نو گاڑیاں جو دس لاکھ سے کم میں خریدی جا سکتی ہیں


دس لاکھ روپے سے کم میں آنے والی کاریں پاکستان کے آٹو سیکٹر میں سب سے زیادہ مطلوب گاڑیاں ہیں۔ یہاں ایسے کئی آپشنز ہیں جو دیکھے جا سکتے ہیں۔ مندرجہ ذیل کاریں ایسی ہیں جو اس شعبے میں مقبول ترین ہیں اور ان کی اچھی ری سیل ویلیو ہے اور دیکھ بھال پر لاگت بھی کم ہے۔ ان میں سے کچھ گاڑیاں اب بننا بند ہو گئی ہیں، پھر بھی وہ ری سیل مارکیٹ میں بہت زیادہ چلتی ہیں۔ آپ ان گاڑیوں کو PakWheels.com پر بھی دیکھ سکتے ہیں اور اپنی ضرورت کے مطابق بہتر گاڑی کا انتخاب کر سکتے ہیں۔ 

ہیونڈائی سینٹرو

ہیونڈائی سینٹرو سیکنڈ جنریشن نے پاکستان میں زبردست مقبولیت حاصل کی یہاں تک کہ یہ منظرِ عام سے غائب ہوگئی۔ جب یہ پاکستان میں بنائی جا رہی تھی تو یہ ملک کی مقبول ترین ہیچ بیکس میں سے ایک تھی۔ اس کی بڑی مقابل سوزوکی آلٹو اور سوزوکی کلٹس تھیں۔ یہ 1000cc انجن کے ساتھ اور چھ ویرینٹ میں آئی: پرائم، پرائم GV، کلب، کلب GV، ایگزیک اور ایگزیک GV۔ ایگزیکٹو ماڈل میں پاور اسٹیئرنگ اور فرنٹ پاور وِنڈوز تھیں۔ پرائم ماڈل کالے رنگ کے بمپرز رکھنے والا لو-اینڈ ماڈل تھا۔ 

واضح رہے کہ آپ یہ سب ویرینٹس 10 لاکھ روپے سے کم میں خرید سکتے ہیں۔ 

ڈائی ہاٹسو کورے

ڈائی ہاٹسو کورے ایک چھوٹی ہیچ بیک تھی جو 800cc انجن کے ساتھ آتی تھی اور سوزوکی مہران کی مقابل تھی۔ یہ مینوئل اور آٹومیٹک گیئربکس دونوں میں آئی۔ یہ اپنی زبردست بلڈ کوالٹی کی وجہ سے مشہور تھی اور اس وجہ سے بھی کہ یہ آٹومیٹک ٹرانسمیشن کے ساتھ دستیاب تھی۔ اسے ٹویوٹا انڈس کی جانب سے بنایا جاتا تھا اور یہ پاکستان بھر میں اس کی ڈیلرشپس پر دستیاب تھی۔ اب بھی آپ کو PakWheels.com پر اچھی کنڈیشن کی کورے مناسب قیمت پر مل سکتی ہیں ۔ دوسری گاڑیوں کے مقابلے میں  اس کی دیکھ بھال کی لاگت کچھ زیادہ ہے۔ 

سوزوکی آلٹو 

سوزوکی آلٹو نے بھی پاکستان میں بڑے پیمانے پر مقبولیت حاصل کی اور اس نے اپنے ہی برانڈ یعنی سوزوکی کی کلٹس کا مقابلہ کیا۔ یہ 1000cc انجن کے ساتھ آئی جو مینوئل ٹرانسمیشن رکھتا تھا۔ اس میں پاور اسٹیئرنگ، پاور ونڈوز یا پاور مررز نہیں تھے۔ بجٹ کار کی حیثیت سے اس کی دیکھ بھال کی لاگت کم اور ایندھن کی بچت زیادہ تھی۔ 

سوزوکی مہران

سوزوکی مہران پاکستان کی مقبول ترین کاروں میں سے ایک رہی ہے، اس لیے عوام نے اسے “باس” کہنا شروع کردیا۔ اس کی مقبولیت کی وجہ یہ ہے کہ یہ سستی ترین کاروں میں سے ایک ہے اور سادہ ٹیکنالوجی رکھتی ہے۔ سادہ ٹیکنالوجی کا مطلب ہے کہ یہ کم خراب ہوتی ہے اور بہت کم لاگت میں اس کی مرمت ہو جاتی ہے۔ یہ روزانہ کی بنیاد پر چلانے پر سستی بھی پڑتی ہے اور شہری علاقوں میں اس کو ہر جگہ لے جانا بھی آسان ہے۔ یہ 800cc انجن کے ساتھ 4-اسپیڈ مینوئل ٹرانسمیشن میں آتی ہے۔ اس میں پاور وِنڈوز، پاور اسٹیئرنگ، پاور مررز اور ایئربیگز جیسے فیچرز نہیں آتے۔ 

