ہونڈا سِوک 2016 کے تینوں ماڈلز کا تفصیلی جائزہ

Civic-Featured-Infographic-urdu

امید تھی کہ نئی ہونڈا سِوک 2016 کی پاکستان میں باضابطہ رونمائی کے بعد ان افواہوں اور الجھنوں کا خاتمہ ہوجائے گا کہ جو سِوک میں شامل خصوصیات اور سہولیات سے متعلق پائی جاتی تھیں۔ تاہم اس موقع پر ہونڈا نے ایک نئے ماڈل سے اچانک پردہ اٹھا کر اپنے ممکنہ صارفین کومزید الجھن اور پریشانی میں مبتلا کردیا ہے۔ گوکہ اس تیسرے ماڈل سے متعلق ہم پاک ویلز پر اپنے قارئین کو بتا چکے تھے تاہم بہت سے لوگ اس بات کے لیے تیار نہ تھے کہ ہونڈا ایٹلس عین وقت پر کوئی سستا ماڈل بھی پیش کرسکتا ہے۔

مزید پڑھیں: ہونڈا سِوک 2016 کا تیسرا ماڈل جو پہلے منظرعام پر نہیں آیا

اب جبکہ ہونڈا پاکستان (Honda) کی جانب سِوک کے تینوں ہی ماڈلز کی تصدیق ہوچکی ہے، ممکنہ خریدار یہ سوچنے پر مجبور ہیں کہ کونسا ماڈل اور کیوں خریدا جائے۔ یہ سطور لکھتے ہوئے مجھے اپنا ایک پرانا مضمون یاد آرہا ہے کہ جس میں ٹویوٹا کرولا کے تمام ہی ماڈلز میں پائی جانے والی مماثلت اور تفریق کی دلچسپ کہانی بیان کی گئی تھی۔ البتہ سِوک کے ماڈلز میں موازنہ کرنا زیادہ سہل ثابت ہوا کیوں کہ کرولا کے پانچ ماڈلز کے مقابلے میں سِوک کے صرف تین ہی ماڈلز متعارف کروائے گئے ہیں۔ یاد رہے کہ پاکستان میں دستیاب ٹویوٹا کرولا کی قیمت 16 لاکھ روپے سے شروع ہو کر 24 لاکھ روپے تک جاتی ہے۔ دوسری طرف نئی سِوک پاکستان میں 23.5 لاکھ روپے سے 30 لاکھ روپے تک میں دستیاب ہے۔

یہ بھی پڑھیں: پاکستان میں ہونڈا سِوک کے نئے عہد کی شروعات

نئی سِوک کے متعارف کروائے گئے تین ماڈلز یہ ہیں: i-VTEC، i-VTEC اوریئل اور VTEC ٹربو۔ یہ تمام ہی ماڈلز CVT گیئر باکس کے ساتھ پیش کیے گئے ہیں اور مستقبل میں مینوئل گیئر کی دستیابی سے متعلق فی الحال کچھ نہیں کہا جاسکتا۔ انجن کی اگر بات کریں تو ہونڈا نے اس بار دو بالکل مختلف نوعیت کے انجن شامل کیے ہیں۔ ان میں سے ایک i-VTEC 1800cc انجن ہے جو 141 ہارس پاور اور 174 نیوٹن میٹر ٹارک فراہم کرسکتا ہے۔ یہ انجن i-VTEC کے علاوہ i-VTEC اوریئل میں شامل ہے۔ دوسرا انجن 1500cc VTEC ٹربو انجن ہے جو 173 ہارس پاور اور 220 نیوٹن میٹر ٹارک فراہم کرتا ہے۔ جیسا کہ نام سے ظاہر ہے، یہ انجن سِوک کے مہنگے ترین ماڈل 1.5 ٹربو میں شامل کیا گیا ہے۔

قیمت کے اعتبار سے اگر بات کریں تو نئی سِوک 2016 کے تین ماڈلز کی قیمتیں یہ ہیں:
ہونڈا سوک 1.8 (i-VTEC) – 23,49,000 روپے
ہونڈا سوک 1.8 اوریئل (i-VTEC) – 24,99,000 روپے
ہونڈا سوک 1.5 ٹربو (VTEC) – 29,99,000 روپے

