ٹویوٹا گاڑیوں کے بریکس بنانے والے کارخانے میں آتش زدگی


ٹویوٹا آسین سیکو کے ذیلی ادارے ایڈوِکس (Advics) کے کارخانے میں آگ لگ جانے کے باعث چار افراد زخمی ہوگئے ہیں۔ وسطی جاپان میں قائم اس کارخانے میں ٹویوٹا گاڑیوں کے لیے بریکس تیار کیے جاتے ہیں۔ تحقیقات کے بعد آگ لگنے کا سبب رنگ کرنے والے شعبے میں گیس کا دھماکہ بتایا جارہا ہے۔

ایڈوِکس نہ صرف جاپان بلکہ دیگر ایشیائی ممالک میں بھی ٹویوٹا گاڑیوں کے لیے بریکس فراہم کرتا ہے۔ جاپان میں ایڈوکس کے دو کارخانے موجود ہیں جن میں سے ایک حالیہ آتش زدگی کے باعث بند کیا جاچکا ہے۔ اس سے پاکستان میں ٹویوٹا گاڑیوں کی تیاری بھی متاثر ہونے کا امکان موجود ہے۔

یہ بھی پڑھیں: لاکھوں ٹویوٹا کرولا اور ہونڈا سِوک کے حفاظتی ایئربیگز میں مسئلہ کا انکشاف

aftermarket_img01_en

رواں سال یہ دوسرا موقع ہے کہ جب ٹویوٹا (Toyota) گاڑیوں کے لیے کسی قسم کے پرزے تیار کرنے والے کارخانہ ناگزیر وجوہات کی بنا پر بند کرنا پڑا۔ اس سے قبل جاپان میں آنے والے زلزلے سے بھی ٹویوٹا کو کافی نقصان ہوا جس کے بعد ٹویوٹا گاڑیوں کے لیے انجن تیار کرنے والے کارخانے میں آگ بھڑک اٹھی تھی۔ اس سے جاپانی ادارے کو تقریباً 80 ہزار گاڑیوں کی تیاری میں غیر معمولی تاخیر کا سامنا کرنا پڑا۔ ان افسوس ناک واقعات کے باعث اپریل میں 17 فیصد کم ٹویوٹا گاڑیاں تیار کی گئیں جن کی تعداد تقریباً 258,387 بنتی ہے۔

گو کہ فی الوقت کارخانے میں لگنے والی آگ سے ہونے والے نقصانات کا اندازہ لگانا مشکل ہے تاہم ایک بات یقینی ہے کہ اس سے ٹویوٹا کو ایک بار پھر گاڑیوں کی تیاری کے سلسلے میں مسائل کا سامنا کرنا پڑے گا۔


Google App Store App Store
Adan Ali

Adan is a Rising Journalism Sophomore at Northwestern University, with an inclination towards non-political investigative journalism and advertising. He is currently serving as a Research Assistant for the Arab World’s first media museum, The Media Majlis and an Admissions Diplomat at NU-Q. Adan comes with an experience of almost three years in the field of media creation, alongside Dawn, Parhlo, PakWheels, and The Daily Q occupying the roles of an Intern, Guest Writer, and Staff Reporter. Formerly, Adan has served as a Founder and CEO of The Nixor Times, a media and advertising company, besides which, he has offered his services as a Member of Board at Nixor Corporate. He tweets @adanali12 and runs a channel on YouTube.

Top