پاکستان میں دستیاب گاڑیوں میں ایندھن بچانے کی صلاحیت

Fuel Economy of Your Car

گاڑیاں خریدتے ہوئے اکثر لوگ گاڑی میں ایندھن بچانے کی صلاحیت کو بہت اہمیت دیتے ہیں۔ جبکہ کچھ لوگ ایسے بھی ہیں جو گاڑی کے ڈیزائن اور دیگر خصوصیات کو ایک طرف اور ایندھن کی کھپت کے معاملے کو دوسری طرف رکھتے ہیں۔ اس کے علاوہ بیرون ممالک سے درآمد کی جانے والی گاڑیوں میں بھی بنیادی طور پر یہی چیزیں دیکھی جاتی ہیں کہ گاڑی ایک کلومیٹر میں زیادہ سے زیادہ کتنا سفر کرتی ہے۔ حتی کہ لوگ حفاظتی سہولیات پر بھی ایندھن کی کفایت کو ترجیح دیتے ہیں۔ خوش قسمتی سے آج پاکستان میں دستیاب بہت سی گاڑیوں میں ایندھن بچانے کی صلاحیت عام موجود ہوتی ہے۔

گاڑی میں ایندھن بچانے کے لیے ضروری ہے کہ آپ ان چیزوں پر عمل کریں:
٭ گاڑی مناسب رفتار سے چلائیں
٭ تیز رفتاری سے پرہیز کریں
٭ کلچ کم از کم استعمال کریں
٭ حسب ضرورت گیئر تبدیل کریں
٭ گاڑی کی سروس بروقت کروائیں
٭ ٹائر میں مناسب ہوا بھروائیں

یہ بھی پڑھیں: گاڑیوں میں ایندھن کی بچت: مٹسوبشی 25 سال تک جھوٹ بولتا رہا

یہاں ہم پاکستان میں دستیاب گاڑیوں کی فہرست فراہم کر رہے ہیں جن کے ساتھ اربن سائیکل اور ایکسٹرا اربن سائیکل جانچ کے دوران حاصل ہونے والی مسافت (مائلیج) بھی درج ہے۔ لیکن اس سے قبل ضروری ہے کہ آپ اربن سائیکل اور ایکسٹرا اربن سائیکل سے متعلق بنیادی باتیں سمجھ لیں۔

اربن سائیکل (Urban Cycle)

یہ تجزیہ گاہ (لیبارٹری) میں کی جانے والی جانچ ہے جس میں گاڑی کو زیادہ سے زیادہ 50 کلومیٹر فی گھنٹہ کی رفتار سے چلایا جاتا ہے۔ جانچ کے دوران گاڑی کی رفتار میں کمی بیشی کی جاتی رہتی ہے اور یوں اوسطاً 19 کلومیٹر فی گھنٹہ کی رفتار سے 4 کلومیٹر تک کا فاصلہ طے کرتی ہے۔ اس سے حاصل ہونے والی اعداد و شمار شہر میں حاصل ہونے والی مائلیج کے قریب سمجھے جاتے ہیں۔

ایکسٹرا اربن سائیکل (Extra Urban Cycle)

اولذکر جانچ (اربن سائیکل) کے فوراً بعد ایکسٹرا اربن سائیکل جانچ کی جاتی ہے جس کا بنیادی طریقہ کار پہلے جیسا ہی ہے۔ فرق صرف یہ ہے کہ اس جانچ میں گاڑی کی زیادہ سے زیادہ رفتار 120 کلومیٹر فی گھنٹہ ہوتی ہے اور یوں گاڑی اوسطاً 63 کلومیٹر فی گھنٹہ کی رفتار سے 7 کلومیٹر کا فاصلہ طے کرتی ہے۔ اس جانچ سے حاصل ہونے والے اعداد و شمار طویل شاہراہوں (ہائی ویز) پر حاصل ہونے والی مائلیج کے موافق سمجھے جاتے ہیں۔

گاڑی انجن (cc) مائلیج – اربن
(کلومیٹر فی لیٹر)
مائلیج – ایکسٹرا اربن
(کلومیٹر فی لیٹر)
سوزوکی مہران 800 EFI 13 17
سوزوکی ویگن آر 998 14 17
سوزوکی کلٹس 1000 یوروII 12 15
سوزوکی سوفٹ 1328 12 14
ڈائی ہاٹسو میرا 660 14 16
ڈائی ہاٹسو ایسے 660 13 16
ڈائی ہاٹسو مُوو 1000 13 17
ڈائی ہاٹسو بوم 1000 13 17
ٹویوٹا کرولا 1300 VVT-I 11 14
ٹویوٹا کیمری 2.5 VVT-I 9 14
ٹویوٹا پرایوس 1.8 VVT-I
(ہائبرڈ CVT)
20 24
ٹویوٹا پاسو 1000 13 17
ہونڈا سِوک 1.8 I-VTEC 10 16
ہونڈا سِٹی 1500 12 18
Samiullah Sharief

Samiullah Sharief is a car enthusiat. He is passionate about writing blogs and reviews about cars. His hobbies are driving,watching TV Shows like Top Gear, Mega Factories and he follows Popular car magazines. You can reach out to him by tweeting @sami649

Top