PKDM 2016 Honda Civic i-VTEC

جہاں تک بات ہے نئی سِوک کی خصوصیات کی تو اس کے بیسک ماڈل (i-VTEC) میں درج ذیل چیزیں شامل ہیں:
٭ CVT گیئر باکس
٭عقب میں ملٹی لنک سسپنشن
٭ برقی پارکنگ بریک
٭ برقی پاور اسٹیئرنگ
٭ اسٹیئرنگ پر ملٹی میڈیا کنٹرولز
٭ اکانومنی اسسٹ سسٹم
٭ اگلی جانب ہیلوجن ہیڈ لائٹ
٭ تیز روشنیاں (LED)
٭ اگلی لائٹس بمع ٹائمر
٭ دائیں اور بائیں جانب شیشوں میں انڈیکیٹر
٭ ریموٹ کنٹرول
٭ ڈبل-ڈِن ملٹی میڈیا
٭ رنگین LCD
٭ یک طرفہ A/C
٭ پچھلی نشستوں کے لیے A/C
٭ 2 ایئربیگز
٭ 4-ویل ڈِسک بریکس
٭ چور لاک (ABS)
٭ برقی بریک (EBH)
٭ خود کار بریک ہولڈ (ABH)
٭ وھیکل اسٹیبلٹی اسسٹ (VSA)
٭ ہِل اسٹارٹ اسسٹ (HSA)
٭ ایمرجنسی اسٹاپ سِگنل (ESS)
٭ خود کار لاک

سِوک کے سادے ماڈل (i-VTEC) میں دھند میں نظر آنے والی روشنیاں (fog lights)، کھڑکی پر چھت (sunroof) اور الائے رمز شامل نہیں ہیں۔ دیگر دونوں ہی ماڈلز میں یہ تینوں چیزیں موجود ہیں لیکن یہ بھی یاد رکھناچاہیے کہ سادے ماڈل کی قیمت سب سے کم یعنی 23,50,000 ہے جبکہ اس سے مہنگے والے ماڈل (1.8اوریئل) کی قیمت کم از کم 1,50,000 روپے زیادہ ہے۔

PKDM 2016 Honda Civic i-VTEC Oriel

ہونڈا سِوک 1.8 اوریئل i-VTEC میں سادے ماڈل کی تمام خصوصیات کے ساتھ درج ذیل چیزیں بھی شامل ہیں:
٭ کروز کنٹرول
٭ دھند میں نظر آنے والی روشنیاں (fog lights)
٭ دائیں و بائیں جانب برقی مررز (side mirrors)
٭ 16 انچ الائے ویلز
٭ چھت پر کھڑکی (sunroof)
٭ بغیر چابی گاڑی کھولنے کی سہولت (Smart Entry)

یہ بھی پڑھیں: کیا نئی “ہونڈا سِوک 1.5 ٹربو” اسپورٹس کار کہلانے کی حقدار ہے؟

PKDM 2016 Honda Civic VTEC Turbo

ہونڈا سِوک 2016 کے بہترین ماڈل یعنی 1.5 ٹربو VTEC میں بنیادی فرق تو انجن کا ہے لیکن 1.8 اوریئل کے مقابلے میں تعدد قابل ذکر خصوصیات بھی اضافی ہیں:
٭ پیڈل شفٹرز
٭ سیاہ گِرل (دیگر دونوں ماڈلز میں کروم گِرل شامل ہے)
٭ دروازوں میں کروم ہینڈل
٭ریموٹ سے دروازے کھولنے کی سہولت
٭ ریموٹ سے انجن اسٹارٹ کی سہولت
٭ نیوی گیشن (دیگر دونوں ماڈلز میں یہ اختیاری ہے)
٭ 4 کیمرے (ایک آگے، ایک پیچھے اور دو گاڑی اندر)
٭ پچھلی نشستوں کے لیے علیحدہ LCD
٭ تیل کی مقدار پر نظر رکھنے والا خصوصی نظام
٭ چمڑے کی نشستیں (دیگر دونوں ماڈلز میں کپڑے کی نشستیں ہیں)

ان تمام چیزوں کو آسانی سے سمجھنے کے لیے ذیل میں ایک انفوگرافکس دیا جارہا ہے۔ امید ہے اس سے قارئین کو ہونڈا سِوک 2016 کے تینوں ماڈلز میں فرق سمجھنے میں مدد ملے گی۔

