ٹویوٹا سُپرا 1994ء ایم کے4 کا ایک جائزہ – آپ بھی دیکھیں!


ٹویوٹا سُپرا ایک مشہورِ زمانہ اسپورٹس کار ہے جو دنیا بھر میں گاڑیوں کے شوقین افراد میں بہت مقبول رہی ہے۔ ہم نے چوتھی جنریشن کی سُپرا کا ایک جائزہ لیا ہے جو حال ہی میں سپرا کا سب سے مقبول ماڈل رہا ہے۔ پہلی دو جنریشنز، A40 اور A60، صرف ٹویوٹا سیلیکا (Celica) کا بڑی ویل بیس والا ماڈلز تھیں۔ سپرا کا نام تیسری جنریشن، یعنی A70، کو دیا گیا۔ ٹویوٹا سپرا کی اہم مقابل گاڑیاں مزدا RX7، نسان اسکائی لائن اور مٹسوبشی 3000GT ہیں۔ یہاں جس کار کا جائزہ لیا جا رہا ہے وہ ٹویوٹا سپرا کا 1994ء ماڈل ہے۔ 

انجن اور کارکردگی: 

انجن 326 bhp کی طاقت اور 326 lb ft ٹارک پیدا کرتا ہے۔ جاپانی ماڈلز کے لیے زیادہ سے زیادہ رفتار 180 کلومیٹر فی گھنٹہ اور یورپی ماڈلز کے لیے 250 کلومیٹر فی گھنٹہ ہے۔ چوتھی جنریشن کی سپرا صرف 4.6 سیکنڈز میں صفر سے 100 کلومیٹر فی گھنٹے کی رفتار پا لیتی ہے۔ اس گاڑی کا بریکنگ فاصلہ بھی متاثر کُن ہے اور زیادہ رفتار پر سفر کرتے ہوئے بہت ضروری بھی ہے۔ انجن بلاک کاسٹ آئرن کا بنا ہوا ہے اور انجن ہیڈ المونیم کا ہے۔ اس کی وجہ سے انجن کو باآسانی موڈیفائی کیا جا سکتا ہے اور یہ عام کار کے مقابلے میں دوگنا آؤٹ پُٹ دے سکتا ہے۔ یہ گاڑی 3.0L 2JZ انجن رکھتی ہے جو بہت قابلِ بھروسہ ہے۔ 

مرمت اور بھروسہ مندی: 

ٹویوٹا سپرا کی مرمت کوئی آسان کام نہیں، اور وقت پڑنے پر مالکان کو دنیا بھر میں پرزوں کی تلاش کا سامنا ہو سکتا ہے۔ عموماً پرزے امریکا اور دبئی سے مل جاتے ہیں۔ مالک نے یہ گاڑی ایک دہائی پہلے خریدی تھی اور اس کی مرمت اور بھروسہ مندی کے حوالے سے کافی خوش ہیں۔ 

تبدیلیاں

اس گاڑی کے مالک نے اس میں کچھ تبدیلیاں کی ہیں تاکہ اس کی کارکردگی کو بہتر بنائیں اور اس کی ظاہری صورت اور کشش میں اضافہ کر سکیں۔ انہوں نے ہیٹ وِنگ اسپائلر، 18 انچ نئے الائے رِمز اور بڑے بریک کیلیپر لگائے ہیں۔ یہ گاڑی پچھلے حصے میں سیمی سلِک ٹائرز رکھتی ہے تاکہ گاڑی کے ٹریکشن کو بہتر بنایا جائے۔ 

انٹیریئر اور ایکسٹیریئر 

انٹیریئر کی سب سے نمایاں چیز ہے چمڑے کی سیٹیں ہیں کہ جو بہت آرام دہ ہیں۔ پرولوجک ایمپلی فائرجو اسٹاک کار کے ساتھ آتا ہے اس کا ایک متاثر کن فیچر ہے۔ گیجز انسٹال کرنے کے علاوہ اس گاڑی کے مالک نے انٹیریئر کو اپنی اصل حالت میں برقرار رکھا ہے۔ انسٹرومنٹس کلسٹر ایک کاک پِٹ جیسا ہے جو کار کے اسپورٹی انداز کو برقرار رکھتا ہے اور ڈرائیور مُرتکز ہے۔ یہ کرُوز کنٹرول کے ساتھ آئی تھی جو اب بھی بخوبی کام کرتا ہے۔ صرف ڈرائیور کے لیے ایئربیگ اس کار میں شامل ہے۔ کار کے اندر بیٹھنے کی صورت میں باہر نظر آنے کی صلاحیت بھی اچھی ہے اور یہ باہر کا ایک وسیع منظر پیش کرتی ہے۔ 

ٹویوٹا سُپرا کا بیرونی ڈیزائن کمال کا ہے جس میں گول کنارے اور انجن رکھنے والا بڑا بونٹ شامل ہے۔ یہ ایک کُوپ ہے اور دو دروازوں کے ساتھ آتی ہے اور اس میں صرف دو لوگ ہی بیٹھ سکتے ہیں۔ پچھلی لائٹوں پر مخصوص گول دائرے بنے ہوئے ہیں کہ جو اِنڈی کیٹرز اور بریک لیمپس رکھتے ہیں۔ اسٹاک کار اسٹائلش الائے رِمز اور پیچھے باڈی کی رنگت کے بڑے اسپائلر کے ساتھ آتی ہے۔ دروازوں کے پاس ایئر اِن ٹیکس ہیں جو ڈریگ کو بہتر بناتے ہیں اور ہوا کے خلاف مزاحمت کو کم کرتے ہیں۔ 

نتیجہ 

ٹویوٹا سپرا کے کچھ پہلو اسے پائیداری اور بھروسہ مندی میں سب سے ممتاز کرتے ہیں۔ جس گاڑی کا ہم نے جائزہ لیا وہ 30 سال کے استعمال کے بعد بھی اپنی اصل کنڈیشن میں ہے۔ یہ اس کی پائیداری اور بھروسہ مندی کا ثبوت ہے۔ کیونکہ یہ ایک زبردست کار ہے اس لیے ڈرائیونگ کے دوران دھیان رکھنا پڑے گا کہ اس سے ٹریکشن کے مسائل جنم لے سکتے ہیں۔ یہ چلانے میں بہت مزیدار گاڑی ہے اور اپنی تاریخ کی وجہ سے شوقین افراد کی گاڑی بنتی جا رہی ہے۔ 


Google App Store App Store

Top