خبردار: کار چور گروہ نئے حربے کے ساتھ میدان میں

Car thief

گاڑی چوری کرنے والے بدنیت افراد ایک نئے حربے کے ساتھ میدان میں آگئے ہیں۔ چونکہ یہ طریقہ کار بہت عام اور سادہ ہے اس لیے بہت کم لوگ اس پر توجہ دیتے ہیں۔ اس حربے کا نام ‘دروازے میں سکہ’ رکھا گیا ہے اور آج ہم اپنے قارئین کو اسی سے باخبر کرنے کے لیے یہ مضمون پیش کر رہے ہیں۔

اپنی من پسند اور گاڑی منتخب کرنے کے بعد کار چور اس کی تاک میں لگ جاتے ہیں اور موقع ملتے ہی گاڑی کے کسی بھی دروازے کے ہینڈل پر ایک چھوٹا سا سکہ پھنسا دیتے ہیں۔ ہینڈل میں سکہ پھنس جانے سے وہ دروازہ لاک نہیں ہوپاتا۔ خاص طور پر اگر آپ کی گاڑی میں سینٹرل ڈور لاک شامل ہے تو دروازے کا لاک نہ ہونا یقینی ہے۔ پھر بدنیت افراد مسلسل گاڑی پر نظر رکھتے ہیں۔ ایک بار کسی جگہ گاڑی پارک ہوجانے اور مالک کے گاڑی سے دور چلے جانے کے بعد اسی دروازے سے گاڑی میں داخل ہونے کی کوشش کرتا ہے کہ جس کے ہینڈل میں سکہ پھنسایا تھا۔ یوں گاڑی ان کے قبضے میں باآسانی چلی جاتی ہے اور گاڑی کا مالک ہاتھ ملتے رہ جاتا ہے۔

Coin on door handle

Coin on door handle

اس قسم کی کسی بھی پریشانی سے بچنے کے لیے ضروری جب کبھی گاڑی پارک کریں، اس بات کا اطمینان کرلیں کہ تمام دروازے بند ہیں۔ ہر مرتبہ دروازے لاک ہونے کی تصدیق کرنے کا کام زیادہ لمبا یا تھکانے والا نہیں اور چند سیکنڈ خرچ کر کے آپ بڑی پریشانی سے محفوظ رہ سکتے ہیں۔

Top