سوزوکی بولان

اگر آپ سامان ڈھونے یا دیگر کمرشل مقاصد کے لیے گاڑی خریدنا چاہ رہے ہیں، تو 10 لاکھ روپے سے کم قیمت میں سوزوکی بولان بہترین انتخاب ہے کہ جو 800cc انجن کے ساتھ مینوئل ٹرانسمیشن میں آتی ہے۔اس کے اندر زیادہ لوگوں کو بٹھانے یا سامان لادنے کی کافی گنجائش ہوتی ہے۔ آ پ کو اچھی کنڈیشن میں مناسب قیمت پر کئی سوزوکی بولان PakWheels.com پر مل سکتی ہیں۔

سوزوکی کلٹس 

پاکستان کے آٹو سیکٹر میں پہلی جنریشن کی سوزوکی کلٹس بھی فوراً مقبول ہوگئی تھی۔ سوزوکی کلٹس 1000cc کے انجن کے ساتھ مینوئل ٹرانسمیشن میں آئی۔ طویل عرصے تک VXR اور VXL ویرینٹس مقبول رہے۔ VXL ویرینٹ پاور اسٹیئرنگ، پاور ونڈوز، پاور مررز اور الائے رِمز کا حامل تھا۔ VXR ویرینٹ سادہ تھا اور اس میں VXL ویرینٹ جیسے فیچرز نہیں ہیں۔ آپ کو اچھی کنڈیشن کی سوزوکی کلٹس 10 لاکھ روپے سے کم سے میں PakWheels.com پر باآسانی مل جائے گی۔ 

سوزوکی لِیانا 

سوزوکی لیانا سوزوکی کی ان گاڑیوں میں سے ایک ہے کہ جنہوں نے پاکستان کے آٹو سیکٹر میں مقبولیت حاصل نہیں کی۔ یہ 1300cc (بعد کے ماڈلز میں 1330cc) اور 1600cc انجن گنجائش میں مینوئل اور آٹومیٹک دونوں ٹرانسمیشنز میں آئی۔ سوزوکی پاکستان نے لیانا کو مختلف ویرینٹس میں بھی پیش کیا جن میں RXi، LXi اور اسپورٹس ایڈیشن شامل تھے۔ لیانا کے تمام ویرینٹس پاور ونڈوز، پاور مررز اور پاور ونڈوز کے ساتھ آئے۔ 

آپ اس کار کے تمام ویرینٹس 10 لاکھ روپے سے کم کی رقم میں خرید سکتے ہیں۔ 

یونائیٹڈ براوو

یونائیٹڈ براوو پاکستان کی مارکیٹ میں نسبتاً نئی گاڑی ہے۔ یونائیٹڈ براوو مینوئل ٹرانسمیشن کا حامل 800cc انجن رکھتی ہے۔ اس میں پاور مررز، پاور اسٹیئرنگ اور پاور ونڈوز ہیں۔ فیچرز کو دیکھتے ہوئے یونائیٹڈ براوو بجٹ کار کے شعبے میں صارفین کے لیے کافی کارآمد ہو سکتی ہے۔ 

سوزوکی بلینو 

سوزوکی بلینو ایک بڑی کارآمد گاڑی ہے اور کبھی یہ پاکستان میں سوزوکی برانڈ کی سب سے زیادہ فروخت ہونے والی کاروں میں سے ایک تھی۔ جس قیمت پر یہ دستیاب تھی، اس حساب سے اس میں کافی فیچرز تھے۔ یہ مینوئل ٹرانسمیشن کے حامل 1300cc انجن کے ساتھ آئی۔ اس میں پاور ونڈوز، پاور اسٹیئرنگ اور پاور مررز بھی تھے۔ سوزوکی بلینو اندر سے کافی کشادہ ہے اور ساز و سامان اٹھانے کے لیے اس کی ڈِگی میں کافی گنجائش ہے۔ اس فہرست میں موجودہ دیگر ہیچ بیکس کے مقابلے میں یہ خاندان بھر کے لیے ایک حقیقی سیڈان ہے۔ 

اپنے خیالات نیچے تبصروں میں پیش کیجیے اور مزید خبروں کے لیے یہاں آتے رہیے۔ 


Google App Store App Store

Top