نئی ٹویوٹا یارِس آ گئی!


چوتھی جنریشن کی یارِس نے آغاز لے لیا ہے اور ہمارے خیال میں پہلی نظر میں یہ ایک زبردست چھوٹی کار ہے۔ ٹویوٹا نے بالآخر اس میں کچھ دَم لگایا ہے اور غالباً یہی وہ وقت ہے کہ جب حریفوں کو اس پر نظریں جمانا پڑیں گی۔ یارِس میں نیا کیا ہے؟ بہت کچھ، تو تیار ہو جائیں کہ ہم اب کچھ نئے کی بات کریں گے۔ 

نئی اسٹائلنگ: 

آپ جیسے ہی نئی یارِس کو دیکھتے ہیں اس کا ڈیزائن آپ کو بھا جا تا ہے۔ اس کی مختلف رنگت کی چھت اور C-HRجیسا پچھلا حصہ آپ کو فوراً بتاتا ہے کہ یہ ٹویوٹا کی گاڑی ہے۔ البتہ یہ نئی ہیچ بیک ٹویوٹا آئیگو سے بہت زیادہ مختلف نہیں لگتی۔ لیکن اصل بات اس کے اندر ہے کہ جہاں زیادہ تر تبدیلیاں چھپی ہوئی ہیں۔ تمام نئی ٹویوٹا گاڑیوں کی طرح یہ نئی یارِس بہت مضبوط اور محفوظ ہے۔ 

ٹویوٹا کا دعویٰ ہے کہ یارِس “دنیا کی محفوظ ترین کومپیکٹ کار کی حیثیت سے بنائی گئی ہے۔” اور ہم اس سے مکمل اتفاق کرتے ہیں۔ 

پلیٹ فارم اور پیمائش: 

یارِس ٹویوٹا کے نئے کومپیکٹ کار آرکیٹیکچر پر بنی ہوئی ہے۔ یہ پہلے سے موجود TNGAپلیٹ فارم  میں ایک نیا اضافہ ہے، جو ٹویوٹا پرائیس اور نئی ٹویوٹا کرولا جیسی کاروں کی تیاری میں مدد دیتا ہے۔ ٹویوٹا نے کچھ مزید بہتریاں بھی کی ہیں۔ اس نئے آرکیٹیکچر کے نتیجے میں یارِس نے 5mm لمبائی کم ہوئی ہے اور ویل بیس، چوڑائی میں 50mm کا اضافہ ہوا ہے۔ یہ براہ راست اشارہ ہے کہ اس گاڑی میں بہتر ڈرائیونگ ڈائنامکس اور بھرپور رفتار کے ساتھ بہترین آرام ہے۔ خاص طور پر رواں سال سیڈان ویرینٹ (ٹویوٹا وِیوس سیڈان) آنے پر یہ مزید بہتر ہو جائے گا۔ افسوس یہ ہے کہ اگر ٹویوٹا انڈس نے پاکستان میں وِیوس لانچ کی تو یہ پرانا تیسری جنریشن کا ماڈل ہوگا۔ اور اس میں حیرت کی کوئی بات نہیں۔ 

انٹیریئر اور انجن: 

یارِس کا انٹیریئر خوش گوار حیرت میں مبتلا کر دیتا ہے۔ یہ نئی کرولا ہیچ بیک کی طرح ہے لیکن ٹویوٹا کی جانب سے پہلے پیش کی گئی کسی بھی دوسری گاڑ ی سے مختلف۔ مسافر وں کو  کیبن کے اندر پریمیم مٹیریلز دیکھنے کو ملتے ہیں اور Alcantara کے دروازے۔ دوسری جانب ڈرائیور ایک بڑی سینٹر ٹچ اسکرین کا لطف اٹھاتا ہے۔ حیران کن طور پر 10 انچ کا ہیڈ اَپ ڈسپلے تک اس میں موجود ہے۔ ممکنہ طور پر انٹیریئر  ایسا ہے کہ آپ اس میں گھنٹوں گزار سکتے ہیں۔ اس پر ٹویوٹا کو بہت شاباش! 

آگے دیکھیں تو جاپان اور چند دیگر مارکیٹیں بھی زیادہ اسپورٹی، زیادہ مہنگے GS اور GR ماڈلز پائیں گی۔ اب تک 1.5L اور 1.0L انجن کے ساتھ 1.5L ہائبرڈ کا آپشن بھی موجود ہے۔ حیرت نہیں ہوگی اگر ٹویوٹا اس ماڈل کے لیے بھی CVT  ہی اختیار کرنے کا فیصلہ کرے۔ 

حتمی رائے: 

ہو سکتا ہے یہ بہت سے لوگوں کو کنفیوز کردے، لیکن یارِس عام ٹویوٹا وِٹز سے بہت زیادہ مختلف گاڑی نہیں ہے۔ درحقیقت ٹویوٹا دوسری اور تیسری جنریشن کی وِٹز یورپی مارکیٹ میں یارِس کے نام سے ہی فروخت کرتا ہے۔ لیکن یہاں یہ مسئلہ نہیں۔ مختلف علاقوں، جیسا کہ انڈونیشیا اور امریکا، یارِس کے بالکل مختلف ماڈل کا لطف اٹھاتے ہیں۔ اس مرتبہ یہ معاملہ بھی تبدیل ہو جائے گا۔ ٹویوٹا جاپان ٹویوٹا وِٹز کے ساتھ نئی یارِس بھی فروخت کرے گا۔ اس لیے ممکن ہے اس مرتبہ یارِس کو کئی سالوں کے بعد اپنی الگ شناخت مل جائے۔ 

(Yaris US Variant)

(Yaris South African/Indonesian Variant)


Google App Store App Store
Awais Yousaf

I'm a crazy car guy. I want an aeroplane hangar full of cars. Is that too much to ask for?

Top