Civic-Featured-Infographic-Low-Quality

اس کے علاوہ ہونڈا پاکستان کی جانب سے اضافی قیمت پر مزید خصوصیات شامل کرنے کا بھی انتخاب دیا جارہا ہے۔ ان میں یہ چیزیں شامل ہیں:

٭ گاڑی کے اندر چمڑے کا استعمال – 59,500 روپے
اس میں نشستوں پر چمڑے کا غلاف اور دروازوں پر چمڑے کا استعمال کام شامل ہے۔
٭ نیوی گیشن – 74,500 روپے
7 انچ کی اینڈرائیڈ ٹیبلیٹ جسے آپ انٹرنیٹ اور GPS کے ساتھ بھی منسلک کرسکتے ہیں۔
٭ موڈیولو پیکیج – 99,999 روپے
اس میں اگلے اور پچھلے بمپرز پر اسپائلرز، دائیں اور بائیں جانب سائڈ اسکرٹ اور ڈگی کے اوپر Duct Tail شامل ہیں۔
٭ یوٹیلٹی پیکیج – 20,500 روپے
اس میں ڈگی کے لیے ایک ٹرے، پائیدان اور شیشہ ڈھانپنے کے لیے Door Visors شامل ہیں۔
٭ شیشوں پر چمکدار کوٹنگ – 39,999 روپے
گاڑی کے شیشوں پر چمکدار، ہموار اور قدرے چکنی اضافی تہہ شامل کی جاتی ہے جس سے باہری حدت کو بہتر انداز سے روکا جاسکتا ہے۔

option-ad

مذکورہ پانچ خصوصیات میں دو (نیوی گیشن اور چمڑے کی نشستیں) صرف سادے اور 1.8 اوریئل ماڈل میں شامل کی جاسکتی ہیں کیوں کہ 1.5 ٹربو میں یہ دونوں چیزیں پہلے ہی شامل ہیں۔ جبکہ باقی تینوں آپشن کسی بھی سِوک کے ماڈل میں شامل کروائے جاسکتے ہیں۔ ہونڈا ایٹلس کی جانب سے سِوک کی خریداری پر 70 ہزار کلومیٹر اور 3 سالہ وارنٹی بھی دی جارہی ہے۔ اس کے علاوہ اضافی وارنٹی حاصل کرنے کی سہولت بھی دی گئی ہے جس کی تفصیلات درج ذیل ہیں:

ہونڈا سِوک 1.8 اوریئل
تین سالہ وارنٹی (اضافی) – 10,000 روپے
چار سالہ وارنٹی (اضافی) – 15,000 روپے

ہونڈا سِوک 1.5 ٹربو
تین سالہ وارنٹی (اضافی) – 20,000 روپے
چار سالہ وارنٹی (اضافی) – 30,000 روپے

اوپر بیان کی گئیں تمام خصوصیات شامل کی جائیں سِوک کے نئے ماڈلز کی قیمت کچھ یوں ہوگی:

ہونڈا سوک 1.8 (بشمول تمام خصوصیات)

اصل قیمت: 23,50,000 + نیوی گیشن: 74,500 + چمڑے کا استعمال : 59,500 + یوٹیلٹی پیکیج: 20,500 + موڈیولو پیکیج: 99,999 + گلاس کوٹنگ: 39,999 + چار سالہ اضافی وارنٹی: 15,000 = مجموعی قیمت :26,95,000 روپے

ہونڈا سوک 1.8 اوریئل (بشمول تمام خصوصیات)

اصل قیمت: 24,99,000 + نیوی گیشن: 74,500 + چمڑے کا استعمال: 59,500 + یوٹیلٹی پیکیج: 20,500 + موڈیولو پیکیج: 99,999 + گلاس کوٹنگ: 39,999 + چار سالہ اضافی وارنٹی: 15,000 = مجموعی قیمت: 28,08,000 روپے

ہونڈا سوک 1.5 ٹربو (بشمول تمام خصوصیات)

اصل قیمت: 29,99,000 + یوٹیلٹی: 20,500 + موڈیولو پیکیج: 99,999 + گلاس کوٹنگ: 39,999 + چار سالہ اضافی وارنٹی: 30,000 = مجموعی قیمت: 31,89,500 روپے

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top