یاماہا نے وائی بی آر 125جی نائٹ فلو لمیٹڈ ایڈیشن ماڈل کا خاتمہ کر دیا


موٹر سائیکل بنانے والے اداروں نے پاکستان میں اپنی مشہور موٹر سائیکلوں کے لمیٹڈ ایڈیشن جاری کرنے کی روایت شروع کر دی ہے۔ یہ قدم حیران کُن ہے کیونکہ اس سے زبردست تشہیر ملتی ہے اور برانڈ پہچان بھی۔ موٹر سائیکل کے شوقین سب سے الگ اور سب سے جدا نظر آنے کے لیے لمیٹڈ ایڈیشن کے یہ ویرینٹس لینا چاہتے ہیں۔ یاماہا YBR 125G نائٹ فلو ایسا ہی ایک لمیٹڈ ایڈیشن ویرینٹ تھا کہ جو یاماہا نے حال ہی میں پیش کیا تھا۔ یاماہا YBR 125G نائٹ فلو کی پیداوار کو محدود رکھنا  چاہتا تھا، اس لیے اس موٹر سائیکل کی پیداوار روک دی گئی ہے۔ 

یاماہا YBR 125G نائٹ فلو ایک جاندار موٹر سائیکل ہے جو شوخ اور چمکدار رنگوں کے گرافکس اور سرمئی رنگ میں آئی۔ اس کا ڈیزائن یاماہا MT سیریز سے لیا گیا تھا۔ یاماہا کی MT سیریز ایک نیکڈ بائیک سیریز ہے۔ یاماہا کی یہ سیریز دنیا بھر میں اپنی کارکردگی اور خوبصورت شکل کی وجہ سے مشہور ہے۔ YBR 125G بلیک کے بعد نائٹ فلو یاماہا برانڈ کی اس لائن اَپ میں سب سے پسندیدہ رنگ تھا۔ 

یاماہا نے روایتی موٹر سائیکلیں بنانے سے لے کر پاکستان میں اسپورٹی بائیکس پیش کرنے تک ایک طویل سفر طے کیا ہے۔ اس نے پاکستان میں اپنے برانڈ کی ساکھ کافی حد تک تبدیل کر دی ہے۔ برانڈ ساکھ میں اس تبدیلی میں بڑا حصہ YBR 125 متعارف کروانا اور یوں 125cc موٹر سائیکلوں کی دنیا میں قدم رکھنا تھا۔ یہ موٹر سائیکلیں نہ صرف چلانے میں اسپورٹی ہیں بلکہ دیکھنے میں اسٹائلش اور خوبصورت بھی ہیں۔ پاکستان میں نوجوان یاماہا کا اہم ہدف ہیں اور یہ بخوبی ان کی مارکیٹ کو پورا کر رہا ہے۔ 

یاماہا موٹر سائیکلوں کی نئی جنریشن میں پُش اسٹارٹ، فیول گیج اور گیئر پوزیشن انڈی کیٹر جیسے جدید فیچرز ہیں۔ YBR 125 اور YBR 125G  متعارف کروائے جانے سے پہلے یاماہا نے YB 125Z پیش کی تھی۔ YB 125Z کو اپنے اجراء کے وقت پاکستان میں ٹیکنالوجی کے لحاظ سے جدید موٹر سائیکل سمجھا جا سکتا ہے۔ YBR 125 سیریز میں YB 125Z کے مقابلےمیں بہتر انجن ہے۔ بلیک اور نائٹ فلو رنگوں کے علاوہ ریسنگ بِلو رنگ کو بھی مقبولیت حاصل رہی۔

نائٹ فلو سیریز کو پاکستان میں پہلی لمیٹڈ ایڈیشن موٹر سائیکل کی حیثیت سے امتیاز حاصل ہے۔ لمیٹڈ ایڈیشن موٹر سائیکلیں پیش کرنے کی روایت کا آغاز آٹوموٹو دنیا میں ایک اچھا اور مثبت رحجان ہے۔ یاماہا نے YBR 125G  نائٹ فلو ماڈل کی خریداری پر مفت رِم رفلیکٹرز بھی پیش کیے۔ نائٹ فلو کلر 2017ء کا ایک ایوارڈ یافتہ رنگ ہے۔ موٹر سائیکل کی باڈی پر شوخ پیلے رنگ کے decals اور رِمز پر اسی رنگ کی جھلک ہیں۔ یہ شوخ پیلا رنگ نائٹ فلو رنگ کے ساتھ بخوبی چلتا ہے۔ YBR 125G  کے صرف 1000 ماڈلز بنائے گئے تھے۔ 

اس وقت YBR 125G  تین رنگوں میں دستیاب ہے: شوخ کاک ٹیل ریڈ، ریسنگ بلو اور میٹالک بلیک۔ یہ 5-اسپیڈ ٹرانسمیشن کے ساتھ 4اسٹروک 125cc انجن رکھتی ہے۔ یہ 1,60,000 روپے میں دستیاب ہے۔ یہ فرنٹ ڈسک بریکس اورریئر ڈرم بریکس کے ساتھ آتی ہے۔ فرنٹ ہیڈ لیمپ ہیلوجن ہے جو رات کے وقت اپنے اردگرد کو بخوبی روشن کر دیتا ہے۔ YBR سیریز بلاک پیٹرن ٹائروں سے لیس ہے جو ٹریکشن اور روڈ گرِپ کو بہتر بنانے میں مدد دیتے ہیں۔ 

YBR 125G  نائٹ فلو ماڈل کی بندش پر اپنے خیالات نیچے تبصروں میں پیش کیجیے۔ ایسی ہی معلوماتی خبروں کے لیے پاک ویلز پر آتے رہیے۔


Google App Store App Store

  • Muhammad Usman

    I think Yamaha should introduce much more bold and sporty designs in Pakistan. The YBR 125G is much more cooler and sportier looking than that sold in Pakistan. And their night fluo addition is likewise worth paying for.

  • Muhammad Usman

    I’m sorry I meant Yamaha MT 125. Which is sold in india for 1.20lac INR

Top