر غیر ملکی ملکیت رکھنے والا کار پلانٹ ہوگا۔ یہ آٹو مارکیٹ کے حوالے سے چین کے طویل المیعاد منصوبوں کو ظاہر کرتا ہے کیونکہ وہ ایک وسیع تر تناظر میں اسے کھولنا چاہتا ہے۔ بہرحال، الیکٹرک کار مینوفیکچرر کو چین میں پیداوار کے آغاز کے لیے سرٹیفکیٹ مل چکا ہے۔ 

TESLA Model 3

شنگھائی میں قائم مشاورتی ادارے آٹوموٹِو فورسائٹ  کے سربراہ ییل ژانگ کے مطابق ٹیسلا کو چین میں پیداوار کے لیے سبز جھنڈی دکھا دی ہے اور کمپنی اب کسی بھی وقت اپنے آپریشنز شروع کر سکتی ہے۔ ٹیسلا نے اس معاملے پر فوری طور پر کوئی ردعمل نہیں دکھایا۔  اب تک یہ نہیں معلوم کہ ٹیسلا سال کے اختتام پر پیداواری اہداف کو کب پورا کرے گا کیونکہ آرڈرز، سپلائرز اور لیبر کے حوالے سے کمپنی پر اب بھی بے یقینی کے بادل منڈلا رہے ہیں۔ امریکا میں قائم کار مینوفیکچرر کمپنی کی چینی مارکیٹ میں آمد ظاہر کرتی ہے کہ وہ امریکی کاروں پر لگائے گئے بھاری امپورٹ ٹیرف سے بچنے کا ارادہ رکھتی ہے۔ جہاں تک کمپنی کے چین میں منصوبوں کا تعلق ہے اس کا مقصد 2019ء کے اختتام تک ہر ہفتے اپنے مقبول ماڈل 3 کے کم از کم 1,000 یونٹس بنانا ہے۔ دنیا کی سب سے بڑی آٹو مارکیٹ میں باضابطہ داخلے کے بعد ٹیسلا کاروں کی فروخت میں بڑا اضافہ متوقع ہے۔ یہ امر بھی قابلِ ذکر ہے کہ چین گاڑیوں پر لاگو 10 فیصد پرچیز ٹیکس سے ٹیسلا ماڈلز کو پہلے ہی مستثنیٰ کر چکا ہے۔ مزید یہ کہ شنگھائی میں حکام  نے پیداواری پلانٹ کے تعمیری کام کو تیز کرنے کے لیے ٹیسلا کو مدد بھی پیش کی ہے۔ 

عالمی آٹو انڈسٹری کے حوالے سے اس حالیہ پیشرفت پر اپنے خیالات نیچے تبصروں میں پیش کیجیے اور مزید خبروں کے لیے پاک ویلز پر آتے رہیے۔


Google App Store App Store

Apart from being an Electrical Engineer by profession, he is an automotive content writer at PakWheels, a web designer and a photographer.

Top