ہیونڈائی نشاط نے پاکستان میں ایچ-100 پک اَپ متعارف کروا دی


پیر 2 دسمبر 2019ء کو ہیونڈائی نشاط موٹرز نے پی سی ہوٹل، لاہور میں منعقدہ ایک تقریب کے دوران پاکستان میں اپنے صارفین کے لیے ایک اور مقامی طور پر تیار کردہ گاڑی H-100 پک اَپ متعارف کروا دی ہے۔ 

تفصیلات کے مطابق یہ گاڑی 2.6L ڈیزل یورو II انجن سے لیس ہے جو 5-اسپیڈ مینوئل ٹرانسمیشن رکھتا ہے۔ پورٹر H-100 ایک ٹن کا بوجھ اٹھانے کی گنجائش رکھتی ہے۔ واضح رہے کہ اس گاڑی کا پچھلا ورژن ہیونڈائی شہ زور تھا، جو اپنے دنوں میں ایک زبردست گاڑی تھی۔ 

یہ گاڑی 3,800 rpm پر 79 hp پیدا کرنے کی صلاحیت رکھتی ہے اور 167 nm کا ٹارک دیتی ہے۔ 

اس گاڑی کی بکنگ 3 دسمبر 2019ء سے شروع ہوگی البتہ اس کی فراہمی کا آغاز جنوری 2020ء میں ہوگا۔ اس گاڑی کی ایکس-فیکٹری قیمت 2,449,000 روپے ہے۔ 

H-100 پک اَپ کے علاوہ کمپنی پاکستان میں پہلے گرینڈ اسٹاریکس، سانتا فی اور آیونِک لانچ کر چکی ہے۔ 

گاڑیوں کی تصویریں نیچے دیکھیں: 

اپنے خیالات نیچے تبصروں میں پیش کریں۔ 


Google App Store App Store

My name is M. Ali Laghari and I love to read and write about Cars.

Top